Le Aposhtolenge trabi
capítulo 4
O Peter haj o Janosh angla o angsvato
verso 1
Zhikaj von kaj le manusha vorbinas, kothe aviline le rashaja le khangerake ketanenge anglalara haj le sadducana.
verso 2
Kadal xolyajline, ke sityaren le manushen, haj viacaren anda meripe opretrajisaripe ando Jezush.
verso 3
Vast vazdine apol pe lende, haj tele xutyildine len zhikaj o kaver dyes, ke aba ratyolas.
verso 4
Ba mashkar kodal but zhene, kon ashunenas o alav, patyanas, kade apol le murshengo butipe reslas le panzhe mijan.
verso 5
Pecisajlas apol kaver dyes, ke le angmanusha, le phure haj le iskiritora kethane aviline ando Jeruzhalemo,
verso 6
lenca kethanes vi o Annash angrashaj haj vi o Kaifash, haj inke o Janosh haj Alexander, haj sode zhene feri sas anda angrashajengo falo.
verso 7
Pala soste mashkarutnes tordyardine len, pushline: „Soski saktimosa bake ande kasko anav kerdine kado?”
verso 8
Atunchi o Peter kathar o Sunto Duho pherdyardes kade das duma: „Amare popularenge anglalutnara haj tume phurale, ashunenles!
verso 9
Tume adyes oprepushen amen, ke lasho kerdam jekhe nasvale manushesa, ke te zhanen, ke sar kerdyilas pale sasto.
verso 10
Zhanen apol avri, tume haj le Izraeleske intrega manusha, ke amare Rajeske, le Nazaretickone Jezush Kristosko anaveske zorasa kerdam kado, kas tume po trushul tannardine, haj kas o Del opretrajardas anda meripe: pa leste perdal tordyol kathe kado angla tumende sastes.
verso 11
Kado barr, saves tume, kerdara, shudine,
haj savo kolcosko barr kerdyilas:
verso 12
haj naj ande khanyikaste kaver muntuipe, ke kaver anav china chi davadyilas le manushenge tala cheri, ande savo trubuj te muntosardyuvas.”
verso 13
Kana dikhline le Peteres haj le Janoshes, ke sar avri inkren, haj avri zhangline, ke chi zhanen chi te iskirin haj bi zhanara manusha si, zurales chudinaspe, haj pe lende pinzhardine, ke le Jezushesa sasle.
verso 14
Haj ke dikhline, ke vi kodo manush, kon sastyilas pasha lende tordyilas, ande khancheste chi phendine lenge dosh.
verso 15
Vladisardine apol lenge, te zhan avri anda svato, pala kodo kade vorbinaspe mashkar jekhavreste:
verso 16
„So te keras kadale manushenca? Ke angla Jeruzhalemicka manusha chudicka somnura kerdine, kado chaches si, haj nashtig asvikarasles tele.
verso 17
Apol dore tena zhal majdur e viaca mashkar le manusha, daravas len, ke tena vorbisaren khanyikaske ande kadalesko anav.”
verso 18
Pala kodo andre akhardine len, haj vladisardine, ke chi sar tena vorbin haj tena sityaren ande Jezushesko anav.
verso 19
Ba o Peter haj o Janosh kodo phendas lenge: „Krisaren apol tume amen, dore mishto avlas kodo angla o Del, ke te ashunasas barem pe tumende, sar po Del!
verso 20
Ke bi shajipe si amenge, ke tena phenas kodo so dikhlam haj so ashundam!”
verso 21
Pe kado kodal pale daradine len, pala kodo bishaldinele, ke chi rakhline traba pe kodo, ke te shaj dosharenas len, anda le manusha, ke sakon luvudyisarelas le Devles anda kodo, ke so pecisardyilas le manushesa.
verso 22
Ke majbut sar shtarvardeshe bershengo sas kodo, kasa pecisardyilas kado chudicko sastyipe.
La dulmutana eklezhiako rudyipe anda tromanipe
verso 23
Kana bishaldine len kaj pengirende geline, haj ingerdine e viaca, ke so sakofalo phendine lenge le angrashaja haj le phure.
verso 24
Kana kodal ashundine kado, jekhe ilesa-duhosa rudyinas kaj o Del: „Raja, tu san kodo, kon kerdan o cheri haj la phuva, la mara haj sakofalo, so ande late si,
verso 25
Kon le Davideske, amare dadeske, tyire slugaske mujesa, pa Sunto Duho perdal kado phendas:
»Sostar xolyajven le populara
haj gindisaren phutyarimata le manushenge?
verso 26
La phuvake kraja opre ushtyiline, kethane aviline sa le kraja
po Raj haj pe lesko Opremakhlo«.
verso 27
Ke chachikanes kethane aviline ande kado foro pe tyo sunto Shavo, po Jezush, kas opremakhlan: o Herodesh haj o Ponciush Pilatush le murtikanonca haj le Izraeleske manushenca kethanes,
verso 28
ke te keren, so tyo vast haj tyo kamipe kamlas, te pecisajveltar.
verso 29
Akanak apol, amare Raja, dikh pe lengo dosharipe, haj de kodo tye slugange, ke anda chachi zor te viacaren tyo alav.
verso 30
Tu pale lunzhar avri tyo vast pe sastyarimata, ke somnura haj chudimata te kerdyon perdal pa tye suntone Shavesko, pa Jezushesko anav.”
verso 31
Sar kade rudyinas, izdrajlas o than, kaj kethane aviline. Savorazhene andre pherdyiline le Suntone Duhosa, haj tromanes viacarenas le Devlesko alav.
Le barvalimasko kethanipe
verso 32
Le patyamne butimatange jekh sas lengo ilo thaj dyi. Chi jekh chi phendas khanchi anda pesko barvalipe, ke sakofalo jekhtuno sas.
verso 33
Le aposhtolura pale bara zorasa kerdine chacharipe penge Rajeske, pa le Jezush Kristosko opretrajisaripe: haj butardo sas e gracijimata ande savorazhenende.
verso 34
China nas mashkar lende kon chorro sas, ke sa kodal kas phuv sasle bake kher sasle, bikindinele, haj lenge ahora andinele,
verso 35
haj kaj le aposhtolenge punre shutinele. Sakoneske kattyi dine, sode trubusardas les.
verso 36
Kade o Jozhef, kon anda ciprushicko falo levita sas, kon kathar le aposhtolura o Barabashicko anav las – kadalesko avriphenipe: ushorimasko shavo si –,
verso 37
ke plugimaski phuv sas les, bikindas kodo, e ahor pale andas, haj tele shutas kaj le aposhtolenge punre.
Libros
