Le Aposhtolenge trabi

chapter 28


Chapters:


Perdal jivendipe po niso


verse #1

Pala amaro muntusaripe zhanglam avri, ke le nisos Maltake anavaren.


verse #2

La barbara lashe sas amende: jag kerdine, haj grizhonaspe pa savorazhene ando shil haj brishind.


verse #3

Ba kana o Pal kethane kidas but kranzhi haj opral shutasle pe jag, jekh vipera avilas angle kathar o tato, haj opral shudaspe pe lesko vast.


verse #4

Le barbara dikhline pe lesko vast lathovnisarde sapes haj kodo phendine jekhavreske: „Kado manush shajke mudari si, ke avrimuntosardyilas anda mara, ba o palpale dinipe chi mukel les te trajil.”


verse #5

Ba voj tele shudas le sapes ande jag, haj chi kerdyilasles khanchi bida.


verse #6

Ba kodal kodo gindisardine, ke oprephutyol, ke kethane perel haj merel. Vi zhukarenas pe kado butaig, haj kana dikhline, ke najles khanchi bida kaver gindisardine: kodo phendine, ke del si.


verse #7

Pe kodo niso jekhe Publius anaveske rajkane manushes sasles phuva. Kado andre svagardas amen, maj trin dyes mishto inkrelas amen.


verse #8

Le Publiusesko dad atunchi nasvalo sas haj kade pashjolas. O Pal andre gelas leste, rudyilas, pala kodo pe leste shutas pesko vast, haj sastyardas les.


verse #9

Pala kadi traba pa niso le intrega nasvale avilinetar leste, haj sa sastyiline.


verse #10

Kadal zurales patyivinas amen, haj kana po bero hulyilam, dine amen sakofalo, so trubulas amen.


Le berosko drom ande Roma


verse #11

Pala trin shon apol dromardamtar pekh alexandricko bero, savo po niso jivendisardas, haj savo le „Dioskurosengo” somno phiravelas.


verse #12

Reslam ande Sirakuza, haj kothe ashilam trin dyes.


verse #13

Kothar krujal berardines ando Regiumo reslam.


verse #14

Kathe phralen arakhlam, kon mangline amen, ke te ashuvas lende efta dyes, haj numa pala kodo te zhas ande Roma.


verse #15

Le phral ashundine kado, haj angla amende aviline kothar zhikaj o Foum Appii haj kaj o Traes Taberne. Kana o Pal dikhlas len, najisipe phendas le Devleske, haj las te patyal.


Le popularengo aposhtolo ande Roma resel haj sityarel


verse #16

Kana reslam ande Roma, mukline le Paleske, ke ando kher te beshel kade, ke ketani lenas pe leste sama.


verse #17

Po trito dyes kethane akharadas le biboldenge angmanushen. Kana kethane avilas, kade das duma lende: „Phralale, murshale, chachas, ke chi kerdom khanchi le manushenge haj la dulmutane tradicijenge, ba vi kade phanglines dine man perdal ando Jeruzhalemo ande romaivonge vast.


verse #18

Pala soste krisipe inkerdine ande muri butyi, kamline man te muken, ke naj man khanchi dosh.


verse #19

Ba ke le bibolde cipinas, nas sokerav, kathar o chasaro manglom kris. Na anda kodo, ke anda vi varisoste te dosharos mure popularos.


verse #20

Anda kado manglom, ke te dikhav tumen haj te vorbisarav tumenca. Kadal shela anda Izraelesko sperantipe len krujal man.”


verse #21

Kodal kodo phendine leske: „Chi sosko lil chi lam pa tute anda Judea, haj chi kodal phral chi andine viaca, kon kathe aviline bake phendas pa tute variso nasul.


verse #22

Mangas tut, te ashunas tutar, ke sar gindistu. Ke zhanas pa kado kethanipe, ke pe sako riga xolyajven pe leste.”


verse #23

Vorbisardine lesa kade jekh dyes, haj atunchi but zhene aviline kothe kaj beshelas. Voj pale vorbisardas lenge, haj chacharipe shutas pa le Devlesko them. Zhikathar e detehara zhikaj e ratyi vorbilas lenge anda Mozesheske krisa pa Jezush.


verse #24

Sas kon patyanas leske vorbenge, ba kavera pale chi patyanas.


verse #25

Apol ke chi hatyarenas jekh mashkar jekhavreste, sa gelinetar, o Pal pale kado phendipe vorbisardas lenge: „Mishto phendas o Sunto Duho amare dadenge perdal pa Izajash:


verse #26

»Zhatar kaj kado popularo haj phen lenge:
Ashundes ashunen, ba chi hatyaren,
dikhindes dikhen, ba chi dikhen.


verse #27

Ke capenyisardyilas kadale popularesko ilo,
haj penge kanenca phares ashunen,
penge jakha sharaven,
tena te dikhen penge jakhenca,
haj te ashunen penge kanenca,
tena te hatyaren penge ilesa,
haj te boldenpe karing o Del,

haj te sastyarav len«.


verse #28

Zhanen apol avri, ke le Devlesko kado muntuimasko kamipe kaj le murtikana vorbil, ke kodal ashunen les!”


verse #29


verse #30

Voj pale inke duj bersh kothe ashilas ande kodo kher, haj patyivilas sa kodalen, kon leste andre zhanas.


verse #31

Mashkaral viacarelas le Devleske themes, haj tromanes bi tele tordyindes sityarelas pa amaro Raj, pa Jezush Kristo.

Chapters:


Books