bommey

Fejezetek:

… 67 68 69 70 71 …   ⇤ ← 69 → ⇥

1. vers

QoQpInvaD bomvam qon DawID; Su’Sanmey lulo’lu’taHvIS [bomlu’].
HItoDneS, ‘o Qun’a’! yInwIj lubuQ bIQmey.

2. vers

DabqI’ jaQDaq jI’oq; pa’ leSmeH qam Daq tu’lu’be’; bIQ jaQ vIghoS ‘ej mubI’chu’ SoD.

3. vers

jIDoy’ jIjachtaHmo’; QaD HughwIj. pujchoH mInDu’wIj, Qun’a’wI’ vIloStaHmo’.

4. vers

mumuSmeH meq luHutlhbogh muSwI’pu’ law’ law’ jIbwIj law’ puS. HoSghaj muQaw’qangbogh ghotpu’; muHIvmeH nep. vInIHbe’pu’bogh Doch vInobHa’nIS?

5. vers

‘o Qun’a’, QaghwIj DaSov; jIyemDI’, SoHvo’ So’be’ wanI’vam.

6. vers

tuHbe’jaj loSwI’pu’lI’ jIHmo’, ‘o mangghom joH’a’, Qun’a’; quvHa’be’jaj nejwI’pu’lI’ jIHmo’, ‘o yISra’el Qun’a’.

7. vers

SoHmo’ vIvaqlu’pu’ ‘ej jItuHpu’; qabwIj velpu’.

8. vers

jIHvaD HujwI’ luDam loDnI’pu’wI’; jIHvaD nov luDam SoSwI’ puqloDpu’.

9. vers

juH qachlIjmo’ jInong; munatlhpu’ wanI’vam. DaH muvaq vaqwI’pu’lI’.

10. vers

jISaQDI’ ‘ej jISopQo’DI’ vIvaqchoHlu’.

11. vers

weSjech ghegh vItuQmoHDI’, jIHvaD mu’qaD luDamchoH.

12. vers

veng lojmItDaq murIch ba’wI’pu’ ‘ej mubopbogh bommey qon chechwI’pu’.

13. vers

‘ach jIH’e’, ‘o joH’a’, qatlhob. qaSDI’ poH mIt, ‘o Qun’a’, pung’a’lIj law’mo’ HIjangneS, vIt toDlIjmo’.

14. vers

DabqI’Daq jI’oqbe’meH HItoDneS; jaghpu’wI’vo’, bIQmey jaQvo’ je vIluplu’jaj.

15. vers

mubI’chu’be’jaj SoD ‘ej mughupbe’jaj bIQ’a’ ‘ej nujDaj SoQmoHbe’jaj mungaSbogh QemjIq’a’.

16. vers

HIjangneS, ‘o joH’a’, QaQmo’ pung’a’lIj; punglIj law’mo’ jIHDaq yItlhe’neS.

17. vers

toy’wI’lI’vo’ qablIj yISo’neSQo', jISotmo’; tugh HIjangneS.

18. vers

qa’wIjDaq yISumneS, HItoDneS; voHDajbo’wIj yIDIlneS jaghpu’wI’mo’!

19. vers

vIqunlu’ ‘e’ DaSov; jItuH ‘ej jIquvHa’ ‘e’ DaSov; Hoch gholpu’wI’ DaSov.

20. vers

vIqunlu’mo’ tIqwIj ghorlu’, vaj jIQIl. vupwI’ vInej ‘ach pagh tu’lu’. baw’moHwI’pu’ vInej ‘ach pagh vISam.

21. vers

tar munob; Soj qa’. jI’ojDI’ HIq wIb munob.

22. vers

jonmeH jan mojjaj raSchaj; vonmeH jan mojjaj chepDI’.

23. vers

HurghchoHjaj mInDu’chaj, vaj leghlaHbe’ ‘ej jeltaHjaj qoDchaj.

24. vers

chaHDaq belHa’ghachlIj yIlIchneS; chaH ‘uchjaj meQbogh QeHlIj.

25. vers

chImchoHjaj raQchaj; jo’ley’meychaj Dabjaj pagh.

26. vers

vay’ DamupDI’, vay’vetlh lutlha’. vay’ DarIQmoHDI’, vay’vetlh ‘oy’ lurIch.

27. vers

HeSmeychaj tIvI’moHneS ‘ej ruvlIj lughoSbe’jaj.

28. vers

yInwI’pu’ paqvo’ luteylu’jaj; quvwI’pu’ jojDaq qI’be’jaj.

29. vers

‘ach vIQeHlu’ ‘ej jI’oy’; muSalmoH toDlIj, ‘o Qun’a’!

30. vers

Qun’a’ pong vInaDmeH bom vIlo’; vIquvmoHmeH vItlho’.

31. vers

joH’a’vaD ta’vam qaq law’ pu’Du’, lemDu’ je ghajbogh tangqa’ qaq puS.

32. vers

ta’vam luleghDI’ nguqHa’wI’pu’, Quchqu’. Qun’a’ bonejchugh, tIqDu’raj lurIHqa’lu’jaj.

33. vers

Do’Ha’wI’pu’ Qoy joH’a’ ‘ej qama’pu’Daj muSbe’.

34. vers

lunaDjaj chal, puH, bIQ’a’, Hoch vIHwI’meyDaj je.

35. vers

tlhI’yon toD Qun’a’ ‘ej yeHu’Da vengmey mutlh ‘ej pa’ luDab ghotpu’ ‘ej lu’at.

36. vers

lu’at toy’wI’pu’Daj nortlhampu’ ‘ej luDab pongDaj muSHa’wI’pu’.

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122