Janosheske viziovura
6. fejezet
O angluno shov stemplo
1. vers
Dikhlom, kana o Bakro opreputerdas jekhe stemplos mashkar le efta; haj ashundom le jekhe zhuvindes mashkar le shtar, kana bare bashadyimasa kade das duma: „Av!”
2. vers
Haj dikhlom jekhe parne grastes, kon po grast beshelas sulica sas ande lesko vast, haj kodales koronazisardineles, voj pale avri prastadas, te viktornosarel.
3. vers
Kana o dujto stemplo opreputerdas, ashundom le dujtone zhuvindes, ke kade del duma: „Av, haj dikhles!”
4. vers
Avri avilas jekh kaver jaglolo grast, haj kodaleske, kon pe leste beshelas mukline, te lel la pacha pa phuv, haj ke jekhavres te mudaren. Jekh baro xanro dine leske.
5. vers
Kana le tritone stemplos opreputerdas, ashundom le tritone zhuvindest kade te del duma: „Av, haj dikhles!” Aketa, jekh kalo grast; haj kon pe leste beshelas ande lesko vast jekh tarzumo sas.
6. vers
Mashkar le shtar zhuvinde jekh glaso ashundyilas, savo kade das duma: „Duje angalya dyives pekh deshengi, haj trivar duj angaly zhov pekh deshengi; ba kaj e mol haj kaj o uloj na azba!”
7. vers
Kana le shtartone stemplos opreputerdas, ashundom le shtartone zhuvindeski vorba, sar kade das duma: „Av, haj dikhles!”
8. vers
Aketa, jekh galbeno grast; haj kon pe leste beshelas kodalesko anav o Meripe sas, haj e telalutni luma zhalas pala leste. Saktimo davadyilas leske pe phuvako shtarto rig, ke te mudarel xanresa, bokhasa, meripesa,, haj la phuvake turbatonepedonca.
9. vers
Kana le pashtone stemplos opreputerdas, dikhlom tala o oltaro kodalengo duho, kas anda Devlesko alav haj chacharipe mudardine.
10. vers
Glasunes cipinas: „Raja, tu sunto haj chacho, zhikaj chi phenes inke krisaripe haj chi keres bladope anda amaro rat pe phuvake manusha?”
11. vers
Savorazhenen lunge parne gada dinele, haj kodo phendine lenge, ke inke jekh cerra vrama te aven pe pachate, zhikaj intrego chi avla lenge slugimaske amalenge haj phralengo kethanipe, kas inke trubuj, zhikade te mudaren, sar len.
12. vers
Dikhlom, sar le shovtone stemplos opreputerdas, haj aketa, zurales mishkisajlas e phuv. O kham kasavo kalo kerdyilas, sar o zarvalogono, haj o intrego shonitiko kasavo kerdyilas, sar o rat.
13. vers
Le cherhaja tele peline pa cheri pe phuv, sar o gular kasht tele peravel peske zeleni gulara, kana bari balval phurdelles.
14. vers
O cheri palpale cirdaspe, sar e kethane vulusardi hertija, haj sako plaj haj niso avrimishkisardyilas anda pesko than.
15. vers
La phuvake kraja, le majbare, marimaske anglalara, le barvale haj le zurale: sako sluga haj slobodo manush ande plajenge ceverna garadyilas,
16. vers
haj kodo phendine le plajenge haj plajune barrenge: „Shindyon pe amende, haj garaven amen angla kodo, kon po krajicko iskamin beshel haj angla Bakreski xolyi!
17. vers
Ke reslas lengi xolyako dyes, haj kon zhanel te tordyol pe kodo?”
Könyvek
