chapter 6
Ande kodal dyesa ke butardyiline le sityarde, xolyi kerdyilas mashkar le hellena pe bibolde anda kodo, ke penge phivlyan muken, ke sakodyes lenge slugin.
Le deshuduj kethane akhardas apol le sityardengo butipe haj kade dine duma: „Chi avlas mishto, ke kaj le mesalya te slugisaras, haj mashkaral pale te mukas le Devlesko alav.
Anda kado phralale, alosaren avri mashkar tumende efta lashe viacangire, Suntone Duhosa thaj platnikimatasa pherdyardine murshes, haj mukas pe lende kadi butyi.
Ame pale le alavesa haj la rudyimatasa slugisarasa.”
Kado phenipe fajlas sa le intregone manushen. Avrialosardine apol le Ishtvanes, kas pherdyardas o patyape thaj o Sunto Duho, haj inke le Filipos, Prohoros, Nikanores, Timones, Parmenases, haj le Mikloshes, le antiochicko prozelitases.
Kadalen angla le aposhtolura tordyardine, haj von mashkar e rudyimata pe lende shutine penge vast.
Le Rajesko alav pale bujholas, kade apol le sityarde zurales butajline ando Jeruzhalemo, haj inke vi anda rashaja zurales but zhene patyanas lenge.
O Ishtvan pale pherdyardines gracijimasa haj zorasa, chudimata haj bare somnura kerelas mashkar le manusha.
Ba opreushtyiline unyizhene anda kodi zhinagoga, save pa leibertinushicka haj pa cireneicka, haj pa alexandriaicka anavardine, haj pa kodal, kon anda Klikia haj anda Azhia sasle, haj xanaspe le Ishtvanesa.
Ba chi zhanenas khanchi te keren le platnikimaske thaj le Duhoske, kaske zhutimatasa vorbilas.
Pe kado murshen bishaldine avri chordanes, kon kodo phenenas: „Ashundam les, kana kushlimaske vorbi phenelas po Mozesh haj po Del.”
Kade oprexolyardine le manushen, le phuren haj le iskiritoren, kon pala kado kethane aviline haj xutyildine les haj angla ang-svato ingerdine les.
Haj inke vi xoxamne dikhara tordyardine pe leste, ke te phenen kodo: „Kado manush sagda nasul shiba vorbil pa Sunto than haj pa kris.
Ke ashundam kana kodo phendas, ke o Nazareticko Jezush tele pustila kado than, haj kaver falo kerla le tradiciji, so o Mozesh muklas pamende.”
Kon ando angluno svato beshenas, sa les dikhenas, haj kasaveske dikhenas leski mosura, sar jekhe andyelosko te avilino.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly