bommey

Chapters:

… 42 43 44 45 46 …   ⇤ ← 44 → ⇥

verse #1

QoQpInvaD maSqIlvam luqon qo'raH puqloDpu'.
'o Qun'a', Qoypu' teSDu'maj; maHvaD ta'mey Data'ta'bogh rIchpu' vavpu'ma'; qaSDI' jajmeychaj, qaSDI' jajqmey tIQ, ta'meyvam Data'ta':

verse #2

nughmey DaDoHmoHmeH ghoplIj tlhIn Dalo'ta', 'ach vavpu'ma' Dapochta'; ghotpu' DaQIHta', 'ach chaH DatlhabmoHta'.

verse #3

puH luSuqmeH yanchaj tlhIn lulo'be'pu' 'ej chaH toDbe'pu' DeSchaj tlhIn 'ach toDpu' nIHlIj ghop, DeSlIj, qablIj tamghay je, chaH DatIvpu'mo'.

verse #4

ta'wI' SoH, 'o Qun'a'; ya'qovvaD toD yIra'neS!

verse #5

SoHmo' gholpu'ma' DIyuvchu'; ponglIjmo' nuqaDbogh Hoch DIbeQmoH.

verse #6

naQjejHom nuHwIj vIvoqbe' 'ej mutoDbe' yanwIj.

verse #7

'ach gholpu'ma'vo' jutoDta' 'ej muSwI'pu'ma' DatuHmoHta'.

verse #8

Qun'a'mo' mamIytaH 'ej reH ponglIj wItlho'. SelaH

verse #9

'ach juwoDta' 'ej juwebmoHta' 'ej neghmaj Datlhejbe'ta'.

verse #10

ghol wIDoHpu' 'e' DaqaSmoHta'. qengHoD luSuqpu' muSwI'pu'ma'.

verse #11

peqmeH DI'raqmey jururmoHta'; nughmeyDaq jughomHa'moHta'.

verse #12

ghotpu'lI' Dangevta' 'ej ram DIlmeH Huch. DangevmeH Huch vItlh DapoQbe'.

verse #13

nuvaq jIlpu’ma’ ‘e’ DaqaSmoHta’; nutIch nuDechbogh Hoch.

verse #14

maHvaD taHqeqpu’ Da nughmey; nunuS ghotpu’.

verse #15

qaStaHvIS jaj Hoch, quvHa’ghajwIj vbam. jItuH; qablIj vel.

verse #16

qaS wanI’vam, vaqwI’, tIchwI’ je vIQoyDI’ ‘ej jagh, noDwI’ je vIleghDI’.

verse #17

qaSpu’ Hochvam, ‘ach pIlIjQo’ ‘ej mablIj wImaghQo’.

verse #18

DoHbe’pu’ tIqmaj ‘ej HelIjvo’ mamejbe’pu’.

verse #19

‘ach Deb targhmeyDaq jughorta’ ‘ej nuvel Hegh QIb ‘e’ DaqaSmoHta’.

verse #20

Qun’a’ma’ pong wIlIjpu’chugh, ‘ej Qun novvaD ghopDu’maj DIpeppu’chugh,

verse #21

vaj ghu’vam tu’be’’a’ Qun’a’? tIq peghmey Sov ghaH.

verse #22

‘ach SoHmo’ qaStaHvIS jaj Hoch, wIHoHlu’; maHvaD peqmeH DI’raqmey luDalu’.

verse #23

yIvemneS! qatlh bIQongtaH, ‘o joH’a’?

verse #24

yIHu’neS! reH ghowoDneSQo'!

verse #25

Say’qISDaq qa’maj ‘eSmoHlu’; yavDaq ngam chormaj.

verse #26

yIHu’neS! ghoQaHneS! pung’a’lIjmo’ ghotoDneS!

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122