chapter 3
O Peter haj o Janosh pale opregeline ande khangeri kana le ijja chasoko rudyipe sas.
Atunchi jekhe murshes ingerdine intye, kon zhikathar arakhadyipe paralizanicko sas. Sako dyes kothe shutine les ande khangerako kade phendo shukar vudar, ke kothe te mangarel le manushendar.
Kana le Peteres haj le Janoshes dikhlas, kana andre kamline te zhan ande khangeri, rudyilas, ke te denles variso.
O Peter le Janoshesa kethanes pe leste dikhlas, haj kodo phendas: „Dikh pe amende!”
Pe kado kodo pe lende dikhlas, ke speratilas, ke lela lendar variso.
Ba o Peter kade das duma: „Rup, thaj somnakaj naj man, ba so si man, kodo tuke dav: ande Nazareticko Jezush Kristosko anav ushtyi opre haj phir!”
Haj xutyildas les kathar lesko chacho vast, haj oprevazdas les. Pe kado kodoles, ande kodo minuto zor hurajlas ande leske punre,
kade apol opr xuklas, tordyolas haj phirelas. Andre gelas lenca ande khangeri, phirelas, xuttyelas, haj asharelas le Devles.
O intrego butipe dikhelas, ke phirel, haj le Devles asharel.
Pe leste pinzhardine, ke vohj si kodo, kon mangarelas ande khangerako shukar vudar. Pherdyiline chudimatasa, haj bari dikhenas anda kodo, ke so pecisardyilas lesa.
Apol ke chi zhalastar pasha Peter haj o Janosh e intrego butimata bari dikhlines nashelas pala lende ande khangerako Shalamonicko kinda.
Kana o Peter dikhlas kado, kade das duma kaj e butimata: „Izraelicka murshale! Sostar chudin tume pe kado haj sostar dikhen kade pe amende, sar anda amari zor bake saktimo te kerdamas, ke kado phirel?
Le Abrahamesko Del, le Izhakesko Del haj le Jakobesko Del, amare dadesko Del luvudyisardas peske Shaves, le Jezushes, kas chaches tume avri dine haj asvikardine les angla o Pilatush, kana pale kodo kade gindisardas, ke slobodo mukel les.
Ba tume asvikardine le Suntones haj Chaches, haj kodo mangline, ke le mudares te del tumenge,
le trajeske dinares pale mudardine, ba o Del opretrajardas les anda meripe. Kado ame dikhlam.
Ande lesko anav das kadales zor, perdal pa lesko anav patyamnes kadale manushes, kas tume dikhen haj pinzharen, haj kathar lestar silo patyape das leske kado sastyipe sa angla tumende dikhindes.
Ba zhanav apolal phralale, ke anda bi zhanimata kerdine so kerdine, haj vi tumare anglalutnara.
Ba o Del kade kerdas kodo, so peske profetanca viacarelas, ke lesko Kristo dukharela.
Inkren apol bezexbunuimata haj bolden tumen karing o Del, ke te kosentar tumare bezexa,
haj le ushorimaske vrami te aventar kathar o Raj, haj te bishalel kodoles, kas viacarenas tumenge, le Jezush Kristos.
Les apol le chereske trubuj andre te xutyilel, kaj kodi vrama kana sakono butyi po than tordyola, pa soste o Del vorbilas aba but shela bersh perdal pa peske profetango muj.
Ke o Mozesh phendas, ke »tumaro Raj, tumaro Del, pe mande ando profeta trajarla tumenge mashkar tumare phral, les ashunen ande sakofaloste, so phenela maj tumenge
Ke kodo pecisardyola, ke sa kodal, kon chi ashunen kadale profetas, avrimudarena mashkar kado popularo«
Le profeti, kon vorbinas, zhikathar o Shamuel haj pala kodo, sa viacarenas kadal dyesa.
Tume sanle le profetange haj la konvenciake shave, so o Del amare dadenca phanglas, kana le Abrahameske kodo phendas: »Anda tyiro falo lela ashtyilipe la phuvako sakono popularo«.
O Del anglalutnes tumenge kerdas haj bishaldas peske Shaves, te ashtyilisarel tumen, haj kade sakon te muntusardyol anda pesko nasulipe.”
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly