chapter 15
Atunchi jekh kaver baro haj chudimasko somno diklom ando cheri: efta andyelon, kaste le efta palune prikizhimata sas, ke perdal pa lende pherdyilas andre le Devleski xolyi.
Atunchi sar varisoski glazhuni mara te dikhlomas, so jagasa sas kethane hamime. Dikhlom kodalen, kon tele mardine le turbatopedos haj leske amalmosuripes haj leske anaveske numeros, sar opral pa glazhicko mara tordyon le Devleske kitharanca, haj
gilyaben le Mozesheske, le Devleske slugaski gilyi haj le Bakreski gilyi:
„Barej haj chudimaskej tye kerdyimata,
Raja, sagutnokerimasko Del!
Chachimaskej haj chachej tye droma, popularongo Kraj!
Kon tena daralas tutar, Raja,
haj kon chi asharelas tyo anav?
Ke numa tu korkoro san sunto,
ke sakono popularo aveltar
haj tele burdosarel angla tute,
ke tye krisarimata pinzhardine kerdyiline!”
Pala kado dikhlom, ke aketa, avriputerdyol le chacharimaski khangeri ando cheri,
haj efta andyela avilas avri anda khangeri, kaste le efta prikezhimata sas, ande uzhe haj parne poxtana uradines, haj pe lengo kolyin krujal somnakuno brichinari sas.
Mashkar le shtar zhuvinde o jekh le efta andyelon efta somnakuni kuchi das, pherdo le sagutno-sagunes trajisarde Devleska xolyasa.
Haj e khangei pherdyilas thuvesa kathar le Devlesko krajisaripe haj saktimo, haj khonyik nashtig zhalas andre ande khangeri, zhikaj andre chi pherdyilas le efta andyelonge efta prikizhimata.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly