Janosheske viziovura

Chapters:

… 8 9 10 11 12 …   ⇤ ← 10 → ⇥

verse #1

Pala kodo jekhe kavere zurale andyelos dikhom tele te hural anda cheri, norosa krujal linisardes, haj pe lesko shero kushtik sas. Leski mosura kasavo sas, sar o kham, leske punre pale sar e jag.

verse #2

Ande peske vast puterdi hertija inkerlas, pesko chacho punro pe mara shutas, o stungo pale pe phuv,

verse #3

haj kasave glasunes cipisardas, sar kana o levo cipil. Kana cipisardas duma das le efta bashadyimasko glaso.

verse #4

Kana pale le efta bashadyimasko glaso duma das, kamlom te iskirisarav, ba jekh glaso ashundom anda cheri, savo kade das duma mande: „Stemplosarles tele, so le efta bashadyimata phendas, haj na iskirisarles tele!”

verse #5

Atunchi o andyelo, kas dikhlom te tordyol pe mara haj pe phuv, oprevazdas pesko chacho vast karing o cheri,

verse #6

haj colaxardas po sagutno-sagutnes trajisardino, kon le cheres kerdas, haj sa kodo, so pe kodo si, haj la phuva, haj sa kodo so pe late si, haj e mara, haj sa kodo, so ande late si, ke „vrama chi avla majbut,

verse #7

ba ande eftato andyelosko fanfarisarimaske dyesa, kana kodo lel te phurdel o fanfari, andre pherdyol le Devleski tajna, ke sar kadi lashi viaca avri- zhanardas leske slugi, perdal pa profeti.”

verse #8

Atunchi glaso ashundom anda cheri, sar pale vorbilas mande, haj kodo phendas: „Zha, haj le perdal e puterdi hertija anda andyeloske vast, savo pe mara haj pe phuv tordyol!”

verse #9

Gelomtar kaj o andyelo haj phendom leske, ke te del mange la hertija. Voj kodo phendas mange: „Xutyilla haj xala. Kerkarela tyi rinza, ba ande tyo muj kasavo guglo avla, sar o adyvin.”

verse #10

Lom apol e hertija anda andyeloske vast, haj xalomla, ande muro muj gugli sas, sar o adyvin, ba kana tele nakhadomla, muri rinza kerko kerdyilas.

verse #11

Atunchi kodo phendine mange: „Pale trubuj te profecisares le kethanipenge haj popularonge haj shibange haj bute krajenge!”

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22