bommey

Chapters:

… 92 93 94 95 96 …   ⇤ ← 94 → ⇥

verse #1

‘o joH’a’, noD Qun’a’, noD Qun’a’, yIbochneS!

verse #2

yIHu’neS, ‘o tera’ noHwI’; nguqHa’wI’vaD popqoqDaj yInobneS!

verse #3

‘o joH’a’, qaStaHvIS poH ‘ar lop jIvvo’pu’? qaStaHvIS poH ‘ar lop jIvvo’pu’?

verse #4

mu’mey nguq jatlh; mIy Hoch mIghwI’pu’.

verse #5

ghotpu’lI’ tap, ‘o joH’a’; quHlIj luQIH.

verse #6

Heghpu’bogh loD be’nal, nov je luHoH. Heghpu’bogh loD puq luchot.

verse #7

lujatlh: “leghbe’ joH’a’; jembe’ ya’qov Qun’a’.”

verse #8

peyaj, ‘o ghotpu’ Doghqu’! qoHpu’, ghorgh Suval?

verse #9

Qoybe’’a’ teS chenmoHwI’? leghbe’’a’ mIn chenmoHwI’?

verse #10

nughmeyvaD Sun ghojmoH; qunbe’’a’? loDvaD Sov ghojmoH.

verse #11

loD buSHachmey Sov joH’a’; vI’laSHom neH lurur.

verse #12

nuvvaD Sun DaghojmoHchugh, ‘ej nuvvvaD chut’a’lIj DaghojmoHchugh, vaj Quchqu’ nuvvetlh.

verse #13

qaSDI’ Seng jajmey, DaleSmoH; ghIq jIvvo’ vonmeH QemjIq ghawlu’.

verse #14

ghotpu’Daj lonQo’ joH’a’; quHDaj woDQo’.

verse #15

quvwI’ chegh ruv; lutlha’ tIgh QaQ pabwI’pu’.

verse #16

jIHvaD jIvvo’pu’ qaDmeH Hu’ ‘Iv? jIHvaD mIghwI’pu’ qaDmeH Qam ‘Iv?

verse #17

muQaHbe’ joH’a’ net jalchugh, vaj tugh mol tam Dab qa’wIj.

verse #18

vIQub: “tang qamwIj.” ngugh muQammoH pung’a’lIj, ‘o joH’a’.

verse #19

law’DI’ tIq’wIj Sengmey, qa’wIj DaQuchmoH ‘ej Dabaw’moH.

verse #20

DuboqlaH’a’ quS’a’ mIgh? ruv ‘en chenmoHmeH chut lo’.

verse #21

quvwI’ luHoHmeH ghom chaH; ‘Iw chun luqIch.

verse #22

‘ach jem’IHwIj mojpu’ joH’a’; lulIghwIj nagh mojpu’ Qun’a’wI’.

verse #23

ruvchaj ‘enmo’ chaH DIlmoH; ta’meychaj mIghmo’ chaH Sang. chaH Sang joH’a’, Qun’a’ma’.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122