Janosheske viziovura
capítulo 4
Patyivisaripe angla Devlesko krajicko iskamin
verso 1
Pala kadal viziovo dikhlom, haj aketa, vudar puterdyilas ando cheri, haj o angluno glaso, savo sar fanfari ashundyolas, kade vorbilas mange: „Av opre kathe, haj sikavav tuke sa kodo, so pala kado andre trubuj te pherdyol!”
verso 2
Ande kodo minuto ando transo pelom, haj aketa krajicko iskamin tordyolas ando cheri, haj po krajicko iskamin beshelas varikon.
verso 3
Kon kothe beshelas cirdelas leski mosura kaj o jashpisho haj karneolo: kushtik lelas krujal le krajickone iskamines, kasavi sar le shmaragdoski rang.
verso 4
Le krajickone iskamines bish thaj shtar iskamin lelas krujal, haj pe iskamina bish thaj shtar phure beshenas ande parne gada uradines, pe lengo shero somnakuni korona.
verso 5
Anda krajicko iskamin strafina denas angle, haj baro bashadyipe ashundyolas avri. Efta rolya phabonas angla krajicko iskamin: le Devleske efta duhura.
verso 6
Angla krajicko iskamin glazhuni mara sas, kasavi sar krishtalo te avilino, haj ande krajicko iskaminesko mashkar, haj krujal kaj krajicko iskamin shtar zhuvindimata, anglal haj palal pherdo jakhenca.
verso 7
O angluno zhuvindipe po levo cirdelas, o dujto zhuvindipe po biko cirdelas, le tritone zhuvindipes, sar manusheki mosura te avilinosasles, haj o shtarto zhuvindipe po huraldo akvilno anelas.
verso 8
Le shtare zhuvindenge savorazhenen shov-shov phakha sasle, krujal-krujalutnes haj andral pherdi sas jakhenca. Vi dyese vi ratyi sagda kodo phenenas:”Suntoj, suntoj, suntoj o Raj, o sagutnokerimasko Del, kon sas haj kon si haj kon avla!”
verso 9
Kana kadal zhuvindimata luvudyipe, patyivipe haj ashtyilipe phendine kodaleske, kon po krajicko iskamin beshelas, le sagutno-sagutnes trajisarimaske,
verso 10
le bish thaj shtar phure tele burdosardyiline angla kodo, kon po krajicko iskamin beshelas, kamenas le sagutno-sagutnes trajisardines, tele shutine pengi korona angla krajicko iskamin, haj kade dine duma:
verso 11
„Perelpe, Raja, Devla, ke tyiro te avel o luvudyipe,
e patyiv haj o saktimo, ke tu kerdan sakofalo, haj anda tyiro kamipe kerdyiline le zhuvindimata!”
Libros
