Janosheske viziovura
15. fejezet
Le palune efta prikezhimatango avriviacaripe
1. vers
Atunchi jekh kaver baro haj chudimasko somno diklom ando cheri: efta andyelon, kaste le efta palune prikizhimata sas, ke perdal pa lende pherdyilas andre le Devleski xolyi.
2. vers
Atunchi sar varisoski glazhuni mara te dikhlomas, so jagasa sas kethane hamime. Dikhlom kodalen, kon tele mardine le turbatopedos haj leske amalmosuripes haj leske anaveske numeros, sar opral pa glazhicko mara tordyon le Devleske kitharanca, haj
3. vers
gilyaben le Mozesheske, le Devleske slugaski gilyi haj le Bakreski gilyi:
„Barej haj chudimaskej tye kerdyimata,
Raja, sagutnokerimasko Del!
Chachimaskej haj chachej tye droma, popularongo Kraj!
4. vers
Kon tena daralas tutar, Raja,
haj kon chi asharelas tyo anav?
Ke numa tu korkoro san sunto,
ke sakono popularo aveltar
haj tele burdosarel angla tute,
ke tye krisarimata pinzhardine kerdyiline!”
5. vers
Pala kado dikhlom, ke aketa, avriputerdyol le chacharimaski khangeri ando cheri,
6. vers
haj efta andyela avilas avri anda khangeri, kaste le efta prikezhimata sas, ande uzhe haj parne poxtana uradines, haj pe lengo kolyin krujal somnakuno brichinari sas.
7. vers
Mashkar le shtar zhuvinde o jekh le efta andyelon efta somnakuni kuchi das, pherdo le sagutno-sagunes trajisarde Devleska xolyasa.
8. vers
Haj e khangei pherdyilas thuvesa kathar le Devlesko krajisaripe haj saktimo, haj khonyik nashtig zhalas andre ande khangeri, zhikaj andre chi pherdyilas le efta andyelonge efta prikizhimata.
Könyvek
