Le Aposhtolenge trabi
25. fejezet
O Pal angla Fextus prefekto: kathar o chasaro mangel kris
1. vers
Kana o Festus reslas ande provincia, pala trin dyes opre gelas anda Cezaria ando Jeruzhalemo.
2. vers
Le angrashaja haj le biboldenge anglune manusha sa angla leste geline, haj po Pal manglipe phendine pe leste.
3. vers
Kodo mangline lestar, ke te anavel les opre ando Jeruzhalemo. Ke kodo rakhline avri, ke po drom mudarena les.
4. vers
Ba o Festus kodo phendas, ke le Pales ande Cezarea mukel, voj pale na pa buteste dromarelatar.
5. vers
„Apol kas mashkar tumende saktimo si les – phendas –, aventar tele manca, haj mangen kris pe leste, kana variso nasulipe si ande kodo manush.”
6. vers
Inke karing le oxto-desh dyes sas mashkar lende, pala kodo tele gelas ande Cezarea. Kaver dyes kris beshlas, haj angle anadas le Pales.
7. vers
Kana kothe andine les, le bibolde, kon tele aviline anda Jeruzhalemo, krujal tordyiline les, haj but, bare dosha phenenas pe leste. Ba andre te chacharen les aba chi zhanenas,
8. vers
ke o Pal phendas pesko muntuipe: „Me chi le biboldenge krisake, haj chi la khangerake, haj chi le chasaroske chi kerdom khanchi dosh.”
9. vers
Ba o Festus ande biboldengi voja kamlas te phirel, anda kado kodo phendas le Paleske: „Kames apol opre te zhas ando Jeruzhalemo, ke kadal kothe te krisaren tut angla mande?”
10. vers
Ba o Pal kodo phendas: „Angla le chasaresko krisako iskamin tordyuvav, kothe trubuj te krisaren man. Le biboldenge khanchi dosh chi kerdom, sar vi tu zurales mishto zhanes.
11. vers
Ke te kerdomas, bake merimaski butyi te kerdomas, atunchi gata som te merav: ba kana khanchi fundo naj kodalenge, savenca kadal dosharen man, khonyik nashtig del man avri lenge. Kathar o chasaro mangav kris!”
12. vers
Pe kado o Fetus vorbisardas peske amalenca, haj kade das duma: „Kathar o chasaro manglan kris, kade vi kaj o chasaro zhasa.”
O Pal angla Festus prefekto haj angla Agrippa kraj
13. vers
Pala unyi yesa o Agrippa kraj haj e Berenike tele aviline ande Cezaria, ke te patyivin le Festuses.
14. vers
Kana aba majbut dyes ke kothe sas, o Festus duma das le krajeske pa Pal: „O Felix kathe muklas jekhe phangle manushes,
15. vers
ande kaski traba le biboldenge angrashaja haj phure mande aviline, kana ando Jeruzhalemo somas, haj lesko krisaripe mangenas.
16. vers
Kodo phendom lenge: e romaicka chi sityiline, te krisaren varikas, zhikaj le doshales chi tordyaren ande krisarenge jakha, haj zhikaj chi den leske kodi patyiv te shaj muntul pes, ke anda bezexasle trabi te shaj uzharel pes.
17. vers
Kana anda kado sigo vi kathe aviline, kaver dyes ande krisako iskamin beshlom, haj angle anadom kodale manushes.
18. vers
Le doshara angle tordyiline, ba chi zhangline khanchi kasavo te phenen, anda soste me nasulipe te dikhlomas avri,
19. vers
apol numa kasave butya sas mashkar lende, so ande lengo patyape chi fajas len, haj pa varisosko Jezush vorbinas, pa kaste o Pal kodo phenelas, ke trajil.
20. vers
Apol ke me chi dikhav perdal le kasave trabi, kodo phendom, ke dore kamel opre te zhal ando Jeruzhalemo, ke kadal kothe te krisaren pe leste.
21. vers
Ba o Pal kodo phendas, ke o Chasaro te krisarel pe leste, kade phangles inkerdom les, zhikaj chi bishalav les kaj o chasaro.”
22. vers
Pe kado o Agrippa kodo phendas le Festuseske: „Man fajas te ashunav kadale manushes.” „Tehara – utardas – maj ashunesa les.”
23. vers
Kaver dyes o Agrippa haj e Berenike bare barvalimatasa angle aviline, haj andre geline ande krisako than le mijarenca haj le foroske rajkane manushesnca kethanes. Pe Festusesko vladipe angle akhardine le Pales.
24. vers
Atunchi o Festus kade das duma: „Agrippa kraj haj tume savorazhene murshale, kon akanak kathe sanle! Aketa, dikhen les, anda kaste but biboldine rodine man ando Jeruzhalemo, xolyarnyikes haj cipisardines, ke naj slobodo majdur te trajil.
25. vers
Ba me kade gindisardom, ke chi kerdas khanchi, anda soste meripe perelaspe leske. Apol ke voj kathar o chasaro manglas kris, kade gindsardom, ke kothe bishalav les.
26. vers
Naj khanchi, so shaj iskirisaros pa leste mure rajeske. Anda koado andom les angla tumende, haj majfeder angla tute, Agrippa kraj, ke pala avriashundipe te zhanav so te iskirisarav.
27. vers
Ke chi dikhav mishtoske, ke te bishalav le robos, haj tena iskirisarav tele kodo sosa dosharen les.”
Könyvek
