chapter 3
La sardesickone eklezhiake andyeloske iskirisarles:
Kade del duma, kaskoj le Devlesko efta duho haj le efta cherhaja: Pinzharav tye trabi, ke si tut anav, ke sar trajis, ba mulo san!
Av sama lino haj zurar le majbuten, kon pashe si kaj o meripe, ke tye kerdyimatan chi inkrav intregoneske angla o Del.
Seron apol palpale pe kodo, ke sar lanles haj ashundanles, inker kodo, haj inker bezexbunuipe. Kana pale tena avesa samalinicko, kade reso tute sar o chor, haj chi zhanesa, ke ande savo chaso avo tute.
Ba si tut unyi anava ando Sardes, kon chi melardine andre penge gada, haj manca phirena ande parne, ke perelpe lenge.
Kon viktorno avla, kade uravelape ande parne gada, haj chi kosav avri lesko anav anda trajoski hertija, haj avri- phenav lesko anav angla muro Dad haj angla leske andyela.
Kas si kan te ashunelles, so phenel o Duho le eklezhiange!
La filadelficka eklezhiake andyeloske iskirisarles:
Kade del duma o Sunto, o Chacho, kaste le Davideski kija si, kon kana variso avriputrel, kodo khonyik chi phandavel andre: kana variso andre phandavel, kodo khonyik chi putrel avri:
Pinzharav tye trabi. Aketa, puterdo vudar dom angla tute, saves konyik nashtig phandavel andre. Chaches cerraj tyi zor, vi kade andre inkerdan mure alava, haj chi asvikardan muro anav.ű
Aketa, kothe dav unyizhenen anda shatanoski zhinagoga, kon biboldenge phenen pen, kana pale na kodalaj, ba xoxaven; aketa, keravles, ke te aventar haj kaj tye punre te burdosardyon, haj avrizhanen, ke kamav tut.
Apol ke inkerdan mure pachake toleranshipesko alav, vi me ferisarav tut kathar le pharimasko chaso, so avelatar pe intrego phuv, ke avri te zumavel la phuvake manushen.
Aketa, na pa buteste avotar! Inker so si tut, ke khonyik tena lel tyi korona!
Kon viktorno avla, kodales stanboske shav ande mure Devleski eklezhia, haj chi zhala avri majbut, haj pe leste iskirisaro mure Devlesko anav haj mure Devleske forosko anav, le nyeve Jeruzhalemosko, savo tele hurajlas anda o cheri kathar muro Del, haj muro nyevo anav.
Kas si kan, te ashunelles, so phenel o Duho le eklezhiange!
La laodicicko eklezhiake andyeloske iskirisarles:
Kade del duma o Bater, o chacho chachari, kon le Devleske kerdyimasko anglalipej:
Pinzharav tye trabi, ke chi shudro chi san, chi tato: o feri shudro te avesas bake tato!
Ba ke tatyimasko san, chi shudro haj chi tato, lokhes avrishudav tut anda muro muj.
Ke kodo phenes: »Barvalo som, haj zurales but avucija si man, haj chi muklyosardyuvav opre pe khancheste« , haj chi zhanes, ke chorro haj sunuimasko san, chorro, korro, haj nango.
Kodo phenav tuke, ke le mandar ande jag zumadine somnakajes, ke te barvajves; urav tut ande parne gada, ke tena dichol tye nangimasko lazhamnipe; haj makh andre tye jakha jakhenge makhlipesa, ke te dikhes.
Ke kas kamav, kodalen tele phenav haj sazdelisarav; zurar tut apol opre, haj inker bezexbunuipe.
Aketa kaj o vudar tordyuvav haj katnarav kodo. Kana varikon ashunel muri vorba haj avriputrel mange o vudar, andre zhav leste, lesa xav, haj voj manca.
Kon angluno avla kodaleske dav kodo, ke manca te beshel pe muro krajicko iskamin, sar ke vi me viktorno kerdyilom, haj kaj muro Dad beshav pe lesko krajicko iskamin.
Kas si kan, te ashunelles, so phenel o Duho le eklezhiange!”
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly