Janosheske viziovura

12. fejezet


Fejezetek:


E romnyi haj o drako


1. vers

Atunchi baro somno dichosardyilas opre po cheri: jekh romnyi, kaske gada o kham sas, tala lake phunre o shonitiko, haj pe lako shero anda deshuduje cherhaja tordyilino korona.


2. vers

Apol ke phari sas, mashkar le dukha, kathar o arakhadyisaripe oprecipisarelas.


3. vers

Pala kodo jekh kaver somno dichilas opre po cheri: aketa, jekh baro, jaglolo drako, saves efta shere haj desh shinga sasles, haj pe leske efta shere efta krajicka koroni.


4. vers

Leski pori tele shiladas le chereske cherhajengo trito rigipe, haj pe phuv shiladas len. O drako angla phari romnyi tordyilas, ke kana kodi pe luma anel peske shaves, tele te nakhavel kodales.


5. vers

Kodi shaves andas pe luma, kon sasturna rolyasa lasharela le manushen. Ba line lake shaves haj kaj le Devlesko krajicko iskamin ingerdine les.


6. vers

E romnyi pale ande pusta nashlastar, kaj lako kathar o Del angle lashardo than sas, ke kothe te xaxaven la jekhmija haj dujshela thaj shovardesh dyes.


Le drakosko mardyipe


7. vers

Atunchi baro maripe kerdyilas ando cheri: o Mihaly haj leske andyela marenaspe le sapesa. O drako haj leske andyela marenaspe,


8. vers

ba chi viktornisajline, haj chi than nasle majdur ando cheri.


9. vers

Atunchi tele shudine le drakos, le majdulmutane sapes, kas bengeske haj shatanoske akharen, kon peste xoxavel la intregona luma. Tele shudine les pe phuv, haj lesa kethanes tele shudine vi leske andyelon.


10. vers

Atunchi baro glaso ashundom ando cheri, savo kade das duma:
„Akanak kerdyilas amare Devlesko muntoipe, e zor haj o krajipe,
o saktimo pale leske Kristoskoj, ke tele shudine amare phralenge doshares,
kon vi dyese haj vi ratyi dosh vazdelas pe lende angla amaro Del.


11. vers

Von pale tele mardine les,
perdal pa Bakresko rat haj pa chacharimasko alav,
haj chi sununas chi pengo trajo zhikaj o meripe.


12. vers

Losshan apol cherale, haj kon ande lende beshen!
Jaj la phuvake haj la marake, ke tumende hurajlas tele o beng bara xolyasa, haj zhanel, ke cerra vrama siles!”


Le drakosko maripe la romnyasa


13. vers

Kana o drako dikhlas, ke tele shudine les pe phuv, nashavelas la romnya, kon shaves andas pe luma.


14. vers

Atunchi e romnyi duj bare akvilnikane phaka las, ke ande pusta te hural pe pesko than, ke kothe te xaxaven la jekh vrama, haj vrami haj dopash vrama, dur kathar o sap.


15. vers

Atunchi o sap kattyi but paji phurdas avri anda pesko muj pala e romnyi, sar jekh ab, te shilavella le abesa.


16. vers

Ba e phuv zhutisardas la romnyake, avriputerdas pesko muj haj nakhadas le abes, so o drako phurdas avri anda pesko muj.


17. vers

Atunchi o sap oprexolyajlas pe romnyi, haj gelastar, te marelpe kodalenca, kon anda romnyako falo si, kon andre inkren le Devleske vladimata, haj kaste le Jezushesko chacharipe si.


18. vers

Pala kodo tordyilas pe maraki dolma.

Fejezetek:


Könyvek