Le Aposhtolenge trabi

chapter 23


Chapters:


verse #1

O Pal karing o angsvato boldaspe, haj kade das duma: „Murshale, phralale! Zhikaj kado dyes intregone lashe duhoske hatyarimatasa phirdom angla o Raj.”


verse #2

O Ananiash angrashaj vladisardas kodaleske, kon pasha leste tordyolas, ke te malaven les pa muj.


verse #3

O Pal atunchi kade das leste duma: „Marel tut o Del, tu po parnyipe makhlo zido! Tele beshes, ke kathar e kris te krisares man, haj la krisa avri bodines, vladipe phenes, ke te malaven man!”


verse #4

Kon kothe tordyonas kodo phendine: „Le Devleske ang- rashajes kushes?”


verse #5

Ba o Pal kade das duma: „Chi zhanos phralale, ke voj si o ang- rashaj. Ke vi tele si iskirime: »Na de armaja tye populareske rajes!« „


verse #6

Apol o Pal zhanelas, ke le svatosko jekh rig mashkar le sadducanaj, le majbut pale mashkar le farizana sile, oprecipisardas ando angsvato: „Murshale, phralale! Farizano som, haj farizanengo shavo! Anda spereantipe haj anda mulengo opretrajisaripe tordyuvav angla e kris”


verse #7

Kana avriphendas kado, xape kerdyilas mashkar le farizana haj sadducana, haj o butipe shindyilastar jekhavrestar.


verse #8

Ke le sadducana kodo phenen, ke naj opretrajisaripe, chi andyelo, chi duho: le farizana pale soldujen patyan.


verse #9

Kerdyilas apol pe kado baro xape. Ke mashkar le farizana unyizhene opretordyiline, haj tromanes avri phendine: „Khanchi nasul chi arakhas ande kado manush! Shajke duho bake andyelo das leste duma.”


verse #10

Ba ke o xape turbato kerdyilas, o mijari kathar kodo daralas, ke mudaren le Pales. Avri das apol o vladipe, ke le ketani te aven tele, te len les avri mashkar lende, haj te ingren les ando dyiz.


verse #11

Pe kaver ratyi pale tordyilas pasha leste o Raj, haj kodo phendas leske: „Av zuralo, ke sar chacharipe kerdan pa mande ando Jeruzhalemo, kade trubul vi ande Roma chacharipe te keres.”


Le biboldengo konshpiraciovo po Pal


verse #12

Kana zorisardas, mashkar le bibolde unyizhene kethane xutyildine, haj colaxardine. Kodo phendine, ke china chi xan, haj china chi pen, zhikaj le Pales chi mudaren.


verse #13

Vi kathar le shtarvardesh zhene majbut sas le mursh, kon kade kethane colaxrdine.


verse #14

Gelinetar kaj le angrashaja haj kaj le phure, haj kodo phendine lenge: „Colaxardam amen, ke zhikaj kodo khanchi chi xasa, zhikaj le Pales chi mudaras.


verse #15

Akanak apol phenaven andre le mijareske le angsvatosa kethane, ke te anavel les angla amende, sar variso majbut te kamenas avri te zhanen pa leste: ame pale gata tordyuvas, ke zhiso kathe te reselas, te mudaras les.”


verse #16

Ba le Paleske phenyako shavo ashundas pa kadi traba. Kothe gelas apol, andre gelas ando dyiz, haj avrizhanardas kado le Palesa.


verse #17

O Pal pale peste akharadas jekhes mashkar le shelara, haj kodo phendas leske: „Inger kadale ternes kaj o mijari, ke si variso, so avri kamel te phenel leske!”


verse #18

Kodo pasha peste lasles, ingerdas les kaj o mijari, haj kade das duma: „O phanglo Pal manglas man, ke te anav tute kadale ternes, ke variso kamel te phenel tuke.”


verse #19

O mijari xutyildas lesko vast, rigate gelas lesa, haj pushlas les: „So kames mange te phenes?”


verse #20

Kodo pale phendasles: „Le bibolde jekh hatyardine ande kodo, ke mangen tut, ke te ingres le Pales tehara angla angsvato, sar variso te kamenas inke avri te zhanen pa leste.


verse #21

Ba tu na patya lenge, ke mashkar lende majbut sar shtarvardesh zhene zhukaren pe leste chordanes: ke kadal colaxardine pe pende, ke china chi xan, haj china chi pen, zhikaj chi mudaren les. Vi gata tordyon aba, haj zhukaren tyi vorba.”


Le Pales ande Cezaria inger


verse #22

O mijari pe kado bishaldas le ternes, haj vladisardas leske, ke tena phenel avri khanyikaske, ke „kadal avri phendan mange”.


verse #23

Pala kodo akharadas duje shelaren, haj kodo phendas lenge: „Ratyaki vrama kathar le trin chasura inkren gata eftavardeshe manushen grastenca kethanes haj dujshela brancharen, ke ande Cezaria te zhan.


verse #24

Lasharen angle vi dumarde pedon”, ke le Pales opre te beshaven, haj bi bidako te ingren les kaj o Felix prefekto.


verse #25

Pala kodo lil iskirisardas. Kado sas ande leste:


verse #26

„Le Klaudius Lizias Felixeske, le bare thaninkrareske. Drobovjipe tuke!


verse #27

Le bibolde xutyildine kadale manushes, haj kamline te mudaren les, kana le ketanenca mashkaral ushtyadom haj avrimuntusardom les, ke avrizhanglom, ke romaickoj.


verse #28

Kodo gindipesa, ke avri te zhanav e dosh, so pe leste phenenas, andre ingerdom les ande lengo angsvato.


verse #29

Kade dikhlom, ke anda penge krisange kasave butya dosharen les ande soste chi von chi hatyaren jekh, ba les khanchi bezex najles, anda soste meripe bake sastra perelaspe leske.


verse #30

Apol ke vi kodo avriphendine mange, ke konshpiralin pe leste, bishaldom les tute, haj vi kodalenge phendom, kon dosharen les, ke tute te zhan. Lasho sastyipe!”


verse #31

Le ketani pale sar vladisardine lenge, pende line le Pales, haj tala ratyaki vrama ingerdine les ando Antipatriso.


verse #32

Kaver dyes le grastaren dromardine, ke majdur te zhantar lesa, von pale palpale geline ando dyiz.


verse #33

Kodal pale kana resline ande Cezaria, perdal dine o lil le prefektoske, haj vi le Pales angla leste tordyardine.


verse #34

Kana ginadas o lil, pushlas les, ke anda savi provincia avilas. Kana avrizhanglas, ke cicilickoj,


verse #35

kodo phendas: „Maj avri ashunav tut, kana vi tye doshara avenatar.” Palunes vladisardas, ke te len pe leste sama ande Herodeshesko kher.

Chapters:


Books