bommey

Fejezetek:

… 78 79 80 81 82 …   ⇤ ← 80 → ⇥

1. vers

bomvam qon ‘aSav. Su’Sanmey lulo’lu’taHvIS bomlu’. nguHmeH vep ‘oH.
teSlIj yInobneS, ‘o yISra’el QorghwI’. yoSev DaDev; DI’raq ghom rur. qeruvpu’Daq bIba’; yIbochneS.

2. vers

HoSlIj yIrIHneS ‘ej ghotoDneS! wanI’vam lutu’jaj ‘evra’yIm, benyamIn, menaSSeH je!

3. vers

ghorIHqa’neS, ‘o Qun’a’; qablIj yIbochmoHneS, vaj wItoDlu’!

4. vers

‘o mangghom joH’a’, Qun’a’, qaStaHvIS poH ‘ar bIQeH nItlhobDI’ ghotpu’lI’?

5. vers

tIr ngoghchajvaD mIn ‘onroSmey DamojmoHta’; mIn ‘onroSmey DatlhutlhmoHchu’ta’.

6. vers

jIlpu’ma’ Seng jumojmoH; Hagh jaghpu’ma’.

7. vers

ghorIHqa’neS, ‘o mangghom Qun’a’; qablIj yIbochmoHneS, vaj wItoDlu’!

8. vers

mItlhra’yImvo’ ghIrep naH San’emDer Dalel. nughmey Davuj ‘ej ‘oH Dapoch.

9. vers

‘oHvaD puH DaHuvmoH. puH lubuy’moH ‘oQqarmeyDaj ‘e’ DaqaSmoH.

10. vers

HuDmey vel QIbDaj; qet’uy Sor’a’mey vel bartIqmeyDaj.

11. vers

bIQ’a’Daq bartIqmey ngeH; bIQtIqDaq bartIqHommey ngeH.

12. vers

qatlh reDmeyDaj Daghorchu’ta’? naHDaj nIH juSbogh Hoch.

13. vers

‘oH Qaw’ ngem targh; Sop yotlh Ha’DIbaH.

14. vers

yIcheghneS, ‘o mangghom Qun’a’! chal’a’vo’ yIbejneS ‘ej yIleghneS. ghIrep naH San’emDervam yIqelneS.

15. vers

ghIrep naH yotlh pochpu’ nIHlIj ghop. SoHvaD puqloD DaHoSmoHpu’; ghaH yIqelneS.

16. vers

‘oH meQmeH qul lulo’pu’. ‘oH lu’pe’chu’pu’. chaH qunDI’ qablIj, luQaw’lu’jaj!

17. vers

‘ach nIHlIj loDDaq ghoplIj yIlanneS! SoHvaD Human puqloDvam DaHoSmoHpu’.

18. vers

ghIq SoHvo’ matlhe’Qo’. maHvaD yIn Danobchugh, vaj ponglIj wIrIt!

19. vers

ghorIHqa’neS, ‘o mangghom joH’a’, Qun’a’! qablIj yIbochmoHneS, vaj wItoDlu’!

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122