Janosheske viziovura
21. fejezet
Le Devlesko kher mashkar le manusha
1. vers
Atunchi jekh nyevo cheri haj nyevi phuv dikhlom, ke o angluno cheri haj angluni phuv nachilastar, haj chi e mara nas majdur.
2. vers
Dikhlom le suntone foros le nyeve Jeruzhalemos kathar o Del tele te hural anda cheri, sar peske romeske opreshukardi piramni.
3. vers
Ashundom, ke jekh vazdino glaso kathar o krajicko iskamin kodo phendas:”Aketa, le Devlesko kher mashkar le manusha! Lenca beshela, haj von leske populara avna. Voj, kon lenca avla Del avla lengo Del.
4. vers
O Del maj tele kosela sako asva pa lenge jakha, haj chi avla majbut chi meripe, chi kaldope, chi cipipe, haj chi dukh chi avla majbut, ke le anglalutne nachilinetar.”
5. vers
Kon po krajicko iskamin beshelas kade das duma: „Aketa, nyevjarav sakofalo!” Haj kodo phendas mange: „Iskirisar: Kadal alava chachikanej haj chachej.”
6. vers
Pala kodo kodo phendas mange: „Andrepherdyilas! Me som o Alfa haj o Omega, o anglalipe haj o agoripe. Le trushaleske ive dav anda trajesko paji.
7. vers
Sakofalo kodalesko avla, kon angluno avla. Me Del avo, voj pale muro shavo avla.
8. vers
Ba le daramnenge haj le bipatyamnenge, le armajaslenge, haj mudarenge, marhimaslenge haj tilarimaskirenge, le fetishon kamlenge haj sakone xoxamnesko than ande jag haj kenosa phabardo paji avla. Kadoj o dujto meripe.”
O nyevo Jeruzhalemo
9. vers
Atunchi kothe avilas mande mashkar le efta andyela o jekh, kaste le paluni efta prikezhimatanca pherdo kuchi sas, haj kade das duma mande: „Av, sikavav tuke la piramnya, le Bakreska piramnya!”
10. vers
Ando duho ingerdas man pekh baro haj ucho plaj, haj sikadas mange le suntone foros, le Jeruzhalemos, savo anda rajo hurajlas tele kathar o Del,
11. vers
kaj le Devlesko fimlalipe sas, haj savesko fimlalipe cirdelas po kuchikano barr, kaj o zurales uzho jashpisho.
12. vers
Baro haj ucho zido sasles, deshuduj bare vudarenca, haj opral pe vudara deshuduj andyelura sas. Pe vudara anava sas iskirime, save le Izraeleske shavenge deshuduje kunpanijange anavaj.
13. vers
Pe orienteski rig trin vudara, haj pe nordenoski rig trin vudara, haj pe sudnoski rig trin vudara, haj pe okidentoski rig trin vudara.
14. vers
Le foroske zidos deshuduj fundicko barr sas, haj pe kodal le Bakreske deshuduje aposhtolenge deshuduj anava sas.
15. vers
Kon manca vorbilas somnakuni trestija inkrelas ande pesko vast, ke te vazarel le foros, haj kodaleske vudara haj zidos.
16. vers
Le foros pekh shtar rigako than kerdine, haj lesko lunzhipe kabor sas, sar lesko bulhipe. Vazarisardas le foros le somnakune trestijasa: deshuduj miji shtadiumo sas. Lesko lunzhipe, uchipe haj bulhipe jekhtuno sas.
17. vers
Vazarisardas vi leske zidon: Shel thaj shtarvardesh thaj shtar kuja, kathar o manush, bake kathar le andyelosko ginavjpe.
18. vers
O zido anda jashpikano barr sas; o foro pale axtom somnakuno, sar anda glazha te avilino.
19. vers
Le foroske fundicka barr sa kuchikane barrenca sas pherdo. O angluno fundicko barr jashpisho, o dujto, zafiro, o trito kalcedono, o shtarto shmaragdo,
20. vers
o panzhto sardonixo, o shovto karneolo, o eftato krizolito, o oxtoto berillo, o ijjato topazo, o deshto krizoprazo, o deshujekhto jacinto, o deshudujto ametisto sas.
21. vers
Le deshuduj vudara deshuduj bisora, haj jekh-jekh vudar anda jekh-jekh kuchikano bisoro tordyolas. Le foroski vujica anda uzho somnakj sas, sar e perdal dikhli glazha.
22. vers
Khangeri chi dikhlom ande leste, ke o Raj, o sagutnokerimasko Del si leski khangeri, haj o Bakro.
23. vers
Le foros chi trubujles chi kham, chi shonitiko, ke te fimlalisaren ande leste, ke le Devlesko fimlalipe fimlalisarelles, haj leski phabardi o Bakro si.
24. vers
Le populara ande lesko fimlalipe phiren, haj penge luvudyimata leste ingren la phuvake kraja.
25. vers
Leske vudara chi phandaven andre sorrodyes, ke ratyi chi avna kothe.
26. vers
Kothe ingren le popularonge luvudyimatan haj barvalipe.
27. vers
Chi ushtyaven kothe andre biuzhe, haj chi kodala, kon zhungalimata haj xoxavjimata pecisaren, numa kodal, kon andre si iskirime ande Bakreski trajimaski hartija.
Könyvek
