Le Aposhtolenge trabi

chapter 11


Chapters:


O Peter vorbil le Jeruzhalemickone kethanipeske


verse #1

Le aposhtolura haj le Jeruzhalemicka phral ashundine, ke vi le murtikana andre svagardine le Devleske alaves.


verse #2

Kana apol o Peter opreavilas ando Jeruzhalemo, kon anda krujalshinimata sasle pe leste dine,


verse #3

haj kodo phenenas: „Andre gelan kaj kodal manusha, kon najle krujalshindine, haj xalan kodalenca!”


verse #4

O Peter pe kado las sa te phenel e hishtoriji, ke sar pecisajlas:


verse #5

„Ande Joppeako foro somas haj rudyisaros, kana ande mure duhosko hatyaripe viziovo diklom. Variso vaso muklyosardyilas tele, sar jekh baro colo, kathar le shtar riga anda o cheri, kade ke zhiangla mande reslas.


verse #6

Kana ande leste dikhlom, shtare punrenge phuvakire pedon haj turbatonen, reptanshon haj chiriklyan dikhlom.


verse #7

Vi glaso ashundom, so duma das pe mande: »Ushtyi opre Peter, mudarles haj xales!«


verse #8

Ba me kodo phendom: »Dur te avel mandar Raja, ke chikana nas ande muro muj kasavo bake biuzho!«


verse #9

Pe kado vi po dujto duma das o glaso anda o cheri: »So o Del uzheske kerdas kodales tu na phen biuzheske.«


verse #10

Kado pale trivar pecisardyilas, pe soste o intrego oprevazdadyilas pale ando cheri.


verse #11

Atunchi ande kodo minuto trin manusha tordyiline ando kher, kaj somas. Anda Cezaria bishaldine len mande.


verse #12

Atunchi o Duho kodo phendas mange, ke te zhavtar lenca kaj phenen. Manca avilas vi kadal shov phral, haj andre ushtyilam ande Korneliusesko kher.


verse #13

Voj phendas amenge, ke sar dikhlas le andyelos, kon tordyilas ande lesko kher, haj kade das duma leste: »Bishal ande Joppea, haj akharav le Shimones, kas vi Petereske akharen:


verse #14

voj kasave alava viacarela tuke, savenge zhutimanca muntosardyosa, tu haj tyo intrego kher.«


verse #15

Kana pala kodo lom te vorbisarav, o Sunto Duho tele hurajlas pe lende, sar vi pe amende anglalutnes.


verse #16

Atunchi serosardyilom pa le Rajeski vorba, savo phendas: »O Janosh numa pajesa bolelas, ba tumen Suntone Duhosa bolarena«.


verse #17

Kana apol o Del zhikodi gracija das lenge, sar amenge, kon patyasas ando Raj Jezush Kristo, kon som me, ke ande lesko drom te tordyilomas le Devleske?”


verse #18

Kana kadal ashundine, pachardyiline, haj kade asharenas le Devles: „Apol vi le murtikanonge das o Del o trajipo dino bezexbunuipe!”


E antiochicko eklezhiako kerdyipe


verse #19

Kodal pale, kon anda Ishtvan pecisardyilino nashavjimata sa rispisardyiline, gelinetar zhi ande F”nicia, Ciprusho, haj Antiochia, ba chi viacarenas o alav khonyik kavereske, numa le biboldenge.


verse #20

Ba sas mashkar lende unyi Ciprushicko haj Cirenicko manush, kana resline ande Antiochia, vi kaj le hellena vorbinas, viacarindes le Raj Jezushes.


verse #21

Le Rajesko vast lenca sas, kade le manusha but zhene boldadyiline karing o Del.


verse #22

Lengi viaca reslas zhikaj e Jeruzhalemicka eklezhiake kan, anda kado bishaldine le Barnabashes ande Antiochia.


verse #23

Kana kothe reslas haj dikhlas le Devleski gracija, losshajlas, haj savorazhenenge kodo phenelas, ke zurale ilesa te patyan ando Raj,


verse #24

ke lasho manush sas, pherdo Suntone Duhosa haj patyapesa. But manusha pashardyilas kaj o Raj.


verse #25

O Barnabash pala kado dromardastar ando Tarzus, opre te rodel le Shaules, haj kana arakhlas les, andas les ande Antiochia.


verse #26

Jekh intrego bersh kothe sasle pe kethane avlimata, haj bute manushen sityarenas. Ande Antiochia anavardine majanglal le sityarden kristianonge.


E Antiochicko eklezhiako dimatipe


verse #27

Ande kodal dyesa profeti aviline tele anda Jeruzhalemo ande Antiochia,


verse #28

haj mashkarlende o jekh, kaske Agabus sas lesko anav, opretordyilas, haj perdal pa Sunto Duho kodo phendas, ke bari bokh avla pe intrego phuv. Kado vi andre pherdyilas ande Klaudiuseski vrama.


verse #29

Le sityarde pe kado kodo gindisardine avri, ke savorazhene mashkar lende bishalela variso kodale phralenge, kon ande Judea beshen, te zhutin len, sakon kattyi sode zhanel.


verse #30

Kado vi kerdine, haj bishaldine les kaj le phure kathar o Barnabash haj o Shaul.

Chapters:


Books