Janosheske viziovura
7. fejezet
Le Devleske slugango somnosaripe
1. vers
Pala kado shtare andyelon dikhlom, save pe phuvake shtar riga tordyonas, haj kon palpale inkrenas la phuvake shtare balvalen, ke tena phurden chi pe phuv, haj chi pe mara, haj chi pekh kasht.
2. vers
Atunchi dikhlom, ke pa orientoski rig jekh kaver andyelo hural opre, kaste le trajisarde Devlesko stemplo sas, haj glasunes kodo cipisardas le shtare andyelonge, kaske davadyilas, ke dosh te shaj keren la phuvake haj la marake:
3. vers
„Na keren dosh la phuvake haj la marake, haj chi le kashtenge, zhikaj chi somnosaras pe lengo chikat amare Devleske slugan!”
4. vers
Ashundom ke sode zhene sas kodal kon somnosardyiline: shel thaj shtarvardesh thaj shtar miji somnosarde, anda Izraeleske shavenge intrego kunpaniji.
5. vers
Anda Judaski kunpanija deshuduj miji somnosarde; anda Rubeneski kunpanija deshuduj miji; anda Gadeski kunpanija deshuduj miji;
6. vers
anda Ashereski kunpanija deshuduj miji; anda Naftaleski kunpanija deshuduj miji; anda Manasseski kunpanija deshuduj miji;
7. vers
anda Shimeoneski kunpania deshuduj miji; anda Leviski kunpanija deshuduj miji; anda Issakareski kunpanija deshuduj miji;
8. vers
anda Zebuloneski kunpanija deshuduj miji; ada Jozhefeski kunpanija deshuduj miji; anda Benjamineski kunpanija deshuduj miji.
9. vers
Pala kado bare kethanipes dikhlom, saven khonyik chi zhanelas te ginavel, anda sako kethanipe, popularongi kunpanija, populara haj shiba angla krajicko iskamin haj angla o Bakro te tordyon, ande lungi parne gada uradines, ande lengo vast palmenge kranzhenca,
10. vers
haj glasunes kodo cipisarenas: „Drobovjipe amare Devleske, kon po krajicko iskamin beshel, haj le Bakreske!”
11. vers
Atunchi sa le intrega andyela krujal line le krajikane iskamines, le phure haj le shtar zhuvinde, haj angla krajicko iskamin pe mosurate tele burdosardes luvudyinas le Devles:
12. vers
Amen! Ashtyilipe haj luvudyipe, platnikipe, najisipe, patyivipe, saktimo haj zuralipe amare Devleske, sagutno-sagutnes! Amen.”
13. vers
Atunchi mashkar le phure duma das o jekh, haj kodo pushlas mandar: „Kon si kadal, kon ande lungi parne gada si uradine, haj kathar aviline?”
14. vers
Kodo phendom leske: „Raja, tu zhanes!” Pe kado voj kodo phendas mange: „Kadal kodalaj, kon anda baro kikidyipe aviline, haj po parno thodine penge gada ande Bakresko rat.
15. vers
Anda kodo si von angla Devlesko krajicko iskamin, haj vi ratyi vi dyese slugisaren leske ande leski khangeri: haj kon po krajicko iskamin beshel, opralutnes beshel.
16. vers
Chi bokhajven haj chi trushajven majbut, chi resel len majbut o kham, haj chi sosko tatyipe,
17. vers
ke po krajicko iskamin beshindo Bakro avla lengo malyari, haj kaj le trajosko pajesko ab ingrel len, haj o Del tele kosel pa lenge jakha sa le asva”.
Könyvek
