Janosheske viziovura

Chapters:

… 3 4 5 6 7 …   ⇤ ← 5 → ⇥

verse #1

Kon po krajicko iskamin beshelas ande lesko chacho vast dikhlom jekh hertija, so vi andral haj vi avral pherdo sas iskirime, so efta stemplosa sas tele stemplosardi.

verse #2

Dikhlom jekhe zurale andyelos, kon zurales viacarelasles: „Kon si dosta pe kodo, ke opre te putrel e hertija, haj opre te phagel kodalake stemplura?”

verse #3

Haj khonyik chi zhanelas opre te putrel la hertija bake ande late andre te dikhel, chi ando cheri chi pe phuv, chi tala e phuv.

verse #4

Zurales rovos, ke khanyikas chi arakhline dostaske, ke la hertija opre te putren bake ande late te dikhen.

verse #5

Pe kado mashkar le phure o jekh kade das duma mande: „Na rov! Aketa angluno kerdyilas o levo anda Judaski kunpania, le Davidesko falo, ke opre te putrel e hertija, haj opre te putrel kodalake efta stemplura!”

verse #6

Atunchi dikhlom, ke aketa, mashkar o krajicko iskamin haj shtar zhuvinde haj phure o Bakro tordyolas, sar tele te mudardinesas les. Efta shinga haj efta jakha sas les, save le Devleske pe phuv bishalde efta duhuraj.

verse #7

Kothe gelas haj perdal las e hartija anda kodalesko chacho vast, kon po krajicko iskamin beshelas.

verse #8

Kana perdal las e hertija e shtar zhuvinde haj le bish thaj shtar phure tele burdosardyiline angla o Bakro: savorazhenen kithara haj somnakuni kuchi sasle, pherdo lashe sungangire makhlimatanca, save le suntonge rudyimataj.

verse #9

Nyevi gilyi gilyabenas, so kade ashundyolas:
„Perelpe tuke Raja te les e hartija,
haj opre te putres kodalake stemplura,
ke mudardine tut, haj tyire ratesa muntosardan le Devleske,
anda sako kunpania, shib, popularo haj kethanipe,

verse #10

haj amare Devleske krajeske haj rashajenge shutan len,
haj rajisarena pe phuv!”

verse #11

Bute andyelon dikhlom. haj ashundom lenge vorbimata krujal pa krajicko iskamin, haj vi le zhuvindengo haj le phurengo, karing mija zhene sasle,

verse #12

kon glasunes kodo cipinas:
„Perelpe le Bakreske, kas mudardine,
ke lesko te avel o saktimo haj barvalipe,
o platnikipe, e zor, e patyiv,
o luvudyipe haj o ashtyilipe!”

verse #13

Sako kerdyipe, so ando cheri si, pe phuv bake tala e phuv, haj so pe mara bake ande mara si, sa kadalen ashundom, sar kado phenenas: „Kodaleske, kon po krajicko iskamin beshel haj le Bakreske ashtyilpe, patyiv, luvudyipe haj baripe, sagutno-sagutnes!”

verse #14

Le shtar zhuvinde kado phendine palpale: „Amen!” Le bish thaj shtar pe mosura burdosardyilas haj luvudyisarenas le sagutno-sagutnes trajisardines.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22