Le Aposhtolenge trabi
capítulo 9
Le Shaulesko patyape
verso 1
Tala kadi vrama o Shaul, kon inke vi akanak zurales rucilas le Rajeske sityarden haj lengo meripe dorolas, gelastar apol kaj o angrashaj,
verso 2
haj lil manglas lestar kaj o damaskusicka zhinagogi, ke phangles ando Jeruzhalemo te shaj anavel kodale murshen haj zhulyan, kas kothe rakhel mashkar kodal, kon patyan ando evangeliumo.
verso 3
Ba sar zhalas po drom haj pashardyolas karing o Damaskuso, pecisajlas, ke jekharsa fimlalipe ablyosardas les krujal anda cheri.
verso 4
Tele pelas pe phuv, haj vorbimata ashundas, so kodo phendas leske: „Shaul, Shaul, sostar nashaves man?”
verso 5
Pe kado voj pushlas: „Kon san tu, Raja?” Kodo kado phendas: „Me som o Jezush, kas tu nashaves!
verso 6
Ba ushtyi opre haj zha andre ando foro, kothe maj phenena tuke, ke so trubuj te keres.”
verso 7
Le manusha, kon lesa sas, chudindes tordyonas. Ke ashundine apol o glaso, ba chi dikhline khanyikas.
verso 8
O Shaul pale opretordyilas pa phuv, ba kana avriputerdas peske jakha, khanch chi dikhelas. Kade ingerdine les andre kathar leske vast xutyildines ando Damaskuso.
verso 9
Kothe sas trin dyes, chi dikhelas, chi xalas, chi pelas khanchi.
verso 10
Sas ando Damaskuso jekh Ananiash anavesko sityardo, kaste o Raj ande viziovoste kade das duma: „Ananiash!” Voj pale kado phendas: „Kathe som, Raja!”
verso 11
O Raj kade phenelas majdur: „Ushtyi opre, zhatar ando vortaske anavardi vujica, rode opre ande Judashesko kher jekhe Shaul anavesko tarzushickone manushes. Aketa, vi akanak rudyil,
verso 12
haj dikhel jekhe Ananiash anaveske manushes, ke andre ushtyavel leste, haj pe leste shol pesko vast, ke pesko dikhlipe palpale te lel.”
verso 13
Ba o Ananiash kodo phendas: „Raja, aba butendar ashundom pa kado manush, ke sode nasulimata kerdas tye suntonca ando Jeruzhalemo.
verso 14
Kathe pale baripe siles kathar le angrashaja, ke te phandel sa kodalen, kon po zhutipe akharen tyo anav.”
verso 15
Ba o Raj kodo phendas leske: „Feri zha, ke avrialosardo vaso si voj mange, ke te ingrel muro anav angla le murtikana angla kraja thaj Izraeleske shave.
verso 16
Ke me sikavav leske, ke sode trubul te dukharel anda muro anav.”
verso 17
Pe kado o Ananiash gelastar, andre gelas ando kher, pe leste shutas pesko vast, haj kodo phendas: „Shaul phrala, o Raj Jezush bishaldas man, kon sikadyilas tuke po drom, pe savo avilan, ke te dikhes haj te pherdyos Suntone Duhosa.”
verso 18
Pe kado atunchi sar mashesko pratnopesko variso pelas tele pa leske jakha, haj palpale las peske jakhengo dikhlipe. Opreushtyilas haj bolardaspes,
verso 19
pala kodo xamasko las peste haj zurardyilas.
Unyidyesa inke kethane ashilas le sityardenca, kon ando Damaskuso sasle.
verso 20
Aba atunchi viacarelas le Jezushes ande zhinagoga, ke voj si le Devlesko Shavo.
verso 21
Sa kodola pale kon ashunenas les, chudinaspe haj kado phenenas: „Na kadoj kodo, kon ando Jeruzhalemo pe kodal das, kon kadale anaves po zhutipe akharenas, haj vi kathe anda kodo avilas, ke phangles te ingrel len kaj le angrashaja?”
verso 22
Ba o Shaul inke majbara zorasa sityarelas, bari dikhenas pe leste le damaskusicka bibolde, haj andre sikadas angla lende, ke o Jezush si o Kristo.
Le Shaulesko nashipe anda Damaskuso
verso 23
Pala unyidyesa le bibolde kethane vorbisardine, ke mudaren les.
verso 24
Ba o Shaul avrizhanglas lengo intrikalipe. Kodal inke vi le vudara ratyi haj dyese sama lenas, ke te mudaren les.
verso 25
Ba le sityarde ratyi xutyildine les, haj avriskepisardine les perdal pa zido, haj tele mukline les andekh koshnyica.
verso 26
Kana kade ando Jeruzhalemo reslas, le sityardenca kamlas te inkrel, ba savorazhene daranas lestar, ke chi patyanas, ke sityardo si.
verso 27
Ba o Barnabash pashapeste las les, ingerdas les kaj le aposhtolura, haj phendas lenge, ke sar dikhlas le Rajes kana po drom sas, ke sar vorbisardas lesa, haj ke soske tromanes sityarelas ando Damaskuso ande Jezushesko anav.
verso 28
Lenca sas, phirelas-nakhelas ando Jeruzhalemo, haj tromanes kerlas peski butyi ande Rajesko anav.
verso 29
Vorbilas vi kaj le murtikana, haj xalaspe vi le hellenonca, ba kodal pe lesko trajo dine.
verso 30
Kana le phral ashundine kado, tele geline lesa ande Cezaria, haj bishaldine les ando Tarzusho.
verso 31
E eklezhia atunchi ande intrego Judea, Galilea haj Samaria ande pachate trajilas haj butajvelas, ande Rajoski dar phirelas, haj pherdo sas le Suntone Duhoske ushoripesa.
O Peter ande Lidda haj Joppea
verso 32
Pecisajlas jekhar, ke o Peter, kana sakones oprerodas, reslas vi kaj kodal sunci, kon ande Lidda beshenas.
verso 33
Rakhlas kothe jekhe Eneas anaveske manushes, kon aba oxto bersh, ke ando pato pashjolas, ke paralizano sas.
verso 34
O Peter kade das leste duma: „Eneas, o Jezush Kristo sastyarel tut! Ushtyi opre, haj lashar tyo pato!” Pe kado voj ande kodo minuto opreushtyilas.
verso 35
La Liddake haj Saronake manusha sa dikhline les, haj karing o Raj boldadyiline.
verso 36
Ande Joppea mashkar le sityarde sas jekh romnyi, lako anav Tabita sas, so kodo phenel: Dorkas. Numa le lasekerdyimataske haj dimatake trajilas.
verso 37
Pecisajlas apol ande kodal dyesa, ke nasvajlas haj mulas. Palasoste thodine la, tele pashjardinela ande opralutni soba.
verso 38
Ke e Lidda pashe si kaj e Joppea, haj le sityarde ashundine, ke o Peter kothe si, bishaldine leste duje manushen, haj mangline les: „Na zebilisar amende te aves!”
verso 39
O Peter pe kado lenca inkerdas. Kana resline, opreingerdine les ande opralutni soba. La phivja sa krujal line haj rovenas haj penge gada sikavenas, saven e Dorkas kerdas lenge, kana inke lenca sas.
verso 40
Ba o Peter savorazhenen avrivladisardas, pala kodo changa dines las te rudyil, pala kodo kaj e muli boldindes kade das duma: „Tabita, ushtyi opre!” Pe kado kodi avriputerdas peske jakha, dikhlas le Peteres, haj oprebeshlas.
verso 41
Voj pale kothe das late pesko vast haj oprezhutisardas la. Pala kodo kothe akhardas le suntonen haj le phivjan, haj sikadas la lenge, ke trajil.
verso 42
Viaca kerdyilas kadalake ande intrego Joppea, haj but zhene patyanas ando Raj.
verso 43
Pecisajlas pala kado, ke pe but dyesa kothe ashilas ande Joppea kaj jekhe Shimon morchari.
Libros
