bommey

Chapters:

… 47 48 49 50 51 …   ⇤ ← 49 → ⇥

verse #1

QoQpInvaD bomvam luqon qo'raH puqloDpu’.
peQoy, Hoch ghotpu’! teS yInob, tera’ luDabbogh Hoch,

verse #2

potlhwI’, ramwI’, mIpwI’, mIpHa’wI’ je!

verse #3

mu’mey val jatlh nujwIj; yajmeH paQ tIqwIj.

verse #4

vIttlheghDaq teSwIj vItlhe’moH; ngajrun vIpanmeH HurDagh vIlo’.

verse #5

qaStaHvIS Seng jajmey, qatlh vIghIjlu’, muDechDI’ mungorbogh mIghwI’pu’? 6 mIpchaj luvoq ‘ej Huchchaj law’mo’ mIy chaH.

verse #7

latlh je’qa’laHbe’bej vay’ ‘ej Qun’a’vaD voHDajbo’Daj noblaHbe’.

verse #8

wagh qa’Daj voHDajbo’ ‘ej reH yapbe’ DIlmeH Huch.

verse #9

reH yInlaHbe’; reH mol junlaHbe’.

verse #10

vabDot jubbe’ valwI’pu’ ‘e’ legh. Hegh qoH, QIpwI’ je ‘ej latlhpu’vaD mIpchaj lulon.

verse #11

reH juHchaj bIH molchaj’e’; qaStaHvIS Hoch puq poHmey, Daqmey Dabbogh bIH, ‘ach puHmeyvaD pongmeychaj tlhIn pongpu’ chaH.

verse #12

Hem loD, ‘ach taHbe’ ghaH. Hegh; Ha’DIbaHmey rur.

verse #13

qoHpu’ He ‘oH; mu’meychaj naDbogh ghotpu’ He ‘oH je. SelaH

verse #14

Se’ol ‘oH Sanchaj’e’; DI’raqmey rur. QorghwI’chaj ‘oH Hegh. chaH che’ tIgh QaQ pabwI’pu’ qaSDI’ po. Se’olDaq ragh tu’qomchaj, HoptaHvIS juHchaj.

verse #15

‘ach Se’ol HoSvo’ qa’wIj toD Qun’a’, muHevmo’. SelaH

verse #16

mIpchoHDI’ loD, DaghIjlu’jaj, ghurDI’ tuqDaj ngay’.

verse #17

HeghDI’, pagh qem loDvetlh; tlhejmeH ghIrbe’ ngay’Daj.

verse #18

yIntaHvIS, quvmoHlu’ ‘e’ Dam ‘ej DanaDlu’ bIchepDI’;

verse #19

‘ach ‘emrIghpu’Daj He ghoS qa’Daj. 20 Hem loD ‘ach yajbe’; Heghbogh Ha’DIbaHmey rur.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122