bommey

Chapters:

… 49 50 51 52 53 …   ⇤ ← 51 → ⇥

verse #1

QoQpInvaD bomvam qon DawID, ghaH ghoSDI’ natan ‘aqwI’’a’, batSeba’ ‘elpu’DI’.
jIHvaD tlhoqtlhal yIturneS, ‘o Qun’a’, pung’a’lIjmo’; punglIj vItlhmo’ ta’meywIj mIgh yInge’neS.

verse #2

jIwoghpu’mo’ HIwatlhmoHneS; jIyempu’mo’ HISay’moHneS.

verse #3

jIwoghpu’ ‘e’ vISov ‘ej jIyempu’ reH ‘e’ vItu’.

verse #4

SoH neH qaqaDpu’ jIyemDI’; mIgh ta’wIj ‘e’ Dalegh. vaj bIjatlhDI’ bIlugh net tu’ ‘ej bInoHDI’ DapIchlaHbe’lu’.

verse #5

yIqelneS: jIboghpu’DI’ jImIgh ‘ej muyInmoHpu’DI’ SoSwI’ jIyem.

verse #6

yIqelneS, qa’ qoDDaq vIt tu’lu’DI’ Dabel; tIq peghDaq jIvalmeH choghojmoH. 7 choyemHa’moHmeH chertIS SeQ yIlo’neS vaj jISay’; HISay’moHneS vaj jIH chIS law’ peDbogh muD chIS puS.

verse #8

HIQuchmoHneS ‘ej HItIvmoHneS. lopjaj HomDu’ Daghorpu’bogh.

verse #9

Hochlogh jIyemDI’ qablIj yISo’neS; Hoch ta’meywIj mIgh yInge’neS.

verse #10

jIHvaD tIq Say’ yIchenmoHneS, ‘o Qun’a’, ‘ej jIHvaD qa’ matlh yIrIHqa’neS.

verse #11

qablIjvo’ HIwoDneSQo'; jIHvo’ qa’’a’lI’ quv yInge’neSQo'.

verse #12

QuchmoHbogh toDlIj HInobHa’neS ‘ej Dulobqangbogh qa’ HInobneS.

verse #13

vaj woghwI’pu’vaD tIghlIj vIghojmoH ‘ej nIchegh yemwI’pu’.

verse #14

muDIvmoHbogh ‘Iwvo’ HItoD, ‘o Qun’a’, ‘o toDwIj Qun’a’, ‘ej bomtaHvIS jatwIj, ruvlIj rIch.

verse #15

‘o joH’a’, wuSlIj tIpoSmoHneS, vaj naDlIj maq nujlIj.

verse #16

‘anmoHlu’mo’ DaneHbe’, ‘ach vInobqang; meQmeH nobmo’ bIbelbe’.

verse #17

Qun’a’vaD ‘anmoHDI’ vay’, qa’ ghorlu’pu’bogh ghajnIS. tIq QoS ghorlu’bogh, ‘o Qun’a’, DamuSbe’.

verse #18

tlhI’yon HuDvaD yIQaQneS bIbelDI’: yeru'Sala'yIm veng reDmey tImutlhneS.

verse #19

ngugh batlh ‘anmoHlu’DI’ bIbel, meQmeH nobmeymo’, meQchu’meH nobmeymo’ je; ngugh ‘anmoHmeH raSlIjDaq tangqa’mey lunoblu’.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122