Le Aposhtolenge trabi
26. fejezet
1. vers
O Agrippa pe kado kodo phendas le Paleske: „Mukas te vorbis anda tute.” Atunchi o Pal avriputerdas peske vast, haj las te phenel peske muntumaske vorbi:
2. vers
„Anandeske inkrav man, Agrippa kraj, ke angla tute muntusarav man sa anda kodal, savenca le bibolde dosharen man.
3. vers
Ba majfeder anda kodo, ke tu pinzhares sa le jako haj pushlimata so kaj le bibolde si. Anda kado mangav tut, ashun man pachasa.
4. vers
Le bibolde pinzharen muro intrego trajo zhikathar muro ternyipe, so zhikathar pesko anglunipe mashkar lende sas ando Jeruzhalemo.
5. vers
Zhanen pa mande ke dulmut, kathar o anglalipe – te tromanas te shon chacharipe pa leste –, ando majpharo patyape trajisaros, sar farizano.
6. vers
Ba akanak vi kade kathe tordyuvav, tala e kris, ke sperantisarav man ande kodo phenipe, so o Del phendas amare dadenge,
7. vers
haj pe soste amare deshuduj kunpaniji slugisares sperantil, ke resela. Anda kado sperantipe dosharen man le bibolde, kraja.
8. vers
So murtikano arakhen ande kodo, ke o Del le mulen opretrajarel?
9. vers
Anglalutnes vi me kade gindisardom, ke sar po dushmano trubuj te dav pe Nazareticke Jezushesko anav,
10. vers
haj kado vi kerdom ando Jeruzhalemo. Mashkar le suntura bute zhenen phandadom ande robija, pala sote muklipe lom kathar le angrashaja. Kana pale mudardine len, muri vorba dom lenge.
11. vers
Pe jekh zhinagoga pe kaver phirindes butivar dukhardom len, ke kade kamlom te cirdav avrikushlimata anda lende. Pala kodo, inke majfeder xolyajvos pe lende, haj vi ande kaver forura nashavos len.
12. vers
Kana kasave gindimatasa haj le ang- rashajenge muklimaski vorbasa ando Damaskuso gelom,
13. vers
po drom karing o mizmeri kodo dikhlom, kraja, ke anda cheri vi kathar o kham maj ablyolindo fimlalipe ablyolas man krujal haj kodalen, kon manca sas.
14. vers
Savorazhene tele pelam pe phuv, haj atunchi glaso ashundom, savo pe hebericko shib kade das duma mande: »Shaul, Shaul sostar nashaves man? Pharoj tuke po trubujipe te ladinis tut!«
15. vers
Pe kado pushlom? »Kon san, Raja?« O Raj atunchi kade das duma: »Me som o Jezush, kas tu nashaves.
16. vers
Ba ushtyi opre haj tordyu pe tye punre, ke anda kodo sikadyilom tuke, ke slugaske haj chachareske te shav tut kodalenge butyange, so dikhlan, haj anda soste inke sikadyuvo tuke.
17. vers
Anda kado avrimuntusarav tut mashkar tyo popularo haj murtikana, mashkar kaste akanak bishalav tut,
18. vers
ke te putres lenge jakha, ke anda tunyarikipe po fimlalipe, haj anda shatanesko saktimo kaj o Del te resen haj kade te resen le bezexengo jertipe, haj le sagutne riga mashkar le suntura te patyana ande mande.«
19. vers
Haj sa anda kado Agrippa kraj, patyos kadale rajuno sikadyimaske.
20. vers
Majanglal kodalenge, kon ando Damaskuso sas, pala kodo ando Jeruzhalemo haj ande Judeake intrego provincia, haj palutnes le murtikanonge viacaros, ke te inkren bezexbunuipe, haj te boldenpe karing o Del, haj te keren le bezexbunuimaske trabi.
21. vers
Anda kado xutyldine man le bibolde, kana ande khangeri somas, haj kamline te mudaren man.
22. vers
Ba le Devlesko feripe zhutisardas man, haj zhikaj kado dyes than tordyilom sar chachari, angla cino thaj baro. Chi phenav khanchi kaver pa kodal, pa soste o Mozesh haj le profeti vorbinas, sar pa avlimaske butya:
23. vers
ke o Kristo dukharela, angluno avla ande mulengo opretrajisaripe, haj fimlalipe viacarela le manushenge haj le murtikanonge.”
24. vers
Kana kadal vorbindes phendas pesko muntuipe, o Fertus mishto vazdine glasosa kodo phendas: „Bigodyako san Pal, o but zhanipe ando dilipe nashavel tut!”
25. vers
O Pal pale: „Chi som me bigodyako, lashe Fertus, ba le chachimaske haj godyaverimaske vorbi phenav.
26. vers
Ke kaj o kraj, kaste zhianda kado tromanes vorbisarav, zhanel pa kadal. Kade gindisarav, ke mashkar kadal khanchi naj bipinzhardo angla leste, ke anda kadala khanchi chi pecisardyilas garadines.
27. vers
Agrippa kraj, patyas le profetange? Zhanav ke patyas!”
28. vers
Pe kado o Agrippa kade das duma kaj o Pal: „Na po but inkerdyol, ke te patyaves man haj kristiano te kerdyuvav.”
29. vers
O Pal pale: „Mangav kathar o Del, zhipe cerra, zhipe bari ahor, ke na feri tu, ba vi kodal savorazhene, kon adyes ashunen, te aven kasave, sar vi me som, na phendines kadal phanglimata.”
30. vers
Pe kado o kraj, o prefekto, e Berenike haj kon pashalende beshenas, opreushtyiline.
31. vers
Sar zhanastar kade vorbinaspe jekhavres: „Kado manush khanchi chi kerdas, anda soste meripe bake sastra te perelaspe leske.”
32. vers
O Agrippa pale kodo phendas le Festuseske: „Kadale manushes shaj muklinesas slobodo, tena manglino kris kathar o chasaro.”
Könyvek
