Janosheske viziovura
10. fejezet
Le andyela haj e hertija
1. vers
Pala kodo jekhe kavere zurale andyelos dikhom tele te hural anda cheri, norosa krujal linisardes, haj pe lesko shero kushtik sas. Leski mosura kasavo sas, sar o kham, leske punre pale sar e jag.
2. vers
Ande peske vast puterdi hertija inkerlas, pesko chacho punro pe mara shutas, o stungo pale pe phuv,
3. vers
haj kasave glasunes cipisardas, sar kana o levo cipil. Kana cipisardas duma das le efta bashadyimasko glaso.
4. vers
Kana pale le efta bashadyimasko glaso duma das, kamlom te iskirisarav, ba jekh glaso ashundom anda cheri, savo kade das duma mande: „Stemplosarles tele, so le efta bashadyimata phendas, haj na iskirisarles tele!”
5. vers
Atunchi o andyelo, kas dikhlom te tordyol pe mara haj pe phuv, oprevazdas pesko chacho vast karing o cheri,
6. vers
haj colaxardas po sagutno-sagutnes trajisardino, kon le cheres kerdas, haj sa kodo, so pe kodo si, haj la phuva, haj sa kodo so pe late si, haj e mara, haj sa kodo, so ande late si, ke „vrama chi avla majbut,
7. vers
ba ande eftato andyelosko fanfarisarimaske dyesa, kana kodo lel te phurdel o fanfari, andre pherdyol le Devleski tajna, ke sar kadi lashi viaca avri- zhanardas leske slugi, perdal pa profeti.”
8. vers
Atunchi glaso ashundom anda cheri, sar pale vorbilas mande, haj kodo phendas: „Zha, haj le perdal e puterdi hertija anda andyeloske vast, savo pe mara haj pe phuv tordyol!”
9. vers
Gelomtar kaj o andyelo haj phendom leske, ke te del mange la hertija. Voj kodo phendas mange: „Xutyilla haj xala. Kerkarela tyi rinza, ba ande tyo muj kasavo guglo avla, sar o adyvin.”
10. vers
Lom apol e hertija anda andyeloske vast, haj xalomla, ande muro muj gugli sas, sar o adyvin, ba kana tele nakhadomla, muri rinza kerko kerdyilas.
11. vers
Atunchi kodo phendine mange: „Pale trubuj te profecisares le kethanipenge haj popularonge haj shibange haj bute krajenge!”
Könyvek
