Le Aposhtolenge trabi
4. fejezet
O Peter haj o Janosh angla o angsvato
1. vers
Zhikaj von kaj le manusha vorbinas, kothe aviline le rashaja le khangerake ketanenge anglalara haj le sadducana.
2. vers
Kadal xolyajline, ke sityaren le manushen, haj viacaren anda meripe opretrajisaripe ando Jezush.
3. vers
Vast vazdine apol pe lende, haj tele xutyildine len zhikaj o kaver dyes, ke aba ratyolas.
4. vers
Ba mashkar kodal but zhene, kon ashunenas o alav, patyanas, kade apol le murshengo butipe reslas le panzhe mijan.
5. vers
Pecisajlas apol kaver dyes, ke le angmanusha, le phure haj le iskiritora kethane aviline ando Jeruzhalemo,
6. vers
lenca kethanes vi o Annash angrashaj haj vi o Kaifash, haj inke o Janosh haj Alexander, haj sode zhene feri sas anda angrashajengo falo.
7. vers
Pala soste mashkarutnes tordyardine len, pushline: „Soski saktimosa bake ande kasko anav kerdine kado?”
8. vers
Atunchi o Peter kathar o Sunto Duho pherdyardes kade das duma: „Amare popularenge anglalutnara haj tume phurale, ashunenles!
9. vers
Tume adyes oprepushen amen, ke lasho kerdam jekhe nasvale manushesa, ke te zhanen, ke sar kerdyilas pale sasto.
10. vers
Zhanen apol avri, tume haj le Izraeleske intrega manusha, ke amare Rajeske, le Nazaretickone Jezush Kristosko anaveske zorasa kerdam kado, kas tume po trushul tannardine, haj kas o Del opretrajardas anda meripe: pa leste perdal tordyol kathe kado angla tumende sastes.
11. vers
Kado barr, saves tume, kerdara, shudine,
haj savo kolcosko barr kerdyilas:
12. vers
haj naj ande khanyikaste kaver muntuipe, ke kaver anav china chi davadyilas le manushenge tala cheri, ande savo trubuj te muntosardyuvas.”
13. vers
Kana dikhline le Peteres haj le Janoshes, ke sar avri inkren, haj avri zhangline, ke chi zhanen chi te iskirin haj bi zhanara manusha si, zurales chudinaspe, haj pe lende pinzhardine, ke le Jezushesa sasle.
14. vers
Haj ke dikhline, ke vi kodo manush, kon sastyilas pasha lende tordyilas, ande khancheste chi phendine lenge dosh.
15. vers
Vladisardine apol lenge, te zhan avri anda svato, pala kodo kade vorbinaspe mashkar jekhavreste:
16. vers
„So te keras kadale manushenca? Ke angla Jeruzhalemicka manusha chudicka somnura kerdine, kado chaches si, haj nashtig asvikarasles tele.
17. vers
Apol dore tena zhal majdur e viaca mashkar le manusha, daravas len, ke tena vorbisaren khanyikaske ande kadalesko anav.”
18. vers
Pala kodo andre akhardine len, haj vladisardine, ke chi sar tena vorbin haj tena sityaren ande Jezushesko anav.
19. vers
Ba o Peter haj o Janosh kodo phendas lenge: „Krisaren apol tume amen, dore mishto avlas kodo angla o Del, ke te ashunasas barem pe tumende, sar po Del!
20. vers
Ke bi shajipe si amenge, ke tena phenas kodo so dikhlam haj so ashundam!”
21. vers
Pe kado kodal pale daradine len, pala kodo bishaldinele, ke chi rakhline traba pe kodo, ke te shaj dosharenas len, anda le manusha, ke sakon luvudyisarelas le Devles anda kodo, ke so pecisardyilas le manushesa.
22. vers
Ke majbut sar shtarvardeshe bershengo sas kodo, kasa pecisardyilas kado chudicko sastyipe.
La dulmutana eklezhiako rudyipe anda tromanipe
23. vers
Kana bishaldine len kaj pengirende geline, haj ingerdine e viaca, ke so sakofalo phendine lenge le angrashaja haj le phure.
24. vers
Kana kodal ashundine kado, jekhe ilesa-duhosa rudyinas kaj o Del: „Raja, tu san kodo, kon kerdan o cheri haj la phuva, la mara haj sakofalo, so ande late si,
25. vers
Kon le Davideske, amare dadeske, tyire slugaske mujesa, pa Sunto Duho perdal kado phendas:
»Sostar xolyajven le populara
haj gindisaren phutyarimata le manushenge?
26. vers
La phuvake kraja opre ushtyiline, kethane aviline sa le kraja
po Raj haj pe lesko Opremakhlo«.
27. vers
Ke chachikanes kethane aviline ande kado foro pe tyo sunto Shavo, po Jezush, kas opremakhlan: o Herodesh haj o Ponciush Pilatush le murtikanonca haj le Izraeleske manushenca kethanes,
28. vers
ke te keren, so tyo vast haj tyo kamipe kamlas, te pecisajveltar.
29. vers
Akanak apol, amare Raja, dikh pe lengo dosharipe, haj de kodo tye slugange, ke anda chachi zor te viacaren tyo alav.
30. vers
Tu pale lunzhar avri tyo vast pe sastyarimata, ke somnura haj chudimata te kerdyon perdal pa tye suntone Shavesko, pa Jezushesko anav.”
31. vers
Sar kade rudyinas, izdrajlas o than, kaj kethane aviline. Savorazhene andre pherdyiline le Suntone Duhosa, haj tromanes viacarenas le Devlesko alav.
Le barvalimasko kethanipe
32. vers
Le patyamne butimatange jekh sas lengo ilo thaj dyi. Chi jekh chi phendas khanchi anda pesko barvalipe, ke sakofalo jekhtuno sas.
33. vers
Le aposhtolura pale bara zorasa kerdine chacharipe penge Rajeske, pa le Jezush Kristosko opretrajisaripe: haj butardo sas e gracijimata ande savorazhenende.
34. vers
China nas mashkar lende kon chorro sas, ke sa kodal kas phuv sasle bake kher sasle, bikindinele, haj lenge ahora andinele,
35. vers
haj kaj le aposhtolenge punre shutinele. Sakoneske kattyi dine, sode trubusardas les.
36. vers
Kade o Jozhef, kon anda ciprushicko falo levita sas, kon kathar le aposhtolura o Barabashicko anav las – kadalesko avriphenipe: ushorimasko shavo si –,
37. vers
ke plugimaski phuv sas les, bikindas kodo, e ahor pale andas, haj tele shutas kaj le aposhtolenge punre.
Könyvek
