Janosheske viziovura
16. fejezet
Le efta andyela le xolyake kuchenca
1. vers
Atunchi jekh zuralo glaso ashundom anda khangeri, savo kade das duma kaj le efta andyela: „Zhantar haj shoren avri le Devleske xolyake efta kuchan pe phuv!”
2. vers
Gelastar o angluno haj avrishordas peski kuchi pe phuv, pe kado dukhardo haj zhungalo phumb kerdyilas pe manusha, kon le turbatopedosko somno phiravenas, haj pe kodol, kon lesko mosuripe luvudyinas.
3. vers
Haj vi o dujto andyelo avrishordas peski kuchi ande mara, haj kodi rateske kerdyilas, sar le mulesko, haj sako zhuvindyipe mulas ande mara.
4. vers
Haj vi o trito avrishordas peski kuchi ande aba haj pajengo anglalipe, haj kodal rateske kerdyiline.
5. vers
Ashundom le pajenge andyelos, sar kado phendas: „Chachimasko san Raja, kon san, haj kon sanas, sunto, ke kade krisardan,
6. vers
ke suntonge haj profetange rata mukline avri, rat dan len te pen. Chachikanes pelaspe lenge!”
7. vers
Haj vi jekhe kaveres ashundom kathar o oltaro te del duma: „Kade si Raja, sagutnokerimasko Del, chachej haj chachimaskej tye krisarimata!”
8. vers
Haj vi o shtarto andyelo avrishordas peski kuchi po kham, apol kadaleske davadyilas, ke tatyimatasa te dukharel le manushen, haj jagasa.
9. vers
Haj le manushen phabarelas o baro tatyipe, haj kushenas le Devlesko anav, kas saktimo si pe prikezhimata, haj chi kade chi inkerdine bezexbunuipe, ke les te luvudyisaren.
10. vers
Haj vi o panzhto andyelo avrishordas peski kuchi pe turbatopedosko krajuno iskamin. Pe kado kodalesko them tunyariko kerdyilas, haj penge shiba dindalenas ande penge dukha.
11. vers
Kushenas le chereske Devles anda penge dukhimata haj varura; ba chi inkerdine bezexbunuimata anda penge trabi.
12. vers
Haj vi o shovto andyelo avrishordas peski kuchi ande kodo baro ab, saves Eufrateseske akharen, haj avri shutyardas kodalesko paji, ke drom te keradyol kodale krajenge, kon pa khamorienteski rig aven.
13. vers
Haj dikhlom, ke anda drakosko muj, anda turbatopedosko muj haj anda xoxamne profetasko muj trin biuzhe dichimata aviline avri, sar zhanbi te avnas,
14. vers
ke le bengenge duhuraj kadal, save somnura keren, haj kaj la phuvake sakono kraj zhantar, ke kethane te kiden len po maripe pe sagutnokerimaske Devlesko baro dyes.
15. vers
– Aketa, kade avav, sar o chor! Anandoj kodo, kon ratyarel, haj samalel pe peske gada, ke nanges tena phirel, haj tena dikhen lesko lazhavo!
16. vers
Haj kethane kidel len pe kodo than, saves hebericka Harmageddoneske anavaren. –
17. vers
Haj vi o eftato andyelo avrishordas peski kuchi ando oxigeno, haj vazdino glaso ashundyilas anda khangeri, kathar o krajicko iskamin: „Pecisardyilas!”
18. vers
Haj strafinimata, haj bare bashadyimata kerdyiline, haj kasavo zurales mishkisajlas e phuv, sar inke chikana nas zhikaj manush si pe luma, kade mishkisajlas e phuv, kasve zurales!
19. vers
O baro foro pe trin riga shindyilas, le popularonge forura kethane peline, haj o Del serosardyilas pa bari Babilononia, ke peska xolyake molake palpale dino taxtaj te del lake.
20. vers
Nachilastar sako niso, haj chi le plaja chi dichonas khatik.
21. vers
Zurales baro, shel kili pahosko brishind shindyilas tele anda cheri pe manusha, haj le manusha kushenas le Devles anda paho-brishindesko prikizhipe, ke kodo zurales baro sas.
Könyvek
