Le Aposhtolenge trabi
24. fejezet
O Pal angla Felix romaicko prefekto
1. vers
Pala panzh dyes tele gelas o Ananiash angrashaj unyi phurenca haj jekhe Tertullus anaveske fishkarishesa, haj gelas kaj o prefekto te dosharel le Pales.
2. vers
Pala soste le Pales angle akhardine, o Tertullus las te phenel o dosharipe: „Ande chachi pacha trajisaras tala tute, haj kathar tyo grizhipe but sakofalo majmishto kerdyilas,
3. vers
kado sagda haj pe sako than lashe ilesa las, lashe Felix.
4. vers
Apol butaig opre tena inkrav tut, mangav tut, ashun amen skurcindes kathar tyo baripe.
5. vers
Kade dikhlam, ke kado manush bida kerel haj xape vazdel mashkar sakono biboldo pe intrego phuv, haj voj si o anglalari ande kodal marimata, so le nazareticka kethanimata vazden.
6. vers
Haj inke vi la khangera kamlas te marhisarel, anda kado xutyildam les.
8. vers
Kana krisaresa, vi tu zhanesa sa kodo lestar, sosa ame dosharas les.”
9. vers
Vi le bibolde zurardine kado, haj chacharenas, ke sa kado kade si.
10. vers
Ba o Pal, pala kodo, ke o prefekto sikadas leske, ke te vorbil, kado phendas palpale: „Apol ke zhanav, ke aba but bersh krisari san kadale popularoske, lashe duhosa vorbisarav anda mande.
11. vers
Shaj zhanes avri apol, ke naj majbut sar deshuduj dyes, kana opreavilom ando Jeruzhalemo te rudyisarav.
12. vers
Chi dikhlas man khonyik te xavma bake bida te kerav, chi ande khangeri, chi ande zhinagoga,
13. vers
haj chi ando foro. China chi zhanen angla tute andre te chacharen, sosa akanak kathe dosharen man.
14. vers
Ba kodo apol avriphenav tuke, ke le Dadeske, mure Devleske slugisarav, pala kodo kethanipe zhalindes, so von hartikanoske phenen, haj patyav ande kodo, so tele si iskirime ande kris haj ande profeti.
15. vers
Sperantipe si man ando Del, saves vi von zhukaren, ke le chache haj le nasula opretrajina.
16. vers
Kathar kado apol vi me kodo kamav, ke muro duho uzho te avel sagutnes angla o Del haj le manusha.
17. vers
Ba pala but bersh reslom, ke dimata te dav mure populareske, te kerav sarkafimo haj colaxaripe.
18. vers
Anda kadal trabi arakhline man pala muro uzharipe ande khangeri, ba na butipesa, haj china na mashkar e bida.
19. vers
Kodal unyizhene bibolde, kon anda Azhia aviline, kaske trubusardino te aven angla tute, haj dosh te vazden, kana vorba si len pe mande,
20. vers
bake vi kadal kathe, numa te phenen avri, ke arakhline dore ande mande variso nasulipe, kana angla o angsvato tordyilom.
21. vers
Numa ande kodo jekh phenipe, so glasunes viacaros, kana mashkar lende tordyuvos, ke anda mulengo opretrajisaripe tordyuvav akanak angla tumaro krisano iskamin.”
22. vers
Ba o Felix lunzhardas lengi butyi, ke mishto pinzharelas kado drom, haj kodo phendas: „Maj kana o Lizias mijari tele avla, atunchi ashuno tumen.”
23. vers
Le shelareske pale vladisardas, ke te lel pe leste sama, te del les pacha, haj tena feril khanyikas leskirendar, ke pe lesko slugipe te aven.
24. vers
Pala unyidyesa o Felix kothe avilas la Druzillasa, peska romnyasa, kon biboldi romnyi sas. Akharadas le Pales, haj ashundas les pa Jezush Kristosko patyape.
25. vers
Ba kana voj pa chachipe, pa uzhipe haj pa avluno krisipe las te vorbil, o Felix daramnes duma das: „Akanak apol zhatar, maj ande kaver vrama akharo tut.”
26. vers
Ba vi kodo sperantisarelas, ke o Pal maj tele potyinela les, haj anda kado vi butivar akharavelas les haj vorbilaspe lesa.
27. vers
Ba pala duj bersh pala o Felix o Porcius Festus kerdyilas o prefekto. O Felix ande biboldengi voja kamelas te phirel, kade le Pales ande robilya muklas.
Könyvek
