Janosheske viziovura

Chapters:

… 17 18 19 20 21 22   ⇤ ← 20 → ⇥

verse #1

Atunchi dikhlom, ke jekh andyelo hural tele anda cheri, kaste le milnopeske kija sas, haj ande lesko vast jekh baro vering.

verse #2

Xutyildas le drakos, le majdulmutane sapes, kon o beng si haj o shatano, haj phanglas les pekh mija bersh.

verse #3

Tele shudas les ando milnope, tele phandadas les, haj stemplo shutas pe leste, ke tena xoxavel majbut peste le popularon, zhikaj chi nacholtar o jekh mijato bersh. Pala kodo, avri trubuj te putren les, ba numa pekh cerra vramate.

verse #4

Pala kodo iskamina dikhlom, haj kodalengo duho beshenas pe lende, haj line krisarimasko saktimo, kaske tele shindine lengo shero anda Jezushesko chacharipe haj anda Devlesko alav, haj kon chi kamenas le turbatopedos, haj chi kodaleske amalmosuripes, haj chi lesko somno chi line pe pengo chikat bake pe penge vast, haj trajinas haj rudyinas le Kristosa zhikaj jekh mija bersh.

verse #5

Le majbut saktimata chi trajisardyon opre, zhikaj chi nacholatar o jekh mijato bersh. Kadoj o angluno opretrajisaripe.

verse #6

Anandoj haj suntoj, kas rig siles ando angluno opretrajisaripe! Pe kadal najles saktimo le dujtone meripeske, ba le Kristoske haj le Devleske rashaja avna, haj rajinape lesa jekh mija bersh.

verse #7

Kana maj nacholatar o jekh mijato bersh, avriputrena ande leski robija le shatanos.

verse #8

Avri avel haj peste xoxavel le shtare popularon, save pe phuvake shtar riga beshen, le Gogos haj Magogos, haj kethane kidel len po maripe; kattyi zhene si, sar pe maraki dolma e char.

verse #9

Opretordyona pe phuvake sakono than, haj krujal len le suntonge kunpanijan haj le kamade foros. Ba jag hural tele kathar o Del anda cheri, haj mudarel len,

verse #10

haj le benges, kon xoxadas len. Ande jagako haj kenicko paji shudenles, kaj le turbatopedos haj le xoxamne profetas dukharen vi ratyi haj vi dyese, sagutno-sagutnes.

verse #11

Pala kodo dikhlom jekh baro parno krajicko iskamin, haj kon pe leste beshelas, angla kasko dikhlipe garadyolas e phuv haj o cheri, haj nas than pe lengi rig.

verse #12

Haj dikhlom, ke le mule, cine haj bare angla o krajicko iskamin tordyon, haj le hertiji avriputerdine. Vi jekh kaver hertija avriputerdine, savi le trajoski hertijaj. Le mulen krisardine anda kodal, so kathar lenge trabi tele sas iskirime ande hertija.

verse #13

E mara palpale das le mulen, kon ande late sas, haj o meripe haj e telalutniluma palpale dine le mulen, kon lende sas, haj savorazhenen krisardine kathar lenge trabi.

verse #14

Le meripes haj la telalutnaluma ande jagako paji shudine: kadoj o dujto meripe.

verse #15

Kon nas andre iskirime ande trajoski hertija, kodales ande jagako paji shudine.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22