chapter 18
Pala kadal gelastar anda Athen, haj ando Korintush dromardas.
Kathe maladyilas jekhe Akvila anaveske, Pontosicke biboldesa, kon na dulmut avilas anda Italia – ke o Klaudius vladisardas, ke sakono biboldo te zhaltar anda Roma –, haj leska romnyasa, la Priscillasa, haj gelastar lende.
Apol ke zhikodo sas lengi butyi – cerha kerenas –, lende ashilas haj butyi kerelas.
Sako savatone xalaspe ande zhinagoga, viacarelas le Raj Jezushesko anav, haj zurarlas te lel opre le bibolden haj le hellenon te patyan.
Kana pale o Silash haj o Timoteush reslas anda Makedonia, o Pal inke majbut butyarlas ande alavesko viacaripe, haj andre sikadas le biboldenge, ke o Jezush si o Kristo.
Ba ke kodal kushenas haj na phendine leske, tele mardas peske gada, haj kodo phendas lenge: „Pe tumaro shero te avel tumaro rat! Me uzho som, haj kathar kadi vrama kaj le murtikana zhav.”
Gelastar apol kothar, kaj jekh Ticius Justus anavesko deldaramno manushesko kher. Kodale manushesko kher pasha e zhinagoga tordyolas.
O Krispus pale, la zhinagogako anglalari, patyalas ando Raj peske familiasa kethanes, haj inke mashkar le korintushicka but zhene, kon ashunenas les, patyanas, haj vi bolardine pen.
O Raj pale kodo phendas ratyaki vrama ando sikadyipe le Paleske: „Na dara, feri vorbisar haj na ashu,
ke me tusa som. Khonyik chi resela tute, ke te azbal tut, ke but populara si man ande kado foro.”
Kothe ashilas apol jekh bersh thaj shov shon, haj mashkaral sityarelas lenge le Devlesko alav.
Ba jekhar pelaspe, kana o Gallio sas la Akhajako prokonzulo, le bibolde jekharsa po Pal dine. Kothe ingerdine les kaj la krisako iskamin,
haj kodo phendine: „Kado pe kasavo Del patyape vorbil opre le manushen, so bi krisakoj!”
Ba kana o Pal pe vorba kamlas te purel pesko muj, o Gallio kade das duma kaj le bibolde: „Bibolde murshale! Pachimasko avos tumende, kade sar so vi perelpe, kana chachikanes pa varisako bi krisipe bake pa nasul traba te avlas vorba.
Ba pa sityaripe, pa anava haj pa tumari krisimata vorbil o xape, lasharenla tume. Me ande kadal chi fajasma krisari te avav.”
Haj nashadas len kathar o krisicko iskamin.
Pe kado savorazhene xutyildine le Sostenesos, la zhinagogake anglalares, haj mardine les angla krisicko iskamin, ba o Gallio chi kadalesa chi grizholaspe khanchi.
O Pal pale inke butaig kothe ashilas, pala kodo dyes das le phralenge haj gelastar. Pala soste ande Kenkera muradas pesko shero – ke leski colax sas –, berardastar ande Siria haj lesa gelas vi e Priscilla haj vi o Akvila.
Kana resline ando Efezusho shindyiletar. Andre gelas ande zhinagoga, haj xalaspe le biboldenca.
Chaches, ke kon kothe beshenas mangenas les, ke te ashol inke majdur, voj na phendas lenge,
haj kadale vorbenca das lendar dyes: „Pale palpale avo tumende, vi o Del kade te kamela.” Kadalesa dromardastar anda Efezush.
Tele gelas ande Cezaria, kothar opregelas, drobovjisardas la eklezhia, pala kodo tele gelas ande Antiochia.
Pala soste kathe ashilas jekh vrama, dromardastar, haj andre phirdas la Galiciake provincija haj la Friga, haj sakone sityardes zurardas.
Mashkaral jekh Apollo anavesko, alexandricko biboldo avilas ando Efezush, kon zurales shukares zhanelas te vorbil haj vi le iskirimata pinzharelas.
Ke aba sityaripe las anda Rajesko drom, losshane duhosa vorbilas kodo haj sityarelas le Rajeske butya, ba numa pa Janosheseko bolardyipe zhanelas.
Tromanes sityarelas ande zhinagoga. Kana e Priscilla haj o Akvila ashundine les, pasha pende line les, haj inke majfeder vorbisardine leske le Devleske dromes.
Kana pale ando Akhaj kamlas te zhal, le phral zor dineles, haj iskirisardine le sityardenge, ke te svagaren les andre. Kana kothe reslas, ande bute sakofaloste po zhutipe sas le patyamnenge,
ke pe sako rig avrizhanelas te vorbisarel le bibolden angla butimata, haj andre sikadas perdal pa Iskirimata, ke o Jezush si o Kristo.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly