chapter 11
Atunchi jekh kasavi trestija dine man, so pe vazareki rolyi cirdelas, haj kodo phendine: „Ushtyi opre, haj vazar le Devleska khangera, o oltaro haj kodalen, kon ande late rudyin!
Ba so avral si pa khangeri ambito muk avri haj na vazarles, ke kodo perdal dine kodale kethanipenge, save le suntone foros shtarvardesh thaj shtar shon phirena.
Pheno mure duje chacharenge, ke jekh mija thaj dujshela thaj shovardesh dyes te profecisaren, ande zarvalegone uradines.”
Von si le duj ulojeske kasht haj duj memelyke inkritora, save angla phuvako Raj tordyon.
Kana varikon dosh kamel te kerel lenge, jag del angle anda lengo muj, haj mudarel lenge dushmanon. kana varikon kamel te azbal len, atunchi kodalen trubuj te mudaren.
Kadalen saktimo sile pe kodo, ke andre te phandaven le cheres, tena del o brishind ande lenge profecimaske dyesa, haj saktimo sile pe paja, ke rateske te kerenlen, haj butfalone prikezhijasa te maren la phuva, sodivar feri kamen.
Kana andre agorisarena pengo chacharipe, anda milnope oprehuraldo turbatopedo lenge dela, tele viktornosarela haj mudarela len.
Lengo mulikano trupo, pe kodale bare foroski vujica pashjola, save perdal hatyarindes Sodomake haj Edyiptomeske anavaren, haj kaj vi penge Rajes po trushul tannardine.
Anda kunpaniji, populara, shiba, kethanimata, butzhene dikhena lengo mulikano trupo trin thaj dopash dyes, haj lenge mulikane trupos chi mukena ando murmunto te shon.
Le phuvake manusha pale vojinape pe lende, haj losshana. Suvenira bishalena jekhavreske, ke kadal duj profeti pe dukhardyipe sas la phuvake manushenge.
Ba pala trin dyes haj dopash kathar o Del trajo hurala ande lende. Pe penge punre tordyona, haj bari lossh xutyilela kodalen, kon dikhena len.
Atunchi jekh baro glaso ashunen anda cheri, savo kodo phenel lenge: „Huran opre kathe!” Pe kado oprehuran ando cheri ando noro, lenge dushmanura pale dikhena len.
Ande kodo chaso zurales mishkilape e phuv, haj le forosko deshtope rig kethane burdosajla. Ande phuvako mishkisaripe kathar o anav efta miji manusha xasarena pengo trajo. Le majbut zhene darajvena haj luvudyisarena le chereske Devles.
O dujto jaj nachisajlas, ba aketa, na pa buteste avelatar vi o trito jaj!
O eftato andyelo phurdas o fanfari, haj zurales bare glasura dine duma ando rajo: „Amare Rajesko haj leske Kristosko kerdyilas kadala lumako rajipe, haj rajilape sagutno-sagutnes! Amen.”
Atunchi le bish thaj shtar phure, kon angla o Del beshenas pe penge iskamina, pe pengi mosura burdosardyiline, haj luvudyinas le Devles:
„Najisipe phenas tuke, sagutnipekerari Rajdel,
kon san haj kon sanas,
ke perdal lan tyo baro saktimo haj rajistu.
Le manusha apol xolyajvenas,
ba avilastar tyiri xolyi,
haj e vrama, ke le mulen te krisaren,
haj te den o potyinipe tye slugange,
le profetange haj le suntonge
haj kodalenge, kon daran tyo anav,
le cinenge haj le barenge,
haj ke avri te mudaren kodalen, kon rumusardine la phuva.”
Atunchi avri puterdyilas le Devleski khangeri ando cheri, haj dicholas la konvencijaki shifonyi ande leski khangeri: strafina, bashadyipe, phuvako mishkisardyipe haj baro pahosko brishind kerdyilas.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly