bommey

Chapters:

… 78 79 80 81 82 …   ⇤ ← 80 → ⇥

verse #1

bomvam qon ‘aSav. Su’Sanmey lulo’lu’taHvIS bomlu’. nguHmeH vep ‘oH.
teSlIj yInobneS, ‘o yISra’el QorghwI’. yoSev DaDev; DI’raq ghom rur. qeruvpu’Daq bIba’; yIbochneS.

verse #2

HoSlIj yIrIHneS ‘ej ghotoDneS! wanI’vam lutu’jaj ‘evra’yIm, benyamIn, menaSSeH je!

verse #3

ghorIHqa’neS, ‘o Qun’a’; qablIj yIbochmoHneS, vaj wItoDlu’!

verse #4

‘o mangghom joH’a’, Qun’a’, qaStaHvIS poH ‘ar bIQeH nItlhobDI’ ghotpu’lI’?

verse #5

tIr ngoghchajvaD mIn ‘onroSmey DamojmoHta’; mIn ‘onroSmey DatlhutlhmoHchu’ta’.

verse #6

jIlpu’ma’ Seng jumojmoH; Hagh jaghpu’ma’.

verse #7

ghorIHqa’neS, ‘o mangghom Qun’a’; qablIj yIbochmoHneS, vaj wItoDlu’!

verse #8

mItlhra’yImvo’ ghIrep naH San’emDer Dalel. nughmey Davuj ‘ej ‘oH Dapoch.

verse #9

‘oHvaD puH DaHuvmoH. puH lubuy’moH ‘oQqarmeyDaj ‘e’ DaqaSmoH.

verse #10

HuDmey vel QIbDaj; qet’uy Sor’a’mey vel bartIqmeyDaj.

verse #11

bIQ’a’Daq bartIqmey ngeH; bIQtIqDaq bartIqHommey ngeH.

verse #12

qatlh reDmeyDaj Daghorchu’ta’? naHDaj nIH juSbogh Hoch.

verse #13

‘oH Qaw’ ngem targh; Sop yotlh Ha’DIbaH.

verse #14

yIcheghneS, ‘o mangghom Qun’a’! chal’a’vo’ yIbejneS ‘ej yIleghneS. ghIrep naH San’emDervam yIqelneS.

verse #15

ghIrep naH yotlh pochpu’ nIHlIj ghop. SoHvaD puqloD DaHoSmoHpu’; ghaH yIqelneS.

verse #16

‘oH meQmeH qul lulo’pu’. ‘oH lu’pe’chu’pu’. chaH qunDI’ qablIj, luQaw’lu’jaj!

verse #17

‘ach nIHlIj loDDaq ghoplIj yIlanneS! SoHvaD Human puqloDvam DaHoSmoHpu’.

verse #18

ghIq SoHvo’ matlhe’Qo’. maHvaD yIn Danobchugh, vaj ponglIj wIrIt!

verse #19

ghorIHqa’neS, ‘o mangghom joH’a’, Qun’a’! qablIj yIbochmoHneS, vaj wItoDlu’!

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122