Le Aposhtolenge trabi
2. fejezet
E angluni rusaja
1. vers
Kana reslas la rusajako dyes, savorazhene kethane sasle, zhi pe kodo than.
2. vers
Jekharsa glaso ashundyilas anda cheri, kasavo, sar kana zurales phurdel e balval. Andre pherdyardas le intregone kheres, kaj beshenas.
3. vers
Pala kodo anda jekh avrialosardyiline shiba sikadyiline lenge, kasave sar e jag, haj tele muklyosardyiline pe savorazhenende.
4. vers
Atunchi savorazhene andre pherdyiline Suntone Duhosa haj pe but shiba line te vorbin, sar o Sunto Duho dasle lenge, te den duma.
5. vers
Kaj kadi vrama, so tala o cheri si popularo anda sogodende sas ando Jeruzhalemo kasavo biboldo, kon daralas le Devles.
6. vers
Kana ashundine o baro glasipe, butimata kidadyilas kethane, haj zurales bari dikhenas, ke sakon pe peski shib ashunelas len te vorbin.
7. vers
Savorazhene bari dikhenas haj chudinaspe: „Aketa, kadal, kon vorbin, dore savorazhene anda Galilea sile?
8. vers
Sar ashunas apolal vi kade savorazhene amare shiba, ande soste arakhadyilam?
9. vers
Ame, partusha, medura, elemiticka, mezopotamicka, judaicka, kappadocicka, pontushicka, azhijicka,
10. vers
frigianicka, pamphilianicka, edyiptomicka haj anda Cirene Libiicka manusha, haj anda Roma aviline avlara,
11. vers
bibolde, prozeliti, kretaicka haj arabura: ashunas, ke pe amare shiba viacaren le Devleske bare trabi.”
12. vers
Savorazhene bari dikhenas haj chudikanes phenenas jekhavreske: „Dore soj kado?”
13. vers
Ba kavera prassandes kado phenenas: „Pherdo sile gugle molyasa!”
Le Peteresko rusajako vorbipe
14. vers
Atunchi o Peter, kon le deshujekhenca kothe tordyolas, oprevazdas peski vorba, haj las te vorbil karing lende: „Bibolde mursh, haj le Jeruzhalemeske intrega manusha! Zhanen avri kado haj ashunen muri vorba!
15. vers
Na matej kadal, sar tume gindisaren, ke le dyeseske inke feri lesko trito chaso si,
16. vers
apol numa feri kodo pecisajlas, so o Joel profeta phendas:
17. vers
»Haj kado avla ande palune dyesa
– phenel o Raj –,
avri mukav muro Duho pe sakono manush:
atunchi tumare shave haj sheja profetalina,
tumare terne sikadyimata dikhena,
tumare phuren pale sune dikhlimata avnale.
18. vers
Pe mure slugi haj slugara avri mukav muro Duho ande
kodal dyesa, haj profetalina.
19. vers
Chudimata kero kothe opre po cheri
haj somnura tele pe phuv, rates, jag haj thuvjimata.
20. vers
O kham tunyariko kerdyola o shonitiko pale rateske,
zhiso majanglal avelatar le Rajesko baro haj dikhlimasko dyes.
21. vers
Haj kado pecisjvela: sa kodo, kon po zhutipe akharela
le Rajeske anaves, muntosardyola«.
22. vers
Izralikane manusha, ashunen kadal vorbi: tume le Nazaretickone Jezushes, kodale manushes, kas o Del chachardas angla tumende zoranca, chudimatanca haj somnonca, save, sar vi tume zhanen, perdal pa Del kerelas mashkar tumende,
23. vers
kadale manushes kathar le bi Devlenge vastendar oprekarfardines mudardine les, pala soste kathar le Devlesko gindipe haj angle zhanaipe perdal davadyilas.
