chapter 9
O panzhto andyelo phurdas o fanfari, haj dikhlom, ke jekh cherhaj pelas tele anda cheri pe phuv, haj leske davadyilas la milno xalyingaki kijia.
Puterdas la milno xajinga, haj oprehuraldas la xajingako thuv, sar jekhe bare bovesko thuv, pe kado tunyarikisajlas o kham haj o oxigeno kathar la xajingako thuv.
Anda xajingako thuv shashki aviline avri pe phuv, haj kasavo saktimo davadyilas lenge, sosko saktimo la phuvake shkorpiovon si.
Kodo vladipe line, ke tena azban la phuvaki char, chi jekhe zeleno vegetatos haj chi jekhe kashtes na, ba numa kodole manushen, pe kasko chikat naj kothe le Devlesko somno.
Vladipe line, ke tena mudaren len, feri te dukharen len panzh shon, haj lengo dukhipe kasavoj, sar kana o shkorpiovo dukh kerel, kana churindel le manushes.
Ande kodol dyesa le manusha rodena le meripes, ba chi arakhena les, haj doronape pala meripe, ba o meripe nashelatar angla lende.
Le shashkengo trupo pe prastavne grastende cirdelas, haj pe lengo shero sar somnakuni korona te avilino. Lengi mosura kasavi sas, sar le manushengi mosura.
Lenge bal kasave sas, sar le romnyange bal, haj lenge dand, sar le levonge dand.
Lengo kolyin kasvo sas, sar sastri te avilino, haj lenge phakange glasimata, sar kana ando maripe prastaven bute vurdonengo bashadyipe.
Lengi pori cirdelas pe shkorpiovongi pori, haj kanro sas ande lengi pori, ande kado pale saktimo, ke dosh te zhanen te keren le manushenge zhi kaj panzh shon.
Le milnopesko andyelo sas lengo kraj, kasko anav hebericka Abaddon, hellenicka Apollion si.
O Jekh somno nachilastar, ba aketa, inke duj jaj avilas pala kado.
O shovto andyelo phurdas o fanfari, haj jekh glaso ashundom, mashkar le somnakune oltaroske shinga, so angla e Devleske jakha tordyolas,
savo kodo phendas le shovtone andyeloske, kaste sas o fanfari: „Puter avri le shtare andyelon, save kaj o baro Eufrates ab phangle si!”
Avriputerdine le shtare andyelon, kon gata sas po chaso, po dyes, po shon, po bersh, ke te mudaren le manushengo trito rigipe.
Le grastara ketanengo butipe bish mijavar desh miji: ashundom ke sode zhene si.
Kade dikhlom ando viziovo le grasten, haj kon pe lende beshenas, kodalen jagaslo, vuneto haj vuneto lolo rangaslo kolyinari sas len, haj le grastengo shero pe levongo shero anelas. Anda lengo muj jag haj thuv delas angle.
Kathar kado trin pecipe pustisajlas le manushengo trito rigipe, kathar e jag, thuv haj keno, so anda lengo muj delas angle.
Ke le grastengi zor ande lengo muj haj pori si, ke lengi pori po sap cirdel, shero siles haj kodalesa keren dosh.
Le majbut manusha kon chi muline kathar kadal prikezhimata, chi kade chi inkerdas bezexbunuipe anda penge vastenge kerdyimata, ke tena luvudyisarel le nasule duhos, haj anda somnakaj, rup, xarkom, barr, kasht kerdine fetishon, save chi zhanen te dikhen, haj chi te ashunen, haj chi te phiren.
Chi inkerdine bezexbunuipe anda mudarimata, so kerdine haj chi anda tilarimata, marhimata haj chorimata.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly