Le Aposhtolenge trabi

chapter 12


Chapters:


Le Jakabesko mudaripe haj le Peteresko telexutyilipe


verse #1

Zhiande kadi vrama o Herodesh kraj oprevazdas pesko vast, ke ande eklezhia pe unyi manusha tele te malavel.


verse #2

Kade xanresa mudaradas le Jakabos, le Janosheske phrales.


verse #3

Ke apol dikhlas kodo, ke kado faj le biboldenge, inke majdur gelas, haj xutyiladas vi le Peteres. Atunchi sas le bi kamire manreske baredyesa.


verse #4

Pala soste xutyiladas les, ande robija shudadas les, haj kodo vladisardas, ke shtar, ande jekh shtarzhenengo grupo ketani te len pe leste sama. Ke kodo kamelas, ke pala e Patradyi angla e manusha ingravela les.


verse #5

Le Peteres apol ande robija inkrenas phangles, e eklezhia pale sagutnes rudyilas anda leste kaj o Del.


Le Peteresko chudicko slobodisaripe


verse #6

Kana o Herodesh zhikodo kamelas angle te ingravel les, kodi ratyi o Peter mashkar duj ketani sovelas duvar perdal lupunzalines sastrenca, le samalelara pale ando vudar lenas sama pe robija.


verse #7

Ba aketa, sikadyilas angla leste le Rajesko andyelo, haj fimlalipe ablyosardyilas opre ande robija. O andyelo pizdas le Peteresko pashavro, opreushtyadas les, haj kade das duma: „Ushtyi opre sigo!” Pe kado le lupunzi tele peline pa leske vast.


verse #8

O andyelo pale kodo phendas leske: „Brichinar tut opre haj le opre tye sandala!” Voj kerdasles, o andyelo pale kado phendas leske: „Le pe tute tye gada, haj av pala mande!”


verse #9

O Peter ande andyeloske vurmi avrigelas, haj chi zhanelas, ke dore chaches si kodo, so kathar o andyelo pecisardyol. Kodo gindisardas, ke viziovo siles.


verse #10

Pala soste perdal geline po angluno pala kodo po dujto ketanengo samalinipe, kaj o sastruno vudar resline, savo ando foro ingrelas. Kado pestar avriputerdyilas angla lende. Avrigeline, pala kodo pekh vujica nakhline perdal, haj atunchi jekharsa o andyelo nachisajlas angla leste.


verse #11

O Peter pale kana peste avilas kodo phendas: „Abakanak chachikanes zhanav, ke o Raj bishaldas peske andyelos, haj avrimuntusardas man anda Herodesheske vast haj sa anda kodo, pe soste le bibolde gindisardine.”


verse #12

Kado kana perdal gindisardas, kaj e Marija, le vi Markoske anavardo Janosheski dejako kher gelas, kaj but zhene sasle kethanes aviline, haj rudyinas.


verse #13

Kana marelas o vudar, jekh Rode anaveski sluginya avilas avri te dikhel, ke kon si kodo.


verse #14

Kana oprepinzhardas le Peteresko glaso, ande bari lossh chi puterdas avri o vudar, ba andre nashlas haj phendas, ke o Peter tordyol ando vudar.


verse #15

Ba kodal pe late dine duma: „Gelastar tyi godyi!” Ba voj zurarlas, ke kade si. Pe soste kodal kodo phendine: „O andyelo si kodo.”


verse #16

Ba o Peter feri marelas o vudar majdur. Kana pale apol avriputerdine o vudar, dikhline les haj chudinaspe.


verse #17

Kana sikadas peske vastesa, ke te ashontar, vorbisardasles sa lenge, ke sar andas les avri le Rajosko andyelo anda robija. Palunes kodo phendas: „Ingren kadi viaca kaj o Jakab haj kaj e phral!” Pala kodo oprelaspe haj dromardastar pekh kaver than.


verse #18

Kana pale zorisardyilas, na cini paguba kerdyilas mashkar le ketani, ke so pecisardyilas le Peteresa.


Le Herodesh Agrippasko meripe


verse #19

O Herodesh pale pala soste rodelas les haj chi arakhlas les, avripushelas le ketanen, pala kodo ingeradas len, haj tele gelas anda Judea ande Cezaria, haj kothe ashilas.


verse #20

Ande kodal vrami xolyajvelas pe tirusicka haj pe sidonicka. Ba kadal jekhtune hatyarimatasa aviline leste, haj pala soste le Blastuses, le krajeske lashares penge amaleske kerdine, pacha mangline, ke lenge gava lestar lelas pengo xamasko.


verse #21

Ba po avri shutino dyes o Herodesh ande krajicka gada opreurades ando krisako iskamin beshlas, haj vorbilas lende.


verse #22

Le manusha pale oprecipisardine: „Le Devleske vorbij kadal haj na manusheskej!”


verse #23

Ba atunchi tele maladas pe leste le Rajesko andyelo, ke chi phendas po Del e patyiv. Kerme xaline les, kade mulas.


O Barnabash haj o Shaul palpale zhal ande Antiochia


verse #24

Le Rajesko alav pale barolas haj bulyholas. O Barnabash haj o Shaul palpale aviline anda Jeruzhalemo, pala soste kerdine le kamipesko slugimo. Le Janoshes, kas vi Markoske anavarenas, pasha pende line les.

Chapters:


Books