chapter 27
Pala soste o vladipe kodo phenelas, ke po bero ingren les ande Italia, le Pales le majbute robonca kethanes perdal dine le Agusta ketanenge haj mashkar lende le Julius anaveske shelareske.
Oprehulyilam apol pekh adramittium anavesko bero, haj dromardamtar karing le Azhiicka thana. Vi le Tesalonikicko makedono Aristarchos amenca inkerdas.
Kaver dyes reslam ando Sidono. O Julus lasho sas le Palesa. Muklas leske, ke opre te shaj rodel peske vortakon, haj te grizholpe pa peste.
Kana kothar avilamtar, tala Ciprush berardam, ke le balvaja mostar phurdenas.
Perdal berardines pa Ciliciake haj Pamfiliake mara, reslam ande likicko Mira.
Apol ke o shelari rakhlas kasavo alexadricko bero savo ande Italia zhalas, pe kodo ingerdas amen perdal.
Anda soste amaro bero but dyesa lokhes nakhelas angle, zurales phares reslam angla Knidos, ba ke e balval tele xutyildas amen, karing le Salmonevoske riga perdal berardam tala Kreta.
Zurales phares berarasas pasha late, haj kade reslam kaj lasho avriphanglipe anavesko than na dur kathar la Laseako foro.
Apol ke e vrama zurales angle sas aba, haj nas aba mishto te beraras majdur, haj ke vi o postyipe nachilastar aba, o Pal phendas lenge
kadale vorbenca: „Murshale, dikhav, ke o beraripe na feri kodaleske so o bero ingrel haj le beroske, ba vi amare trajoske po nasulipe avla.”
Ba o shelari majfeder patyalas le berareske haj le anglalareske, sar le Paleske vorbenge.
Haj ke chi o avriphanglimasko than nas lasho pe kodo, ke kothe te zhukaren perdal o jivend, le majbut zhene jekh hatyardine ande kodo, ke berarentar kothar. Te shaj, atunchi resen le F”nixos, haj kothe avna jivende ande Kretako avri phanglimasko than, savo po sudno-okidenticko haj nordeno-okidenticko balval phurdipe dikhel.
Apol ke e sudnicko balval koles phurdelas, haj kade gindisardine, ke shaj inkren avri pasha kodo, so avrirakhline, opre kidine apol le berosko sastri, haj majdur geline pasha e Kreta.
Ba na pa buteste pe lende das jekh baro tufano saves nordeno-orienteske anavarenas.
Apol ke xutyildas le beros, haj chi zhanasas te beraras angle kathar e balval, rigate ingerdas amen e mara, haj kade phurdelas kathe kothe le beros e balval.
Kana nakhlamtar pasha Kanda anavesko cino niso, daba zhanglam te muntusaras le cine beros.
Kana varisar oprezhanglam te cirdasles, ferinas sar zhanenas le beros: kade perdal phangline le beros, haj ke kathar kodo daranas, ke kaj o plaj maladyon, tele muklne o pasari, haj kade zhanas majdur.
O baro tufano kade shudelas amen, ke kaver dyes avrishudine, so o bero ingrelas.
Po trirto dyes pale le beroske butyan shudine avri penge vastenca.
Haj ke but dyesa chi kham, haj chi le cherhaja chi dichiline opre, haj o baro tufano inke majfeder vazdadyolas, aba muklas amen sako sparantipe, ke muntusardyuvasa.
Kana aba but bokhajline, o Pal mashkar lende tordyilas, haj kade das duma: „Murshale, pe mande trubusardino te ashunen, chi trubusardino te avastar tala Kreta, haj chi dukharasas atunchi kadi bida.
Ba vi akanak kodo phenav tumenge, te avel tumaro duho patyamno, ke chi jekh manush chi xasajvelatar mashkar tumende, numa o bero.
Ke akanak ratyi tordyilas pashamande le Devlesko andyelo – me lesko som, haj leske slugisarav –,
haj kodo phendas: »Na dara, Pal! Angla o chasaro trubuj te tordyos: aketa, o Del tuke das sa kodalen, kon tusa beraren!«
Anda kodo murshale, te avel patyamno tumaro duho, ke me patyav le Devleske, ke kade avla, sar mange phendas kodo.
Avri trubuj te shudadyuvas pe varisavo niso.”
Kana aba vi e deshujekhto ratyi andre pherdyilas, kana pe Adrian berardam, karing e dopashratyi le berara kodo gindinas, ke varisoski phuv dichol opre angla lende.
Pe kado tele mukline o milnope ginado, haj bish angalyi ginadine. Jekh cerra majdur aba kothe feri deshu panzh angalyi ginadine.
Anda kado kathar kodo darindes, ke ande plajasle thana shaj maladyon, tele mukline shtar sastra pa berosko palunipe, haj daramnes zhukarenas avri te puterdyol o dyes.
Ba mashkaral le berara kamline te skepinpe pa bero. Kodo phendines, ke pa berosko nakh kirliga shuden avri, haj kade tele mukline o cino bero.
Atunchi o Pal kodo phendas le shelareske haj le ketanenge: „Kadal tena ashona po bero, tume nashtig muntosardyon.”
Pe kado le ketani shindine le cine beroske shela haj mukline avri te peren.
Kana aba puterdyolas o dyes, o Pal mangelas savorazhenen, ke te len pende xamasko. Kado phendas lenge: „Adyes si aba deshujekh dyes, ke zhukaren, bi xamasko sanle, haj khanchi chi len tumende.
Anda kodo pe kodo mangav tumen, len tumende xamasko, kado mishto avla tumenge. Chi jekheske chi xasajvela chi jekh bal pa lesko shero.”
Pala soste kado phendas, xutyildas o manro, haj angla sakonesko dikhlipe najisipe phendas le Devleske. Pala kodo phaglas kodo, haj las te xal.
Pe kado savorazhene pachardyiline, haj vi von line te xan.
Dujshela thaj eftavardesh thaj shov zhene samas po bero.
Kana chajiline le xamaskosa, kade ushordine po bero, ke le dyives ande mara shudine.
Ba aba pe kado zorisardyilas, la phuva chi pinzhardine opre, ba sama line jekh than, saves vazdini dolma sas. Kodo gindisardine, ke pe kado muken opre te nakhel o bero, te zhanen.
Pala soste le kirliga avriputerdine ande mara shudinele, varisode mukline pe shela save le berosko drom inkerdo kasht sas phangline, pala kodo oprecirdine e majbari pal kade kathar e balval phurdelas, kade pasharenas karing e dolma.
Kana kaj la phuvaki jekh rig resline, opretradine pe kodo le beros. Le berosko nakh tordyilas chaches, ba e paluni rig aba kethane perelas kathar la marake pleminimataki zor.
Le ketani kodo kamline, ke mudaren le robon, tena varisavo avri te tajrol haj te skipiltar.
Ba o shelari kamlas te muntul le Pales, anda kado nashtisardas, ke kado te keren. Vladisardas apol, ke kodal te mukenpe tele majanglal, kon zhanen te tajron. Te resen avri haj te zhan avri po shuko.
Le majbuten pale avri ingerdine, sas kas pe skundura, kas pale pe beroske phagerdyiline kasht. Kade pecisajlas pala kodo, ke sako manush avri reslas pe mara.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly