Le Aposhtolenge trabi

chapter 25


Chapters:


O Pal angla Fextus prefekto: kathar o chasaro mangel kris


verse #1

Kana o Festus reslas ande provincia, pala trin dyes opre gelas anda Cezaria ando Jeruzhalemo.


verse #2

Le angrashaja haj le biboldenge anglune manusha sa angla leste geline, haj po Pal manglipe phendine pe leste.


verse #3

Kodo mangline lestar, ke te anavel les opre ando Jeruzhalemo. Ke kodo rakhline avri, ke po drom mudarena les.


verse #4

Ba o Festus kodo phendas, ke le Pales ande Cezarea mukel, voj pale na pa buteste dromarelatar.


verse #5

„Apol kas mashkar tumende saktimo si les – phendas –, aventar tele manca, haj mangen kris pe leste, kana variso nasulipe si ande kodo manush.”


verse #6

Inke karing le oxto-desh dyes sas mashkar lende, pala kodo tele gelas ande Cezarea. Kaver dyes kris beshlas, haj angle anadas le Pales.


verse #7

Kana kothe andine les, le bibolde, kon tele aviline anda Jeruzhalemo, krujal tordyiline les, haj but, bare dosha phenenas pe leste. Ba andre te chacharen les aba chi zhanenas,


verse #8

ke o Pal phendas pesko muntuipe: „Me chi le biboldenge krisake, haj chi la khangerake, haj chi le chasaroske chi kerdom khanchi dosh.”


verse #9

Ba o Festus ande biboldengi voja kamlas te phirel, anda kado kodo phendas le Paleske: „Kames apol opre te zhas ando Jeruzhalemo, ke kadal kothe te krisaren tut angla mande?”


verse #10

Ba o Pal kodo phendas: „Angla le chasaresko krisako iskamin tordyuvav, kothe trubuj te krisaren man. Le biboldenge khanchi dosh chi kerdom, sar vi tu zurales mishto zhanes.


verse #11

Ke te kerdomas, bake merimaski butyi te kerdomas, atunchi gata som te merav: ba kana khanchi fundo naj kodalenge, savenca kadal dosharen man, khonyik nashtig del man avri lenge. Kathar o chasaro mangav kris!”


verse #12

Pe kado o Fetus vorbisardas peske amalenca, haj kade das duma: „Kathar o chasaro manglan kris, kade vi kaj o chasaro zhasa.”


O Pal angla Festus prefekto haj angla Agrippa kraj


verse #13

Pala unyi yesa o Agrippa kraj haj e Berenike tele aviline ande Cezaria, ke te patyivin le Festuses.


verse #14

Kana aba majbut dyes ke kothe sas, o Festus duma das le krajeske pa Pal: „O Felix kathe muklas jekhe phangle manushes,


verse #15

ande kaski traba le biboldenge angrashaja haj phure mande aviline, kana ando Jeruzhalemo somas, haj lesko krisaripe mangenas.


verse #16

Kodo phendom lenge: e romaicka chi sityiline, te krisaren varikas, zhikaj le doshales chi tordyaren ande krisarenge jakha, haj zhikaj chi den leske kodi patyiv te shaj muntul pes, ke anda bezexasle trabi te shaj uzharel pes.


verse #17

Kana anda kado sigo vi kathe aviline, kaver dyes ande krisako iskamin beshlom, haj angle anadom kodale manushes.


verse #18

Le doshara angle tordyiline, ba chi zhangline khanchi kasavo te phenen, anda soste me nasulipe te dikhlomas avri,


verse #19

apol numa kasave butya sas mashkar lende, so ande lengo patyape chi fajas len, haj pa varisosko Jezush vorbinas, pa kaste o Pal kodo phenelas, ke trajil.


verse #20

Apol ke me chi dikhav perdal le kasave trabi, kodo phendom, ke dore kamel opre te zhal ando Jeruzhalemo, ke kadal kothe te krisaren pe leste.


verse #21

Ba o Pal kodo phendas, ke o Chasaro te krisarel pe leste, kade phangles inkerdom les, zhikaj chi bishalav les kaj o chasaro.”


verse #22

Pe kado o Agrippa kodo phendas le Festuseske: „Man fajas te ashunav kadale manushes.” „Tehara – utardas – maj ashunesa les.”


verse #23

Kaver dyes o Agrippa haj e Berenike bare barvalimatasa angle aviline, haj andre geline ande krisako than le mijarenca haj le foroske rajkane manushesnca kethanes. Pe Festusesko vladipe angle akhardine le Pales.


verse #24

Atunchi o Festus kade das duma: „Agrippa kraj haj tume savorazhene murshale, kon akanak kathe sanle! Aketa, dikhen les, anda kaste but biboldine rodine man ando Jeruzhalemo, xolyarnyikes haj cipisardines, ke naj slobodo majdur te trajil.


verse #25

Ba me kade gindisardom, ke chi kerdas khanchi, anda soste meripe perelaspe leske. Apol ke voj kathar o chasaro manglas kris, kade gindsardom, ke kothe bishalav les.


verse #26

Naj khanchi, so shaj iskirisaros pa leste mure rajeske. Anda koado andom les angla tumende, haj majfeder angla tute, Agrippa kraj, ke pala avriashundipe te zhanav so te iskirisarav.


verse #27

Ke chi dikhav mishtoske, ke te bishalav le robos, haj tena iskirisarav tele kodo sosa dosharen les.”

Chapters:


Books