Janosheske viziovura
11. fejezet
La khangerako vazaripe: le duje profetango chacharipe
1. vers
Atunchi jekh kasavi trestija dine man, so pe vazareki rolyi cirdelas, haj kodo phendine: „Ushtyi opre, haj vazar le Devleska khangera, o oltaro haj kodalen, kon ande late rudyin!
2. vers
Ba so avral si pa khangeri ambito muk avri haj na vazarles, ke kodo perdal dine kodale kethanipenge, save le suntone foros shtarvardesh thaj shtar shon phirena.
3. vers
Pheno mure duje chacharenge, ke jekh mija thaj dujshela thaj shovardesh dyes te profecisaren, ande zarvalegone uradines.”
4. vers
Von si le duj ulojeske kasht haj duj memelyke inkritora, save angla phuvako Raj tordyon.
5. vers
Kana varikon dosh kamel te kerel lenge, jag del angle anda lengo muj, haj mudarel lenge dushmanon. kana varikon kamel te azbal len, atunchi kodalen trubuj te mudaren.
6. vers
Kadalen saktimo sile pe kodo, ke andre te phandaven le cheres, tena del o brishind ande lenge profecimaske dyesa, haj saktimo sile pe paja, ke rateske te kerenlen, haj butfalone prikezhijasa te maren la phuva, sodivar feri kamen.
7. vers
Kana andre agorisarena pengo chacharipe, anda milnope oprehuraldo turbatopedo lenge dela, tele viktornosarela haj mudarela len.
8. vers
Lengo mulikano trupo, pe kodale bare foroski vujica pashjola, save perdal hatyarindes Sodomake haj Edyiptomeske anavaren, haj kaj vi penge Rajes po trushul tannardine.
9. vers
Anda kunpaniji, populara, shiba, kethanimata, butzhene dikhena lengo mulikano trupo trin thaj dopash dyes, haj lenge mulikane trupos chi mukena ando murmunto te shon.
10. vers
Le phuvake manusha pale vojinape pe lende, haj losshana. Suvenira bishalena jekhavreske, ke kadal duj profeti pe dukhardyipe sas la phuvake manushenge.
11. vers
Ba pala trin dyes haj dopash kathar o Del trajo hurala ande lende. Pe penge punre tordyona, haj bari lossh xutyilela kodalen, kon dikhena len.
12. vers
Atunchi jekh baro glaso ashunen anda cheri, savo kodo phenel lenge: „Huran opre kathe!” Pe kado oprehuran ando cheri ando noro, lenge dushmanura pale dikhena len.
13. vers
Ande kodo chaso zurales mishkilape e phuv, haj le forosko deshtope rig kethane burdosajla. Ande phuvako mishkisaripe kathar o anav efta miji manusha xasarena pengo trajo. Le majbut zhene darajvena haj luvudyisarena le chereske Devles.
14. vers
O dujto jaj nachisajlas, ba aketa, na pa buteste avelatar vi o trito jaj!
O eftato fanfari
15. vers
O eftato andyelo phurdas o fanfari, haj zurales bare glasura dine duma ando rajo: „Amare Rajesko haj leske Kristosko kerdyilas kadala lumako rajipe, haj rajilape sagutno-sagutnes! Amen.”
16. vers
Atunchi le bish thaj shtar phure, kon angla o Del beshenas pe penge iskamina, pe pengi mosura burdosardyiline, haj luvudyinas le Devles:
17. vers
„Najisipe phenas tuke, sagutnipekerari Rajdel,
kon san haj kon sanas,
ke perdal lan tyo baro saktimo haj rajistu.
18. vers
Le manusha apol xolyajvenas,
ba avilastar tyiri xolyi,
haj e vrama, ke le mulen te krisaren,
haj te den o potyinipe tye slugange,
le profetange haj le suntonge
haj kodalenge, kon daran tyo anav,
le cinenge haj le barenge,
haj ke avri te mudaren kodalen, kon rumusardine la phuva.”
19. vers
Atunchi avri puterdyilas le Devleski khangeri ando cheri, haj dicholas la konvencijaki shifonyi ande leski khangeri: strafina, bashadyipe, phuvako mishkisardyipe haj baro pahosko brishind kerdyilas.
Könyvek