24. vers
Ba o Del opreputerdas le merimaske sastra, haj opretrajardas les, sar vi bi shajipe sas, ke kukola phangles te inkren les,
25. vers
ke o David pa leste phenel:
»Angla mande dikhav le Rajes sagda,
ke pe muri chachi rig tordyol voj,
ke tena kolyuvavtar.
26. vers
Anda kado losshal muro ilo,
haj losshal muri shib,
haj inke vi muro trupo ande pachate hodinisajveltar,
27. vers
ke chi mukes muro duho ande telalutni luma
haj chi mukes, ke tyo Sunto kernyipe te dikhel.
28. vers
Sikaves mange le trajesko drom,
haj angla tute losshasa pherdyares man«.
29. vers
Murshale, phralale! Muk te dav tumende duma tromanes pa David baro dad! Voj mulas, haj vi praxosardine les, haj lesko murmunto zhikaj kado dyes kathej amende.
30. vers
Ba ke voj profeta sas, haj zhanelas, ke o Del colaxasa phendas leske, ke anda leske shavora varisavo beshela pe lesko iskamin,
31. vers
ando avlipe dikhindes pa Kristosko opretrajisaripe vorbilas: ke chi ande telalutni luma chi ashola, haj chi lesko trupo chi dikhela kernyipe.
32. vers
Kadale Jezushes o Del opretrajardas, haj kadaleske ame savorazhene chachara sam.
33. vers
Apol pala soste le Devlesko chacho vast opreashardas les, haj kas o Dad leske ande vorbate das, le Suntone Duhos, avripherdyardas les – kas tume dikhen haj ashunen.
34. vers
Ke na o David gelas opre ando cheri, ke voj kodo phenel:
„Duma das o Raj mure Rajeske:
»Pe muri chachi rig besh tele,
35. vers
zhikaj me tye dushmanon.
tye punreske iskamineske kerav«.
36. vers
Te zhanel avri apol le Izraelesko intrego kher intregone zhanipesa, ke o Del Rajeske haj Kristoske kerdas les, kodale Jezushes, kas tume po trushul tannardine!”
Le anglune, kon karing o Del boldadyiline
37. vers
Kana kadal ashundine, ande pengo ilo baro hatyaripe line. Kade dine duma kaj o Peter haj kaj le majbut aposhtolura: „So te keras, murshale, phralale?”
38. vers
O Peter kodo phendas lenge: „Inkren bezexbunuimata, haj savorazhene te bolardyol ando Jezush Kristosko anav pe tumare bezexengo jertipe: atunchi lena vi tume sar tofnipes le Suntone Duhos.
39. vers
Ke e vorba tumenge vorbil, haj inke tumare shavenge, haj sa kodalenge, kon dur sile, ba mashkar kaste sakones akharel peste amaro Raj amaro Del.”
40. vers
Haj vi bute kavere vorbenca zurarelas len: „Muntusaren tumen kathar kado nasul generaciovo!”
41. vers
Kodal apol kade kerdine, sar so phendas haj vi bolardine pen: karing le trin miji duhura pashardyilas kodo dyes lende.
42. vers
Von pale zurale ilesa avri inkrenas ande le aposhtolengo sityaripe, ande kristianengo kethanipe haj ande rudyimata.
Le terne kristian-kethanipesko trajo
43. vers
Dar xutyildas sakones, ke but chudimata haj somno pecisajlas kathar le aposhtolura.
44. vers
Le patyamne sa kethane inkrenas, haj sakofalo so sasle mashkarutno sas.
45. vers
Penge phuva thaj barvalimata bikindine, haj lengi ahor uladine, sakoneske kattyi sode trubujasles.
46. vers
Sako dyes je- khe ilesa kothe sas ande khangeri, kaj sako kher kerenas o manro phagipe, haj losshanes haj uzhe ilesa lenas pende kade o xamasko.
47. vers
Luvudyinas le Devles, haj kodo sorro dyes kamelas len. O Raj pale sako dyes bulyharelas le muntuimaske butimatan.
Könyvek
