bommey

Chapters:

… 53 54 55 56 57 …   ⇤ ← 55 → ⇥

verse #1

QoQpInvaD maSqIlvam qon DawID. HurDaghmey lulo’lu’taHvIS [bomlu’].
qaqoy’DI’ teSlIj yInobneS, ‘o Qun’a’, ‘ej pung vItlhobDI’ yISo’’eghneSQo'.

verse #2

HIqImneS ‘ej HIjangneS; jIleSlaHbe’ jIbepDI’ ‘ej jIghugh

verse #3

jagh wabmo’, jIvvo’ QIHmo’ je. Seng muqem ‘ej muqeHmo’ mumuS.

verse #4

jIH qoDDaq ‘oy’qu’ tIqwIj; muHajmoHpu’ Hegh.

verse #5

vIghIjchoHlu’pu’ ‘ej jIjelchoHpu’ ‘ej munatlh Hajqu’ghach.

verse #6

vIjatlh: “roj bo’Degh telDu’ vIghaj ‘e’ vIjIn! jIpuvlaH ‘ej jIleSlaH ‘e’ vIjIn;

verse #7

HISlaH, chuq’a’Daq jIlenglaH ‘ej Deb vIDablaH ‘e’ vIjIn; SelaH

verse #8

jImoDlaH ‘ej jevbogh SuSvo’ jInarghlaH ‘e’ vIjIn.”

verse #9

tIQaw’neS, ‘o joH’a’, ‘ej jatDu’chaj tIwavneS; vengDaq rallu’ ‘ej ghoHlu’ ‘e’vIlegh.

verse #10

qaStaHvIS pem, ram je reDmeyDaj bav; ‘oH qoDDaq mIghlu’ ‘ej Senglu’.

verse #11

‘oH qoDDaq lot tu’lu’; ngevmeH yaHDaq QIHlu’taH ‘ej tojlu’taH.

verse #12

jagh ghaHbe’ muvaqbogh ghot’e’; jagh vIcherghlaH. ghol ghaHbe’ mutIchbogh ghot’e’; gholvo’ jISo’’eghlaH.

verse #13

‘ach ghaH SoH’e’. loD, qochwI’, vInDa’wI’, jup’a’wI’ je SoH.

verse #14

nItebHa’ naHHa’ghach wItIvpu’; Qun’a’ juH qach mayIttaHvIS matlhejchuqpu’.

verse #15

chaH jonjaj Hegh; Se’ol lughoSjaj yIntaHvIS; juHchajDaq, tIqchajDaq je mIgh chaH.

verse #16

‘ach Qun’a’ vIrIt ‘ej mutoD joH’a’.

verse #17

qaStaHvIS tlhom, po, DungluQ je jIbep ‘ej jIghugh ‘ej ghoghwIj Qoy.

verse #18

jIghobDI’ qa’wIj toD ‘ej Qan, muqaDmo’ ghotpu’ law’.

verse #19

‘Ij Qun’a’ ‘ej chaH nguqHa’moH—ben law’ DaH qubbID quS’a’ ba’—SelaH
choHbe’mo’ ‘ej Qun’a’ luvuvbe’mo’.

verse #20

vInDa’wI’’e’, juppu’Daj maghmeH ghopDaj pep; mabDaj bIv.

verse #21

Hab QIchDaj; nIm tlhagh rur, ‘ach tIqDajDaq Qoj. mu’meyDaj tun law’ watrIn tun puS, ‘ach yanmey luQIqlu’bogh rur.

verse #23

joH’a’vaD ‘ughwI’lIj Danobchugh, vaj DutaHmoH; quvwI’pu’ luvIHmoHlu’ not ‘e’ chaw’.

verse #24

‘ach SoH’e’, ‘o Qun’a’, QIH QemjIqDaq chaH DajaD. jajmeychaj bID luSIQbe’ ‘Iw lu’ojbogh tojwI’pu’’e’. ‘ach qavoq jIH.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122