bommey
90. zsoltár
1. vers
tlhobmeH QInvam qon moSe, Qun’a’ loD.
joH’a’, lulIghmaj SoH qaStaHvIS Hoch puq poHmey.
2. vers
chenpa’ HuDmey ‘ej tera’, qo’ je DachenmoHpa’, Hochlogh Qun’a’ SoH.
3. vers
Say’qISDaq loD DacheghmoH ‘ej Dajatlh: “pechegh, ‘o Humanpu’!”
4. vers
wa’SaD DIS rur wa’Hu’ ‘e’ DaDam; ram Qu’ poH rur.
5. vers
chaH DabI’chu’; Suchtuv lurur. po magh chu’ lurur.
6. vers
qaSDI’ po, baQ; qaSDI’ tlhom, QaD ‘ej Hegh.
7. vers
QeHlIjmo’ wInatlhlu’ ‘ej bIQay’DI’ maSot.
8. vers
wemmeymaj DanuDpu’; peghmeymaj DawovmoHpu’.
9. vers
Hoch jajmeymaj DISIQ bIQeHtaHvIS; DISmeymaj DIDormoH; tlhuH rur.
10. vers
SochmaH DIS DISIQ; maHoSchugh, vaj chorghmaH DIS DISIQ. ‘ach vumqu’taHghach, Seng je ‘oH qubbIDchaj’e’. tugh Dor ‘ej mapuv.
11. vers
QeHlIj HoS qel ‘Iv? Davuvlu’meH DIblIj nel QeH’a’lIj.
12. vers
jajmeymaj DItogh ‘e’ ghoghojmoHneS, vaj tIq val wISuq.
13. vers
yIcheghneS, ‘o joH’a’! qaStaHvIS poH ‘ar qaS ghu’vam? toy’wI’pu’lI’ tIvupneS!
14. vers
qaSDI’ po, juyonmoHmeH pung’a’lIj yIlo’neS, vaj malop ‘ej maQuch qaStaHvIS Hoch jajmeymaj.
15. vers
law’ jajmey wIQIHlu’taHvIS. law’ DISmey, Qugh wISIQtaHvIS. law’jaj je jajmey maQuchtaHvIS.
16. vers
toy’wI’pu’lI’vaD ta’meylIj luleghmoHlu’jaj; puqpu’chajvaD ngay’lIj leghmoHlu’jaj.
Könyvek
