bommey

Chapters:

… 48 49 50 51 52 …   ⇤ ← 50 → ⇥

verse #1

bomvam qon ‘aSav.
jatlh Qunpu’ Qun’a’, joH’a’, ‘ej jajlo’ chum tlhom chum qubbID tera’ rIt.

verse #2

‘IHchu’bogh tlhI’yon HuDvo’ boch Qun’a’.

verse #3

ghoS Qun’a’ma’; tamtaHbe’. ghaH tlhopDaq natlhbogh qul tu’lu’; jevqu’ Dechbogh muD.

verse #4

ghotpu’Daj noHmeH chal puH je rIt:

verse #5

“jIHDaq matlhwI’pu’wI’ tIghommoH; jIHvaD mab luchenmoHmeH ‘anmoHpu’ chaH!”

verse #6

ruvDaj lumaq chalmey, noHwI’ ghaHmo’ Qun’a’’e’! SelaH

verse #7

“peQoy, ‘o ghotpu’wI’, ‘ej jIjatlh. ‘o yISra’el, SaqaDmeH jInguH. Qun’a’ jIH, Qun’a’ra’.

verse #8

Su’angmoHmo’ Saqunbe’; reH jIH tlhopDaq bIHtaH nobmeyraj’e’ lumeQlu’bogh.

verse #9

juH qachrajvo’ tanqqa’mey vIlajQo’; yotlhrajvo’ gha’chermey vIlajQo’.

verse #10

ngemDaq Hoch Ha’DIbaH vIghaj; wa’SaD HuDDaq tangqa’mey vIghaj.

verse #11

HuDmeyDaq Hoch bo’Deghmey vISov ‘ej yotlhDaq vIHbogh Hoch Depmey vIghaj.

verse #12

“jIghung net jalchugh, vaj Saja’Qo’, qo’, Hoch ngaSbogh je vIghajmo’.

verse #13

tangqa’ ‘oynot vISop’a’? gha’cher ‘Iw vItlhutlh’a’?

verse #14

Qun’a’vaD Su’anmoHmeH, tlho’ nobmey tInob; jenwI’’a’vaD ‘Ipraj tIpab;

verse #15

qaSDI’ Seng jaj, HIrIt; vaj SatoD ‘ej jIHvaD ngay’ bonob.”

verse #16

‘ach jIvvo’vaD jatlh Qun’a’: “chutmeywIj DajatlhmeH, DIblIj yIngu’! wuSDu’lIjDaq mabwIj DalanmeH, DIblIj yIngu’!

verse #17

Sun DamuS; SoH ‘emDaq mu’meywIj DawoD.

verse #18

nIHwI’ Daleghchugh, ghaHmo’ Dabel; matlhHa’wI’pu’ Datlhej.

verse #19

mIghmeH nujlIj DajonHa’ ‘ej nepmeH nab jatlIj.

verse #20

bIba’ ‘ej loDnI’lI’ DaQIH bIjatlhDI’; SoSlI’ puqloD DarIchDI’ bInep.

verse #21

ta’meyvam Data’pu’ ‘ej jItampu’; qarur ‘e’ DaQubpu’. ‘ach DaH qaqun ’ej qapum.

verse #22

“mu’meyvam boqawbe’, ‘o Qun’a’ lIjwI’pu’, vaj Saghorchu’ ‘ej lItoD pagh.

verse #23

mutlho’meH naD munobchugh vay’, ngay’ munob; tIghwIj pabchugh vay’, vaj vay’vetlhvaD Qun’a’ toD vI’ang.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122