chapter 14
Atunchi aketa, dikhlom, ke o Bakro pe Shionesko plaj tordyolas, aj lesa kethanes le shel thaj shtarvardesh thaj shtar miji, pe kasko chikat sas iskirime lesko anav haj leske Dadesko anav.
Jekh glaso ashundom anda cheri, savo kasavo sas, sar le bare pajengo bashadyipe haj sar le cheresko bashadyipe, haj o glaso, so ashundom kasavo sas, sar pe kithari te kheldinesas le kithara.
Nyevi gilyi gilyabenas angla o krajicko iskamin, angla shtar zhuvinde haj angla phure, haj khonyik kaver chi zhanelas te sityol kodi gilyi, sar le shel thaj shtarvardesh thaj shtar miji zhene, kon muntome si pa phuv.
Kadal kodalaj, kon chi mejardine pen andre romnyanca, ke sunturaj. Zhan pala o Bakro, karing kaj zhal; von muntosaripe line mashkar le manusha, von si le Devlesko haj le Bakresko angluno kerdyipe,
haj ande lengo muj chi arakhadyilas xoxavjipe, ke uzhes tordyon angla Devlesko krajicko iskamin.
Atunchi dikhlom jekhe kavere andyelos pe cheresko uchipe te hural, kaste sagutno evangeliumo sas, ke te viacarel o evangeliumo la phuvake zhuvindenge, sakone kethanipeske, kunpaniake, shibake haj popularoske,
glasune vorbasa: „Daran le Devles, haj den leske o patyivipe, ke reslas leske krisarimasko chaso: haj luvudyisaren les, kon le cheres haj la phuva, la mara haj le pajengo anglalipe kerdas!”
Pala kado jekh kaver andyelo avilas, kon kado phendas: „Xasajlas, xasajlas e Babilonia, savi peske marhimaske molyasa pijadas sakone kethanimatan!”
Pala kadal jekh trito andyelo avilas, haj glasunes cipilas: „Kon luvudyisarel le andyelos bake kodalesko mosuripe, kodo opre lel lesko somno pe pesko chikat bake vast,
vi kodo pela anda Devleske xolyaki mol, so gata si, uzhes, ande leski xolyako taxtaj, haj dukhardyola ande jag haj keno angla andyela haj o Bakro.
Lenge dukhango thuv oprehural sagutno-sagutnes haj najle pacha chi ratyi chi dyese kodalen, kon luvudyisarenas le turbatopedos haj leske amalmosuripes, haj kon opre lel leske anavesko somno.”
– Kadoj le suntongo pachako toleranshipe, kon andre inkren le Devleske vladimata haj le Jezushesko patyape. –
Jekh glaso ashundom anda cheri, savo kado phendas mange: „Iskirisarles: Aba akanak anandej le mule, kon ando Raj meren! Ova, phenel o Duho, ke te hodinisardyontar kathar pengi butyi: ke lenge trabi zhan pala lende!”
Atunchi aketa, jekh parno noro dikhlom, haj po noro jekh kasvo varikon beshelas, kon pe Manushesko Shavo cirdelas, pe kasko shero somnakuni korona sas, haj ande lesko vast avrikucisardo luno sas.
Jekh kaver andyelo avilas avri anda khangeri, haj glasune vorbasa kade cipisardas kodaleske, kon po noro beshelas: „Malav tye lunosa haj shin, ke reslas le kosimasko chaso, ke patyosardyiline le kosimaske butya pe phuv!”
Haj kon po noro beshelas las te shinel peske lunosa, haj tele kosisardas la phuva.
Atunchi jekh kaver andyelo avilas avri anda khangeri, so ando cheri sas, vi kodales avrikucisardo luno sasles.
Kathar o oltaro pale jekh kaver andyelo avilas avri, kas saktimo sas pe jag, haj glasunes kothe cipisardas kodaleske, kas kucisardo luno sasles: „Malav tele tye kucime lunosa, haj shin tele la phuvake drakhenge fruktura, ke patyosardyiline leske drakha!”
O andyelo tele muklas pesko luno pe phuv, haj tele shindas la phuvake drakha, haj ande Devleske xolyako baro molako pizdari shudasles.
Mishto kethane pizdisardine le drakhen ande molako pizdari avral pa foro, haj kattyi rat avilas avri anda pizdari zhikaj le jekh mija haj shovshela shtadiumura, ke zhikaj le grastengo muj reselas.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly