chapter 8
Kana o eftato stemplo opre- puterdas, silenco kerdyilas ando cheri karing jekh dopash chaso.
Dikhlom le efta andyelon, kon angla o Del tordyonas, haj efta fanfara dine len.
Pala kodo jekh kaver andyelo avilas, haj tordyilas angla o oltaro somnakune thuvjimaresa. But lashe sungaskire makhlimata dine les, ke anda sakono sunto rudyipe te shol po somnakuno oltaro, savo angla Devlesko krajicko iskamin tordyolas.
Le lashe sungange makhlimatangi thuv oprehurajlas anda le suntonge rudyimata anda le andyeloske vast angla o Del.
O andyelo xutyildas le thuvjimares, shutas ande leste anda oltaroski jag, haj tele shudasles pe phuv. Atunchi bashadyipe, baro glasipe haj strafinipe kardyilas haj zurales mishkisajlaspe e phuv.
Le efta andyela, kaste le efta fanfara sas, lashardaspe, te phurdel o fanfari.
O angluno andyelo phurdas o fanfari. Pe kado ratesa hamisardo pahosko brishind kerdyilas, haj pe phuv pelas. La phuvako trito rig phabilastar, le kashtengo trito rigipe phabilastar, haj sako zeleno char avriphabilas.
O dujto andyelo phurdas o fanfari. Variso jagasa phabilino baro plaj pelas ande mara, haj la marako trito rigpe rateske kerdyilas.
Atunchi muline ande mara le zhuvindimatango trito rigipe so ande late trajinas, haj le berongo trito rigipe pustisajlastar.
O trito andyelo phurdas o fanfari, haj jekh baro cherhaj pelas tele anda cheri, phabindes, sar e jagasli rolyi, andre pelas ande abengo trito rigipe haj ande pajenge xajinga.
Le cherhajesko anav: Kerko. Le pajengo trito rigipe kerkeske kerdyilas, haj but manusha muline kathar le paja, ke kerke kerdyline.
O shtarto andyelo phurdas pesko fanfari, haj prikezhimata reslas le khamesko trito rigipes, le shonitikesko trito rigipes, le cherhajengo trito rigipes, ke lengo trito rigipe te kerdyol tunyariko, haj le khamesko trito rigipe tena ablyol, haj la ratyako zhikade.
Atunchi dikhlom haj ashundom, ke jekh korkoro akvilno huraldas perdal pa cheri, haj glasunes kade cipilas: „Jaj, jaj, jaj, la phuvake zhuvindenge, anda kaver trine andyelonge fanfaripe, kon pala kado phurdena o fanfari!”
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly