Janosheske viziovura
capítulo 3
La sardesickone eklezhiake
verso 1
La sardesickone eklezhiake andyeloske iskirisarles:
Kade del duma, kaskoj le Devlesko efta duho haj le efta cherhaja: Pinzharav tye trabi, ke si tut anav, ke sar trajis, ba mulo san!
verso 2
Av sama lino haj zurar le majbuten, kon pashe si kaj o meripe, ke tye kerdyimatan chi inkrav intregoneske angla o Del.
verso 3
Seron apol palpale pe kodo, ke sar lanles haj ashundanles, inker kodo, haj inker bezexbunuipe. Kana pale tena avesa samalinicko, kade reso tute sar o chor, haj chi zhanesa, ke ande savo chaso avo tute.
verso 4
Ba si tut unyi anava ando Sardes, kon chi melardine andre penge gada, haj manca phirena ande parne, ke perelpe lenge.
verso 5
Kon viktorno avla, kade uravelape ande parne gada, haj chi kosav avri lesko anav anda trajoski hertija, haj avri- phenav lesko anav angla muro Dad haj angla leske andyela.
verso 6
Kas si kan te ashunelles, so phenel o Duho le eklezhiange!
La filadelficka eklezhiake
verso 7
La filadelficka eklezhiake andyeloske iskirisarles:
Kade del duma o Sunto, o Chacho, kaste le Davideski kija si, kon kana variso avriputrel, kodo khonyik chi phandavel andre: kana variso andre phandavel, kodo khonyik chi putrel avri:
verso 8
Pinzharav tye trabi. Aketa, puterdo vudar dom angla tute, saves konyik nashtig phandavel andre. Chaches cerraj tyi zor, vi kade andre inkerdan mure alava, haj chi asvikardan muro anav.ű
verso 9
Aketa, kothe dav unyizhenen anda shatanoski zhinagoga, kon biboldenge phenen pen, kana pale na kodalaj, ba xoxaven; aketa, keravles, ke te aventar haj kaj tye punre te burdosardyon, haj avrizhanen, ke kamav tut.
verso 10
Apol ke inkerdan mure pachake toleranshipesko alav, vi me ferisarav tut kathar le pharimasko chaso, so avelatar pe intrego phuv, ke avri te zumavel la phuvake manushen.
verso 11
Aketa, na pa buteste avotar! Inker so si tut, ke khonyik tena lel tyi korona!
verso 12
Kon viktorno avla, kodales stanboske shav ande mure Devleski eklezhia, haj chi zhala avri majbut, haj pe leste iskirisaro mure Devlesko anav haj mure Devleske forosko anav, le nyeve Jeruzhalemosko, savo tele hurajlas anda o cheri kathar muro Del, haj muro nyevo anav.
verso 13
Kas si kan, te ashunelles, so phenel o Duho le eklezhiange!
La laodicicko eklezhiake
verso 14
La laodicicko eklezhiake andyeloske iskirisarles:
Kade del duma o Bater, o chacho chachari, kon le Devleske kerdyimasko anglalipej:
verso 15
Pinzharav tye trabi, ke chi shudro chi san, chi tato: o feri shudro te avesas bake tato!
verso 16
Ba ke tatyimasko san, chi shudro haj chi tato, lokhes avrishudav tut anda muro muj.
verso 17
Ke kodo phenes: »Barvalo som, haj zurales but avucija si man, haj chi muklyosardyuvav opre pe khancheste« , haj chi zhanes, ke chorro haj sunuimasko san, chorro, korro, haj nango.
verso 18
Kodo phenav tuke, ke le mandar ande jag zumadine somnakajes, ke te barvajves; urav tut ande parne gada, ke tena dichol tye nangimasko lazhamnipe; haj makh andre tye jakha jakhenge makhlipesa, ke te dikhes.
verso 19
Ke kas kamav, kodalen tele phenav haj sazdelisarav; zurar tut apol opre, haj inker bezexbunuipe.
verso 20
Aketa kaj o vudar tordyuvav haj katnarav kodo. Kana varikon ashunel muri vorba haj avriputrel mange o vudar, andre zhav leste, lesa xav, haj voj manca.
verso 21
Kon angluno avla kodaleske dav kodo, ke manca te beshel pe muro krajicko iskamin, sar ke vi me viktorno kerdyilom, haj kaj muro Dad beshav pe lesko krajicko iskamin.
verso 22
Kas si kan, te ashunelles, so phenel o Duho le eklezhiange!”
Libros
