chapter 6
Dikhlom, kana o Bakro opreputerdas jekhe stemplos mashkar le efta; haj ashundom le jekhe zhuvindes mashkar le shtar, kana bare bashadyimasa kade das duma: „Av!”
Haj dikhlom jekhe parne grastes, kon po grast beshelas sulica sas ande lesko vast, haj kodales koronazisardineles, voj pale avri prastadas, te viktornosarel.
Kana o dujto stemplo opreputerdas, ashundom le dujtone zhuvindes, ke kade del duma: „Av, haj dikhles!”
Avri avilas jekh kaver jaglolo grast, haj kodaleske, kon pe leste beshelas mukline, te lel la pacha pa phuv, haj ke jekhavres te mudaren. Jekh baro xanro dine leske.
Kana le tritone stemplos opreputerdas, ashundom le tritone zhuvindest kade te del duma: „Av, haj dikhles!” Aketa, jekh kalo grast; haj kon pe leste beshelas ande lesko vast jekh tarzumo sas.
Mashkar le shtar zhuvinde jekh glaso ashundyilas, savo kade das duma: „Duje angalya dyives pekh deshengi, haj trivar duj angaly zhov pekh deshengi; ba kaj e mol haj kaj o uloj na azba!”
Kana le shtartone stemplos opreputerdas, ashundom le shtartone zhuvindeski vorba, sar kade das duma: „Av, haj dikhles!”
Aketa, jekh galbeno grast; haj kon pe leste beshelas kodalesko anav o Meripe sas, haj e telalutni luma zhalas pala leste. Saktimo davadyilas leske pe phuvako shtarto rig, ke te mudarel xanresa, bokhasa, meripesa,, haj la phuvake turbatonepedonca.
Kana le pashtone stemplos opreputerdas, dikhlom tala o oltaro kodalengo duho, kas anda Devlesko alav haj chacharipe mudardine.
Glasunes cipinas: „Raja, tu sunto haj chacho, zhikaj chi phenes inke krisaripe haj chi keres bladope anda amaro rat pe phuvake manusha?”
Savorazhenen lunge parne gada dinele, haj kodo phendine lenge, ke inke jekh cerra vrama te aven pe pachate, zhikaj intrego chi avla lenge slugimaske amalenge haj phralengo kethanipe, kas inke trubuj, zhikade te mudaren, sar len.
Dikhlom, sar le shovtone stemplos opreputerdas, haj aketa, zurales mishkisajlas e phuv. O kham kasavo kalo kerdyilas, sar o zarvalogono, haj o intrego shonitiko kasavo kerdyilas, sar o rat.
Le cherhaja tele peline pa cheri pe phuv, sar o gular kasht tele peravel peske zeleni gulara, kana bari balval phurdelles.
O cheri palpale cirdaspe, sar e kethane vulusardi hertija, haj sako plaj haj niso avrimishkisardyilas anda pesko than.
La phuvake kraja, le majbare, marimaske anglalara, le barvale haj le zurale: sako sluga haj slobodo manush ande plajenge ceverna garadyilas,
haj kodo phendine le plajenge haj plajune barrenge: „Shindyon pe amende, haj garaven amen angla kodo, kon po krajicko iskamin beshel haj angla Bakreski xolyi!
Ke reslas lengi xolyako dyes, haj kon zhanel te tordyol pe kodo?”
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly