Le Aposhtolenge trabi
5. fejezet
Le Ananiashesko haj la Safirako xoxavjipe
1. vers
Vi jekh Anaiash anavesko manush haj leski romnyi, kon Safira busholas phuv bikindine,
2. vers
ba peska romnyake zhanglipesa choral inkerdas variso anda phuvako ahor, haj numa jekh rig andas haj shutas angla le aposhtolenge punre.
3. vers
Ba o Peter kade das duma: „Ananiash sostar shutas ande zumavjimata o shatano tyo ilo, ke te xoxaves le Suntone Duhoske, haj xoxamnes palpale te inkres anda phuvako ahor?
4. vers
Te ashilino, tuke ashilino, haj tu grizhosas kodalesa so bikindan. Sostar tromajlas apol pe kasavi traba te cirdadyol tyo ilo? Na le manushenge xoxadan, ba le Devleske!”
5. vers
Kana o Ananiash kadal ashundas, kethane pelas haj mulas. Pe kado zurales bari dar xutyildas kodalen, kon kadal ashundine.
6. vers
Le terne pale opreushtyiline, oprevazdine les, avri ingerdine les haj praxosardine les.
7. vers
Dore pala trin chasura andre ushtyadas leski romnyi, kon chi zhanelas, ke so pecisajlas.
8. vers
O Peter pushlas latar: „Phen mange romnyale, ta chachikanes pe kattyi bikindine la phuva?” Kodi kado phendas: „Ova, pe kattyi.”
9. vers
Pe kado o Peter kado phendas lake: „Pe soste sas lasho kethane te vorbin pe kodo, ke te zumaven le Devleske Duhos? Aketa, kon praxosardine tye romes, kaj o vudar tordyon, haj vi tut avri ingren.”
10. vers
Atunchi kethane pelas kaj leske punre haj mulas. Le terne pale andre ushtyiline, mules arakhline la, pe kado avri ingerdine la haj praxosardine la pasha lako rom.
11. vers
Atunchi bari dar xutyildas la intregona eklezhia haj sa kodalen, kon kadal ashundine.
Somnura haj chudimata kathar le aposhtolura
12. vers
Kathar le aposhtolenge vast pale but somnura haj chudimata pecisajline mashkar le manusha. Savorazhene jekhe ilesa sasle kethane ande Shalamoneski kinda.
13. vers
Mashkar kaverende khonyik chi tromajlas lenca te inkrel, ba e butimata pe bareste inkrelas len.
14. vers
Ando Raj patyamne mursh thaj zhulyange butimata zurales bulyholas.
15. vers
Le nasvalen avri ingerdine pe vujica, pe ingremaske patura shutine len, ke kana o Peter inytye zhal, numa lesko ushajin te resel varisaven, haj te muntosajven kathar pengo nasvalipe.
16. vers
Haj inke vi anda kaver forura save pasha o Jeruzhalemo pashjonas, vi kothar zurales but zhene avenas, anenas le nasvalen haj kas le nasul duhura azbanas, haj kadal sa sastyiline.
Le Peteresko telexutyilipe haj lesko slobodipe
17. vers
Opretordyilas atunchi o angrashaj, haj sa kodal kon lesa sas – le sadducengo grupo –, haj pherdyiline xanzhvalipesa.
18. vers
Xutyildine le aposhtolen, haj ande robija shudine len.
19. vers
Ba le Rajesko andyelo ratyi avriputerdas la robijako vudar, avri ingerdas len, haj kado phendas:
20. vers
„Zhantar, tordyon avri ande khangeri haj viacaren le manushenge o sityaripe pa kado trajo.”
21. vers
Pala soste kado ashundine, kana zorilas andre geline ande khangeri haj sityarenas.
Kana reslas o angrashaj haj kon lesa sas, kethane akhardine le angsvatos, le Izraeleske shavenge sakone phuren, haj bishaldine ande robija te anenle angle.
O Peter angla angsvato
22. vers
Ba kana le slugi kothe resline haj avriputerdine la robija, chi arakhline len kothe. Palpale geline apol haj kado phendine:
23. vers
„La robija mishto andre phandades arakhlam, haj vi le ketani kote tordyonas angla o vudar, ba kana andre puterdam, khanyikas chi arakhlam kothe.”
24. vers
Kadi vorba ashundines bari dikhlas o angrashaj haj la khangerako ketanushicko vladari, ke so pecisajlas.
25. vers
Atunchi avilas varikon haj avriphendas lenge: „Aketa le murshale, kas ande robija shudine, ande khangeri tordyon haj sityaren le manushen.”
26. vers
Pe kado o vladari gelastar le sluganca, haj kade ke chi kerdas khanchi dosh ande lende andas len, ke daranas kathar le manusha, ke shudena len barrenca.
27. vers
Pala kodo kothe ingerdine haj angla angsvato tordyardine len. O angrashaj pe lenge jakha shudas:
28. vers
„Ande vladimata phendam tumenge, ke ande lesko anav tena sityaren, haj aketa, tume andre pherdyardine le intregone Jeruzhalemos tumare sityaripesa, haj pe amende kamen te shuden kodale manushesko rat.”
29. vers
Pe kado o Peter haj le aposhtolura kado phendine: „Bethar trubuj le Devleske te mukas amen, sar le manushenge.
30. vers
Amare dadengo Del opretrajardas le Jezushes, kas tume pekh kasht opretannardines mudardine.
31. vers
O Del krajeske haj muntosareske vazdas les peske chache vastesa, ke bezexbunuimata haj bezex jertimata te del le Izraeleske.
32. vers
Kadale trabenge ame zhanara sam, ame haj o Sunto Duho, kas o Del das sa kodalenge, kon muken pen leske.”
33. vers
Kana kado ashundine opre xolyajline, haj pe kodo gindisardne, ke mudaren len.
34. vers
Ba atunchi jekh Gamaliel anavesko farizano, kon angla e intrega manusha patyivalo haj kris zhanari manush sas, opretordyilas ando angsvato haj pe cerra vrama avribishaldas le manushen.
35. vers
Pala kodo las te vorbil: „Izraelicka murshale, len sama pe tumende, ke so keren kadale manushenca!
36. vers
Ke na dulmut angle ushtyilas o Teudash, haj kodo phendas pa peste, ke voj baro varikon si, haj pala kodo shtarshela mursh inkerdas lesa. Les mudardine, kodalen pale, kon patyanas leske, sa nashadine haj khanchi kerdyiline.
37. vers
Pala leste kana sas o kethane iskiripe, angle ushtyilas o Galileicko Judash, haj peste pashardas le manushen. Vi voj mulas, haj kon jekh hatyarenas lesa, sa nashadine len.
38. vers
Apolal me vi akanak kodo phenav tumenge: muken pe pende kadale manushen, haj muken len slobodo, ke kadi traba bake kerdyipe kathar le manusha si, nacholatar.
39. vers
Ba kathar o Del te si, nashtig rumunles tele, tena pecisardyol kodo, ke le Devlesa maren tumen.”
Chachipe dine les.
40. vers
Pala kodo angle akhardine le aposhtolen, maradine len, haj phendine lenge, ke chi sar tena vorbin ande Jezushesko anav, pala kodo bishaldine len.
41. vers
Kodal pale losshanes gelinetar anda angsvato, ke dosta sasle pe kodo, ke anda Jezushesko anav marhimata te dukharen.
42. vers
Haj china chi mukline ando dopash, ke sako dyes te sityaren ande khangeri haj khera haj te viacaren le Jezush Kristos.
Könyvek
