Le Aposhtolenge trabi
3. fejezet
Le paralizanesko sastyaripe ande khangeri
1. vers
O Peter haj o Janosh pale opregeline ande khangeri kana le ijja chasoko rudyipe sas.
2. vers
Atunchi jekhe murshes ingerdine intye, kon zhikathar arakhadyipe paralizanicko sas. Sako dyes kothe shutine les ande khangerako kade phendo shukar vudar, ke kothe te mangarel le manushendar.
3. vers
Kana le Peteres haj le Janoshes dikhlas, kana andre kamline te zhan ande khangeri, rudyilas, ke te denles variso.
4. vers
O Peter le Janoshesa kethanes pe leste dikhlas, haj kodo phendas: „Dikh pe amende!”
5. vers
Pe kado kodo pe lende dikhlas, ke speratilas, ke lela lendar variso.
6. vers
Ba o Peter kade das duma: „Rup, thaj somnakaj naj man, ba so si man, kodo tuke dav: ande Nazareticko Jezush Kristosko anav ushtyi opre haj phir!”
7. vers
Haj xutyildas les kathar lesko chacho vast, haj oprevazdas les. Pe kado kodoles, ande kodo minuto zor hurajlas ande leske punre,
8. vers
kade apol opr xuklas, tordyolas haj phirelas. Andre gelas lenca ande khangeri, phirelas, xuttyelas, haj asharelas le Devles.
9. vers
O intrego butipe dikhelas, ke phirel, haj le Devles asharel.
10. vers
Pe leste pinzhardine, ke vohj si kodo, kon mangarelas ande khangerako shukar vudar. Pherdyiline chudimatasa, haj bari dikhenas anda kodo, ke so pecisardyilas lesa.
Le Peteresko vorbipe ande khangeri
11. vers
Apol ke chi zhalastar pasha Peter haj o Janosh e intrego butimata bari dikhlines nashelas pala lende ande khangerako Shalamonicko kinda.
12. vers
Kana o Peter dikhlas kado, kade das duma kaj e butimata: „Izraelicka murshale! Sostar chudin tume pe kado haj sostar dikhen kade pe amende, sar anda amari zor bake saktimo te kerdamas, ke kado phirel?
13. vers
Le Abrahamesko Del, le Izhakesko Del haj le Jakobesko Del, amare dadesko Del luvudyisardas peske Shaves, le Jezushes, kas chaches tume avri dine haj asvikardine les angla o Pilatush, kana pale kodo kade gindisardas, ke slobodo mukel les.
14. vers
Ba tume asvikardine le Suntones haj Chaches, haj kodo mangline, ke le mudares te del tumenge,
15. vers
le trajeske dinares pale mudardine, ba o Del opretrajardas les anda meripe. Kado ame dikhlam.
16. vers
Ande lesko anav das kadales zor, perdal pa lesko anav patyamnes kadale manushes, kas tume dikhen haj pinzharen, haj kathar lestar silo patyape das leske kado sastyipe sa angla tumende dikhindes.
17. vers
Ba zhanav apolal phralale, ke anda bi zhanimata kerdine so kerdine, haj vi tumare anglalutnara.
18. vers
Ba o Del kade kerdas kodo, so peske profetanca viacarelas, ke lesko Kristo dukharela.
19. vers
Inkren apol bezexbunuimata haj bolden tumen karing o Del, ke te kosentar tumare bezexa,
20. vers
haj le ushorimaske vrami te aventar kathar o Raj, haj te bishalel kodoles, kas viacarenas tumenge, le Jezush Kristos.
21. vers
Les apol le chereske trubuj andre te xutyilel, kaj kodi vrama kana sakono butyi po than tordyola, pa soste o Del vorbilas aba but shela bersh perdal pa peske profetango muj.
22. vers
Ke o Mozesh phendas, ke »tumaro Raj, tumaro Del, pe mande ando profeta trajarla tumenge mashkar tumare phral, les ashunen ande sakofaloste, so phenela maj tumenge
23. vers
Ke kodo pecisardyola, ke sa kodal, kon chi ashunen kadale profetas, avrimudarena mashkar kado popularo«
24. vers
Le profeti, kon vorbinas, zhikathar o Shamuel haj pala kodo, sa viacarenas kadal dyesa.
25. vers
Tume sanle le profetange haj la konvenciake shave, so o Del amare dadenca phanglas, kana le Abrahameske kodo phendas: »Anda tyiro falo lela ashtyilipe la phuvako sakono popularo«.
26. vers
O Del anglalutnes tumenge kerdas haj bishaldas peske Shaves, te ashtyilisarel tumen, haj kade sakon te muntusardyol anda pesko nasulipe.”
Könyvek
