Le Aposhtolenge trabi
capítulo 20
O Pal ande Makedonia haj ande Akhaj
verso 1
Pala kado o Pal peste akhardas le sityarden, zurardas len, pala kodo dyes dasle, haj dromardastar te zhaltar ande Makedonia.
verso 2
Pala soste andre phirdas kodal phuva, butivar vorbilas haj ferilas len, gelastar ande Hellenicko them,
verso 3
haj kothe ashilas trin shon. Kana ande Siria kamlas te berarel, le bibolde perdal kamline te maren les. Anda kado kodo gindisardas, ke perdal pa Makedonia avel palpale.
verso 4
O bereaicko Sopater, le Pirrosesko shavo sas lesko amal, mashkar le Tessalonikicka pale o Aristarchos haj Sekundus, haj inke o derbeicko Gajus haj Timoteush, palunes anda Azhia o Tichikus haj o Trofimus.
verso 5
Von geline anglal, haj zhukardine amen ande Troas.
verso 6
Ame pale pe bi kamir manrenge dyesa berardamtar anda Filippi, haj pala panzh dyes reslam len ande Troas, kaj efta dyes ashilam.
O Pal dyesareltar kathar troasicka patyamne
verso 7
Pala kurkesko angluno dyes, kana kethane avilam po manresko phaglipe, o Pal las te vorbil lenge. Ke apol kaver dyes kamelas te dromareltar, zhikaj e dopash ratyi lunzhardas e vorba.
verso 8
Ande opralutni soba, kaj kethane avilam, sas dosta phabardi.
verso 9
Ba mashkaral jekh shavo kaske Eutichus sas lesko anav, kon ande fejastra beshelas haj sutastar, ke o Pal butaig vorbilas, pizdasles e lindra, tele pelas pa trito opralutnipe, haj mules lineles opre.
verso 10
O Pal tele gelas leste, pe leste burdosajlas, angaji dasles, haj kade das duma: „Na daran, ke lesko duho ande leste si!”
verso 11
Pala kodo opregelas, phaglas o manro haj xalas, vorbilas inke butajig, zhikaj o zoripe, pala kodo dromardastar.
verso 12
Le shaves pale zhuvindes andine kothe, haj sagutnes ushordyiline.
Anda Troaso ando Miletos
verso 13
Ame pale po bero hulyilam, haj ando Assoso berardam, ke kothe opre te las le Pales. Ke kado vladisardas, ke voj po shuko kamlas te dromarel.
verso 14
Kana pale kethane maladyilas amenca ando Assos, opre lam les, haj ando Mitileno gelam.
verso 15
Kathar berardamtar, haj kaver dyes angla o Khios reslam. Kaver dyes kaj o Samosono phanglam avri, haj po kaver dyes vi reslam ando Miletos.
verso 16
Ke o Pal kade gindisardas, ke pasha o Efezus berarelatar, ke tena trubul te ashol ande Azhia. Sidyarelas, ke te shaj, pe rusajako dyes aba ando Jeruzhalemo te avel.
Le Palesko vorbipe ando Miletos
verso 17
Anda Miletos apol vorba bishaldas ando Efezusho, haj akharadas la eklezhake phuren.
verso 18
Kana kodal kothe resliline, haj kethane sasle, kade das duma lende: „Zhanen, ke zhikathar o angluno dyes kana ande Azhia avilom, sar somas tumenca ande intrego vramate.
verso 19
Slugisardom le Rajeske intregone kamipesa, mashkar le asva haj dukha, so kathar le biboldenge azbaimata resline man.
verso 20
Khanchi so trubulas chi muklom, sakofalo viacardom tumenge, sityaros tumen angla sakoneste haj vi ande khera.
verso 21
Chacharipe kerdom vi angla bibolde, haj vi angla murtikana, pa karing o Del boldipe haj pa Jezush Kristo, ande amaro Raj patyamnipe.
verso 22
Haj akanak aketa, ando duho phangles zhavtar ando Jeruzhalemo, haj chi zhanav, ke so sakofalo zhukarel kothe pe mande.
verso 23
Feri kodo zhanav, so o Sunto Duho ande sako foro zhanaravel manca, ke sastra haj dukhimata zhukaren pe mande ando Jeruzhalemo.
verso 24
Ba chi darav kathar kadal. Chi muro trajo chi inkrav majbuteske, sar man, numa te shaj kerav muri traba, le alavesko slugipe, so kathar o Raj Jezush lom, ke chacharipe te kerav pa Devleski gracijamsko evangeliumo.
verso 25
Vi kodo zhanav aba, ke mashkar tumende, mashkar kaste phirdom, haj kaske viacardom le Devlesko them, khonyik chi dikhela muri mosura.
verso 26
Ba vi kade phenav tumenge, ke chi shutyol pe mande khanyikasko rat.
verso 27
Ke chi cirdos man kathar kodo, ke te viacarav tumenge le Devlesko sagutno kamipe.
verso 28
Len sama pe tumende haj po intrego kethanipe, pe saveste o Sunto Duho anglalarenge shutas tumen, ke te lasharen le Devleski eklezhia, so peske ratesa rodas.
verso 29
Zhanav, ke pala sote zhavtar, turbata ruv avena mashkar tumende, haj chi ferina le kethanipes.
verso 30
Haj inke vi mashkar tumende avna mursh, kon boldine vorbi phenena, ke pende te pasharen le sityarden.
verso 31
Len sama anda kado haj inkren ande tumaro serovjipe, ke tala trin bersh ratyi thaj dyese mashkar le asva sagutnes ferisaros tumen.
verso 32
Akanak pale le Devleske inbisarav tumen, haj leske gracijasle alaveske. Les siles saktimo, ke butaripe haj mukhlimata te del le intrega suntosardirenge.
verso 33
Chi dorosardom khanyikasko rup, bake somnakaj bake gada.
verso 34
Tumendar zhanen, ke kadal vast kerdine butyi anda kodo, so trubusardas man haj kodalen, kon manca si.
verso 35
Ande sakofaloste andre sikadom tumenge, ke kade trubuj te keren, te zhutisaren pe slabura, haj te serosardyon pa Raj Jezusheske vorbi, ke voj phendas: »Maj baro anandimo si kana den, sar kana len.«”
verso 36
Pala soste kadal phendas, changa das, haj jekharsa rudyilas savorazhenenca.
verso 37
Kodal pale savorazhene line zurales te roven, haj ande leski kor burdosardes chumidenas les.
verso 38
Kodo phenipe dukhalas lenge majfeder, ke chi dikhena aba majbut leski mosura. Palutnes pale geline lesa zhikaj o bero.
Libros
