Janosheske viziovura
17. fejezet
E marhime Babilonia
1. vers
Mashkar le efta andyela o jekh kothe avilas, haj kade das duma mande: „Av, sikavav tuke la bara marhime romnyako dukhardyipe, kon opral pe bare paja beshel,
2. vers
kasa la phuvake kraja marhinaspe, haj kaske kathar lake marhimaski mol matyilisardyiline la phuvake zhuvinde!”
3. vers
Haj ando duho ingerdas man ande pusta: jekha romnya dikhlom pekh lolo turbatopedo te beshel, savo pherdo sas le kushlimaske anavesa, haj efta shere haj desh shinga sasles.
4. vers
E romnyi pale ando lolo haj karmazhino sas uradi, haj opre sas shukardi somnakajesa haj kuchikane barrenca haj bisorenca. Ande pesko vast somnakono taxtaj inkrelas, savo pherdo sas zhungalipesa haj le marhimaske biuzhipenca.
5. vers
Pe lako chikat kado anav, kadi tajna sas iskirime: „La bari Babiloniake, la marhimatange haj la phuvake rucimatangi dej!”
6. vers
Haj dikhlom, ke e romnyi matij kathar le suntongo rat haj kathar le Jezusheske chachardengo rat. Kana la dikhos, zurales chudijasma.
7. vers
O andyelo kodo pushlas mandar: „Sostar chudistu? Avri- phenav me tuke la romnyaki haj le turbatopedoski tajna, savo la phiravel, saves efta shero haj desh shinga siles!
8. vers
O turbatopedo, so dikhlan, sas haj naj. Oprehurala anda milnope, haj ande pesko xasavjipe resela; la phuvake zhuvinde pale dukhardyona – kodala, kaske anava naj andre iskirime ande trajoski hertija zhikathar la lumako kerdyipe –, kana dikhline le turbatopedos, savo sas haj naj.
9. vers
Kadaleske kadoj lesko platniko hatyaripe: Le efta shere efta plaj si, pe save e romnyi beshel: haj efta kraj.
10. vers
Panzh aba pelastar, o jekh inke si, o kaver pale inke chi avilastar. Kana avelatar, numa skurto vrama avlales ashipe.
11. vers
Haj o turbatopedo, so sas haj naj, kodo avla o oxtoto, haj rigako anda le efta, haj ande pesko xasavjipe resela.
12. vers
Haj le desh shinga, so dikhlan, desh kraj si, kon inke chi resline po krajipe, ba sar kraja, saktimo lena pekh chaso pala o turbatopedo.
13. vers
Kadalenge jekh si lengo gindipe, haj pengi zor haj saktimo le turbatopedoske den perdal.
14. vers
Marenape le Bakresa, ba o Bakro tele viktornisarela len, ke voj si le rajengo Raj haj le krajengo Kraj: kon pale lesa si, kodal akhardej, alosardej haj chachej.”
15. vers
Pala kodo kodo pendas mange: „Le paja, so dikhlan, kaj e marhimaski romnyi beshel, le popularon, kunpanijan, kethanimatan haj shiban somnosarel.
16. vers
Le desh shinga pale, so po turbatopedo dikhlan, rucisarela la marhime romnya. Mudaren la, tele nandyaren la, xan lake mas, haj jagasa phabaren la.
17. vers
Ke o Del das ande lengo ilo, ke kodo te keren, so angla o turbatopedo skunpo si, ke penge thema le turbatopedoske te den, zhikaj andre pherdyon le Devleske alava.
18. vers
E romnyi, kas diklan, kodi o baro foro si, so pe phuvake kraja krajilpe”.
Könyvek
